सोमवार, २५ जानेवारी, २०१६

निवड

पहिल्या नगराध्यक्षपदी अ. अखिल तर उपनगराध्यक्षपदी सौ. सविता पाटील

हिमायतनगर(अनिल मादसवार)गेल्या दि.१९ रोजी नगरपंचायतीच्या नगराध्यक्ष पदासाठी अर्ज दाखल झाल्यानंतर पहिल्या नगराध्यक्षाच्या निवडीकडे सर्वांचे लक्ष लागले होते. अखेर दि.२५ रोजी काँग्रेसचे वार्ड क्रमांक ३ मधून निवडणून आलेले उमेदवार अ. अखिल अ. हमीद तर उपनगराध्यक्षपदी सौ.सविता पाटील यांची निवड करण्यात आली. त्यांच्या निवडीनंतर ढोल तश्याच्या गजरात फटक्याची आतिषबाजी करून माधवराव पाटील यांचा विजय असो अश्या जयघोषाने जल्लोष करण्यात आला. 

नगरपंचायतीच्या निवणुकीत मतदारांनी काँग्रेस पक्षाला १० तर शिवसेनेला ४, राष्ट्रवादी काँग्रेस पक्षाला २ तर अपक्षाला एका जागेवर निवडून दिले. यात काँग्रेस पक्षाचे निर्विवाद वर्चस्व प्रस्थापित झाले असल्याने आणि सेनेकडे बहुमत नसल्याने काँग्रेस पक्षाचाच नगराध्यक्ष होणार हि काळ्या दगडावरची रेष होती. यात काँग्रेसकडून तरुण तडफदार युवक म्हणून अ.अखिल अ.हमीद यांचा एकमेव अर्ज दाखल करण्यात आल्याने अ.अखिल अ.हमीद भावी नगराध्यक्ष तर उपनगराध्यक्षपदी सौ.सविता अनिल पाटील होणार... केवळ औपचारिकता बाकी या मथळ्याखाली नांदेड न्युज लाईव्हने वृत्त प्रकाशित केले होते. 

दरम्यानच्या काळात स्वीकृत सदस्य वाढविण्याच्या उद्देशाने झालेल्या राजकीय हालचालीत राष्ट्रवादीचे दोन उमेदवार व एक अपक्ष यांची आघाडी करण्यात आली. दि.२५ सोमवारी रोजी झालेल्या नगराध्यक्ष निवडीत पीठासीन अधिकारी आवीशकुमार सोनोने यांच्या उपस्थितीत हात उंचावून मतदान घेण्यात आले. यावेळी अ.अखिल यांना १३ मते तर एक नगसेविका अनुपस्थित असल्याने रामभाऊ ठाकरे यांना ३ मते पडली. यातून १० मते जादा असल्याने अ.अखिल अ.हमीद यांची नगराध्यक्षपदी निवड झाल्याचे घोषित करण्यात आले. तर दुपारी उपनगराध्यक्ष पदासाठी काँग्रेसकडून सौ. सविता अनिल पाटील सेनेकडून विनायक मेंडके यांनी नामांकन दाखल केले होते. सविता पाटील यांना १३ तर मेंडके यांना ३ मते मिळाल्याने उपनगराध्यक्ष पादाची माळ वार्ड क्रमांक १० च्या नगरसेविका सौ. सविता अनिल पाटील यांच्या गळ्यात पडली. यावेळी तहसीलदार गजानन शिंदे, कार्यालईन निरीक्षक मालचापुरे, लिपिक महेमूदसाब बंदगी यांच्यासह नगरपंचायतीचे सर्व कर्मचारी उपस्थित होते. एकूणच दि.२६ जानेवारीचा पहिला झेंडा काँग्रेसचा नवनिर्वाचित नगरसेवक फडकविणार आहे. 

या नवनिर्वाचित पदाधिकाऱ्यांचे माजी आ.माधवराव पाटील जवळगावकर यांनी अभिनंदन करून पुढील कार्याच्या शुभेच्छा दिल्या. यावेळी ढोल तश्याच्या गजरात मिरवणूक काढून फटक्याची आतिषबाजी करण्यात आली. याप्रसंगी तालुकाध्यक्ष विकास पाटील देवसरकर, जी.प.सदस्य सुभाष राठोड, नाजीम बैन्केचे संचालक गणेश शिंदे, जनार्धन ताडेवाड, चांद भाई यांच्यासह नवनिर्वाचित नगरसेवक व काँग्रेस कार्यकर्ते मोठ्या संखेने उपस्थित होते. आज झालेल्या निवडीचा राजकीय अंदाज नांदेड न्युज लाईव्हने दि.१९ रोजीच वर्तविला होता. तो तंतोतंत खरा ठरल्याने अनेकामधून न्युज लाईव्हचे अभिनंदन केले जात आहे.

रविवार, २४ जानेवारी, २०१६

टेंभूर्णीवासीय संतप्त...

सीईओच्या कारनाम्याने टेंभूर्णीवासीय संतप्त... उपोषणाच्या तयारीत

नांदेड(अनिल मादसवार)हिमायतनगर तालुक्यातील मौजे टेंभूर्णी येथील शोष खड्ड्यांचा पैटर्न मुख्य कार्यकारी अधिकारी अभिमन्यु काळे यांनी नांदेड पैटर्न म्हणून आपल्या नावाने खपवून घेत असल्याच्या निंदनीय प्रकाराने टेंभूर्णी येथील गावकरी व सरपंचानी उपोषणाचा पावित्र घेतला आहे. नांदेड पैटर्न ऐवजी डासमुक्तीचा टेंभूर्णी पैटर्न असा नामोल्लेख करण्याचा आग्रह गावकर्यातून धरला जात आहे. 

सन २००४ -०५ साली टेंभूर्णी येथील अभियंता असलेले सरपंच यांच्या संकल्पनेतून संपूर्ण टेंभूर्णी गाव हागणदारी मुक्त व सांडपाण्याच्या काटेकोर व्यवस्थापनातून शोष खड्ड्यांची निर्मित्ती करण्यात आली. आणि पाणी जमिनीत जिरविण्याचा प्रयत्न यशस्वी झाला. त्यांच्या कार्याची अनेक मान्यवरांनी व वर्तमान पात्रांनी दाखल घेतली. आणि ०४ में २००७ रोजी तत्कालीन दिवंगत राष्ट्रपती मा.डॉ.ई.पी.जे. अब्दुल कलाम यांच्या हस्ते आंबेडकर स्टेडीयम नवी दिल्ली येथे प्रमाणपत्र देवून प्रल्हाद पाटील व गावकर्यांच्या कार्याचे तोंडभर कौतुक करण्यात आले होते. 

कोणत्याही शासकीय मदतीची अपेक्षा न करता उच्च शिक्षित असलेल्या सरपंच प्रल्हाद पाटील यांच्या संकल्पनेतून निर्माण होणार्या शोषखड्ड्यांना गावकर्यानीही तितक्याच जोमाने प्रतिसाद दिला. आणि बघता बघता हि शोष खड्ड्यांची लोकचळवळ बनली. सारे टेंभूर्णी गाव अल्पावधीतच गटारमुक्त व पर्यायाने डासमुक्त झाले. प्रल्हाद पाटील यांच्या प्रयत्नांना यश आले आणि शोषखड्ड्यांचा वेलू गगनावरी गेला. टेंभूर्णीच्या डासमुक्तीच्या पैटर्न सुरुवातीला जिल्हाभर, महाराष्ट्रभर आणि आता संपूर्ण भारत देशात याची चर्चा होऊ लागली. हा पैटर्न देशभर राबविण्यात येऊ लागला, या प्रकल्पाची उत्तरोत्तर होणारी लोकप्रियता पाहता नांदेड जिल्हा परिषदेचे मुख्य कार्यकारी अधिकारी अभिमन्यु काळे यांनी सदरील पैटर्न हायजैक करण्याचा प्रयत्न चालविला असल्याचा आरोप टेंभूर्णीच्या गावकर्यामधून करण्यात येऊ लागला. गावकर्यांच्या मते आमच्या गावाचे नंदनवन करण्यासाठी शासनाच्या मदतीची अपेक्षा न करता स्वखर्चातून हा प्रकल्प राबविला. परंतु शासनाने याची दाखल घेवूनही टेंभूर्णी वासीयांची कोणतीही मदत केली नाही. याउलट शोष खड्डयासाठी व शौच्चालय निर्मित्तीसाठी आर्थिक मदत केलेल्या गावांचा गवगवा करून आमच्याच संकल्पनेतून हा प्रकल्प साकारल्याचे मुख्य कार्यकारी अधिकारी अभिमन्यु काळे सांगत असल्याने हे धांधात खोटे असल्याचे गावकरी सांगत आहेत. 

त्यांच्या अश्या टेंभूर्णी प्रकल्पाच्या पळवा - पळवी करण्याच्या प्रयत्नाने ग्रामस्थ संतप्त झाले असून, दि.१७ जानेवारी रोजी ग्रामसभा घेवून या विषयीचा ठराव घेण्यात आला. आणि नांदेड जिल्हा परिषदेच्या अध्यक्ष दि.१९ जानेवारी रोजी देवून नांदेड पैटर्न नाव बदलून डासमुक्तीचा टेंभूर्णी पैटर्न असा उल्लेख करावा अशी मागणी केली आहे. आगामी सात दिवसात याविषयी निर्णय न घेतल्यास गावकर्यासह सरपंच प्रल्हाद पाटील यांनी उपोषण करण्याचा इशारा दिल्याने मुख्य कार्यकारी अधिकारी यांच्या शोषखड्ड्यांचे श्रेय लाटण्याच्या प्रयत्नामुळे वादाची ठिणगी उडाली आहे. 

बुधवार, २० जानेवारी, २०१६

महाराष्ट्रात पहिलीच घटना...

बहिणीच्या हुंड्यासाठी भावाने आत्महत्या केल्याची महाराष्ट्रात पहिलीच घटना...
शासनाने कटाक्षाने लक्ष देण्याची गरज 
पोलिसांच्या भूमिकेबाबत संशय 
हिमायतनगर(प्रतिनिधी)आजवर सर्वत्र हुंडाबळीने महिलांनी मृत्युला कवटाळल्याच्या घटना आपण ऐकत व पहात आहोत. परंतु हुंडा देऊ न शकणार्या एका बहिणीच्या भावाने आत्महत्या केल्याची घटना हि कदाचित पहिलीच असावी. त्यामुळे या घटनेच्या गांभीर्याकडे शासनाने कटाक्षाने लक्ष देण्याची गरज असल्याच्या प्रतिक्रिया गावकर्यांनी दि.२० बुधवारी भेट दिलेल्या मिडीयाच्या कैमेर्यासमोर व्यक्त करून पोलिसांच्या भूमिकेबाबतही संशय व्यक्त केला आहे. 

मयत युवकांच्या नातेवाईकांनी पोलिसांना दिलेल्या तक्रारी व काही गावकर्यांच्या म्हणण्यानुसार डोलारी येथील मयत सतीश यांचे वडील माधवराव कदम यांच्या नावाने २ ते ३ एकर जमीन आहे. गतवर्षी गावाजवळील शिवशेजारी असलेल्या सिरपल्ली येथील पंजाबराव भुजंगराव जाधव यांचा मुलगा गोपीनाथ जाधव याच्याशी प्रतिष्ठित लोकांनी सोयरिक जुळविली होती. तसेच १२ मी २०१५ रोजी रिती रिवाजाप्रमाणे साखरपुडाही उरकला होता. यावेळी नवरदेवाला कन्यादानरुपी ३ लाख ५० हजार व १० ग्रॅम सोन्याची अंगठी उपस्थितांच्या समक्ष देण्यात आली होती. आणि सन २०१६ मध्ये लग्न करण्याचे ठरले होते. नवीन वर्ष सुरु झाल्याने तसेच दुष्काळी पैस्थिती लक्षात घेता लवकर लग्न सोहळा उरकून घ्यावा ये हेतूने दि.१९ जानेवारी २०१६ शनिवारी गावातील ४ प्रतिष्ठित नागरिक व मयत सतीश माधव कदम हे लग्नाची तारीख ठरविण्यासाठी गेले होते. यावेळी नवरदेवाचे काका रमेश भुजंगराव जाधव यांनी तुम्ही २ लक्ष रुपये कन्यादानाच्या स्वरूपात द्यायला तयार असाल तरच लग्नाची तारीख ठरू असे म्हणून लग्न करायला आम्ही तयार आहोत. तुमची जर पैश्याची सोय होत नसले तर आजच सोयरिक मोडली म्हणून समजा असा सज्जड इशारा दिला होता. 

गेल्या तीन वर्षापासून सतत होत असलेली नापिकी व यावर्षी झालेल्या अल्प पावसामुळे पिके हाताची गेली. त्यामुळे आणखीन हुंड्याची रक्कम कुठून द्यायची या विवंचनेत सतीश व त्याचे वडील होते. दि. १९ रोजी सकाळी ०८ वाजेच्या सुमारास नवरदेवाच्या काकाने मयत सतीशला शेतात बोलावून पैश्याची सोय झाली कि नाही..? पैश्याची सोय होत नसेल तर सोयरिक कश्याला केली.... कोणासोबत तुझी बहिण तशीच पाठवून द्यायची होती.... असे अर्वाच्य भाषेत बोलून अगोदरच व्यतिथ असलेल्या सतीशच्या मनाला अजूनही ठेस पोन्चविली. या गोष्टी मनाला खटकल्यामुळे सतीशचा तणाव जास्त वाढला याच अवस्थेत सतीशने घरी आल्यानंतर आपल्या आई, वडिलास घडलेली हकीकत रडत सांगितली. माझा हयातात माझ्या बहिणीची सोयरिक तुटली आता मझुअ राहून काय फायदा... असे म्हणत दि.१९ जानेवारी रोजी सकाळी ०९ वाजेच्या सुमारास घरातून तो बाहेर पाळला....आणि गावातील ७० फुट खोल असलेल्या सार्वजनिक विहिरीत उडी मारून आत्महत्या केली. 

यास कारणीभूत असलेल्या जबाबदार असणार्यांवर हुंडाबळी आणि मरणास कारणीभूत ठरल्या प्रकानी गुन्हे दाखल करावे अशी मागणी एली होती. परंतु पोलिसांनी तक्रारीला न जुमानता गुन्हा दाखल करण्यात टाळाटाळ केली होती, दरम्यान रात्रीला पोलिस ठाण्यात ठिय्या आंदोलन उभारल्याने शेवटी कलम ३०६, ३४ भादवीच्या अनुसार आरोपी रमेश भुजंग राव जाधव, पंजाबराव भुजंगराव जाधव, गोपी भुजंगराव जाधव, भुजंगराव जाधव रा.सिरपल्ली, ता.हिमायतनगर या चौघांवर गुन्हा दाखल करण्यात आला असून तपास पोलिस उपनिरीक्षक सुशील चव्हाण व त्यांचे सहकारी करीत आहेत. परंतु पोलिसांनी घडलेल्या घटनेच्या गांभीर्यानुसार कलम न लावता आरोपी निर्दोष सुटण्यास मदत व्हावी या पद्धतीच्या कलमा लावल्याचा आरोप मयताचे वडील, आई, बहिण, काका यासह गावकर्यांनी मिडीयाच्या कैमेर्यासमोर केला आहे. त्यामुळे या घटनेत पोलिसांची भूमिका संशयास्पद असून, मयताच्या मृत्यूस कारणीभूत असलेल्या सर्वांवर हुंडाबळी कलमान्वये गुन्हा दाखल करून आम्हा गरिबांना न्याय मिळवून द्यावा अशी रास्त अपेक्षा त्यांनी व्यक्त केली आहे. 

मयत युवकाच्या नातेवाईकांनी आमच्याकडे तक्रार दिली आहे. त्या दिशेने आमची चौकशी सुरु आहे, चौकशीत सत्यता समोर येताच त्यानुसार कलम वाढविण्यात येतील यात आमची काही हरकत नाही. - सुरेश दळवे, पोलिस निरीक्षक हिमायतनगर 

मंगळवार, १९ जानेवारी, २०१६

विहिरीत उडी घेऊन आत्महत्या

बहिणीची सोयरिक मोडल्याने भावाची विहिरीत उडी घेऊन आत्महत्या
हिमायतनगर तालुक्यातील डोलारी येथील घटना 
नांदेड(प्रतिनिधी)हिमायतनगर तालुक्यातील मौजे डोलारी येथील एका तरुणाने बहिणीची सोयरिक मोडल्याचे दुख सहन न झाल्याने गावातीलच जुन्या सार्वजनिक विहिरीत उडी मारून जीवनयात्रा संपविली. हि र्हदयद्रावक घटना मंगळवार दि.१९ रोजी सकाळी ९ ते १० वाजेच्या सुमारास घडली आहे. या घटनेमुळे सर्वत्र हळहळ व्यक्त केली जात आहे. 


तालुक्यातील मौजे डोलारी येथील माधवराव कदम यांच्या मुलीची सोयरिक व रिती रिवाजाप्रमाणे साखरपुडा सिरपल्ली येथील भुजंगराव कदम यांचा मुलगा गोपीनाथ याच्याशी गतवर्षी थाटात संपन्न झाला. सग्या सोयर्‍यामध्ये ठरल्याप्रमाणे मुलीच्या आई- वडीलांनी सासरच्या मंडळीची सरबराई देणे- घेणे केले. यावर्षी लग्ण समारंभ उरकणार.... लग्णाची तारीख निघणार...बहिणीला मेहंदी लागणार.... या आपेक्षेने भावाने बहीणीच्या लग्णाची स्वप्ने सजवीली आणि ही स्वप्ने सत्यात साकारण्यासाठी सासरच्या मंडळीकडे नुकतेच गेले होते. मात्र येथे सासरच्या मंडळींनी मुलींच्या वडीलाकडे दोन लाखाच्या आगाऊ रक्कमेची मागणी केली. ती मागणी पुर्ण केल्याशीवाय लग्णाची तारीख काढणार नाही. अन्यथा हे लग्ण मोडण्यात येईल असे सांगताच बहीणीच्या लग्णाची स्वप्ने पाहणार्‍या सतीशचे संतुलन बिघडले. अगोदरच दुष्काळी परिस्थितीमुळे शेतीत झालेली नापिकीने हैराण असताना आगाउचा हुंडा कसा द्यायचा या विवंचनेत कुटुंब सापडले होते. त्यात बहिणीची सोयरिक मोडल्याचे दुख सहन न झालेल्या मयत सतीश माधव कदम याने गावातीलच सार्वजिक विहिरीत उडी मारून आत्महत्या केली. 


हि घटना समजताच गावातील बघ्यांनी विहीर परिसरात तोबा गर्दी केली होती. तर नातेवाईकांनी मुलीच्या सासरच्या मंडळी विरुद्ध रोष व्यक्त करत शवविच्छेदन झाल्यानंतर गुन्हा दाखल होऊन आरोपींना अटक होईपर्यंत प्रेत ताब्यात घेणार नसल्याचा पावित्रा नातेवाईकांनी घेतला. तत्पूर्वी फिर्यादी किशन शेषेराव कदम यांनी दिल्यावरून हिमायतनगर पोलिस ठाण्यात आकस्मिक मृत्यूची नोंद करण्यात आली असून, पुढील तपास पोलिस निरीक्षक सुरेश दळवे यांच्या मार्गदर्शनाखाली बालाजी लक्षटवार हे करीत आहेत. रात्री उशिरा मयताच्या नातेवाईकांच्या मागणीवरून सिरपल्ली येथील सासरच्या विरोधात हुंडाबंदी असताना हुंद्यची मागणी व आत्महत्येस प्रवृत्त केल्या प्रकरणी गुन्हा दाखल करण्याची प्रक्रिया सुरु होती. 

शनिवार, १६ जानेवारी, २०१६

भाजी भाकरीची पंगत

तामसा येथील भाजी - भाकर प्रसादाचा
५० हजाराहून अधिक भक्तांनी घेतला लाभ


नांदेड(अनिल मादसवार) अनादिकालापासून चालत आलेली तथा सामाजिक समतेचा संदेश देणारी भाजी भाकरीची पंगत तामसा -भोकर रस्त्यावर असलेल्या बारालिंग महादेवाच्या हेमाडपंथी मंदिराच्या अर्चाकांच्या हस्ते अभिषेक पूजनाने संपन्न झाली आहे. या पंगतीत जवळपास ५० हजाराहून अधिक  भाविकांनी भाजी - भाकरीचा स्वाद घेतल्याचे मंदिर समितीच्या वतीने सांगण्यात आले आहे. 

नांदेड जिल्ह्यातील हदगाव तालुक्यातील तामसा जी.प.गटात असलेल्या बारालिंग महादेव मंदिर तीर्थक्षेत्रावर मकर संक्रांतीच्या करीच्या दिवशी दुपारी १२ वाजता अर्चक रेवनसिद्ध कांठाळे महाराज यांच्या हस्ते नैवेद्य अर्पण करून भाजी - भाकर प्रसाद वाटपास सुरुवात करण्यात आली आहे. येथील अनोखी भाजी - भाकरी पंगत सर्वदूर प्रसिद्ध असून, याचा स्वाद घेण्यासाठी दि.१६ शनिवारी महाराष्ट्र, विदर्भ, तेलंगणा, कर्नाटक, मध्यप्रदेश येथील महादेव भक्तांनी उपस्थिती लावून भाजी - भाकरीचा आस्वाद घेतला आहे. सदर कार्यक्रम यशस्वी रित्या पूर्ण करण्यासाठी ग्रामस्थांनी गेल्या आठ दिवसपासून तयारी केली होती. सकाळीच मंदिराच्या बाजूला स्वच्छ केलेल्या भाज्या कडईमध्ये टाकून शिजविण्यात आल्या. जवळपास चार ते पाच कढ्या भाजी व कुंटलांशी भाकरी बनविण्यात आल्या होत्या. यासाठी एकराळा, पिंपराळा, तळेगाव, पथराड, शिवपुरी, तामसा, पथराड, आदीसह पंचक्रोशीतील नागरिकांनी भाकरी, भाजीपाला पाठविला होता. 

 यावेळी हदगाव, हिमायतनगर, उमरखेड, महागाव, भोकर, किनवट, उमरी, आदि तालुक्यातील भक्तांनी बरालिंग महादेव दर्शन व प्रसाद ग्रहनासाठी रांगा लावल्या होत्या. या वर्षी मंदिर संस्थांच्या वतीने प्रसाद वाटपासाठी ६ ते ७ खिडक्या बनविल्याने भाविकांना सुरळीत प्रसाद वाटप झाले. विशेषतः महिलांची वेगळी व्यवस्था मंदिर संस्थांच्या पदाधिकार्यांनी केली होती. येणाऱ्या भक्तांना अडचणी निर्माण होऊ नये म्हणून मंदिर संस्थांचे स्वयंसेवक, तथा उपविभागीय पोलिस अधिकारी योगेश कुमार यांनी स्वताहून उपस्थिती लावली आणि सहाय्यक पोलिस निरीक्षक महादेव गोमारे यांच्या माध्यमातून पोलिस बंदोबस्त लावून सर्वाना सुरळीत व शांततेत दर्शन व प्रसाद मिळावा यासाठी परिश्रम घेतले. गतवर्षीच्या तुलनेत या वर्षी थंडीच्या कडाक्यामुळे भक्तांची संख्या रोडावलेली दिसून आली. दरम्यान परिसरात वाहनाच्या गर्दीने रस्ते जाम झाल्याने पाई जाणार्या भक्तांना विशेषतः महिला - मुलीना अडचणीचा सामना करावा लागला. दरम्यान तालुक्याचे अनेक नेते मंडळी, कार्यकर्ते व बारालिंग महादेव मंदिर समितीचे विश्वस्त व स्वयंसेवकांनी हि यात्रा सुरळीत पार पाडण्यासाठी परिश्रम घेतले.  

बुधवार, ६ जानेवारी, २०१६

बिबट्याच्या हल्यात गाय ठार..

बिबट्याच्या हल्यात गाय ठार.. हिमायतनगर तालुक्यातील खडकी बा.शिवारातील घटना

हिमायतनगर(प्रतिनिधी)तालुक्यातील मौजे खडकी बा. ते पावनमारी - टेंभूर्णी बोर्दर्वरून वाहणाऱ्या नाल्याच्या काठावरील एका आखाड्यावर बांधलेल्या गाईवर बिबट्याने हल्ला करून ठार केल्याची घटना नुकतीच घडली आहे. या घटनेमुळे परिसरात भीतीचे वातावरण निर्माण झाले आहे. 

याबाबत सविस्तर व्रत असे कि, अल्प प्रमाणात झालेल्या पर्जन्यामानामुळे उन्हाळ्यापुर्वीच पानगळी होऊन जंगले ओस पडली आहेत. तसेच जंगल परिसरातील पाणवठे कोरडे पडल्याने जंगली प्राणी नीळ, हरण, रोही, कोल्हे, लांडगे, रानडुक्कर, मानवी वस्त्याकडे आगेकूच करीत आहेत. गेल्या महिन्यात तालुक्यात दोन ठिकाणी बिबट्याने हल्ला करून गाई फस्त केल्या, तर वाहनचा धडकेने हरिणाचा मृत्यू झाला. या घटना विसरण्यापुर्वीच दि.०२ जानेवारी रोज खडकी बा.शिवारातील शेतकरी साहेबराव दगडू शेट्टे यांच्या शेत सर्वे नंबर १० मधील गोठ्यात बैल व बाहेर गाय बांधून शेतमजूर घराकडे आला होता. दरम्यान रात्रीच्या वेळेत परिसरात आलेल्या बिबट्या वाघाने गाईवर झडप टाकून नरडी फोडली. तसेच तिचा फडश्या पाडून ठार केले, या घटनेत शेतकर्याची ३० हजाराची दगवून नुकसान झाले आहे. दुसर्या दिवशी घटनेची माहिती शेतकर्याने वनअधिकार्याना दिली. परंतु सुट्टीमुळे ते आले नसल्याने दि.०५ रोजी सरसम बु. परिक्षेत्राचे वनपाल अरविंद गोखले यांनी भेट देवून घटनेचा पंचनामा केला. तसेच शवविच्छेदन पशु वैद्यकीय अधिकारी मेहेंदळे यांनी केले. परिसरात बिबट्याचा वावर सुरु असल्याचे समजल्या नंतर शेतकरी, नागरिकत भीतीचे वातावरण निर्माण झाले असून, याबाबीकडे वनविभागाने लक्ष देवून जनागल परिसरातील आटलेल्या पाणवठ्यात पाण्याची सोय करून वन्य प्राण्यांची तहान भागवावी. आणि जंगलच्या आसपासच्या गावकर्यांना सुरक्षा द्यावी अशी मागणी केली जात आहे.