शुक्रवार, ३० जानेवारी, २०१५

आश्चर्यम



हिमायतनगर(वार्ताहर)मौजे कामारी येथील एका शेतकऱ्याच्या गाईने आज सकाळी ८.३० वाजेच्या सुमारास तीन बछाड्याला जन्म दिल्याने आश्चर्य व्यक्त होत आहे. हि आश्चर्यकारक घटना पाहण्यासाठी गावकरी व परिसरातील नागरिक गर्दी करीत आहेत.

या बाबत सविस्तर वृत्त असे कि, तालुक्यातील मौजे कामारी येथील शेतकरी मंचकराव नरवाडे यांची आठ वर्षी गाय आजवर तीन वेळा व्याली होती. चौथ्यांदा आलेल्या बहराने सदर गोमाता गरोदर होती. दरम्यान दि.३० शुक्रवारच्या सकाळी ८.३० वाजेच्या मुहूर्तावर गाईने तीन बछड्याना जन्म दिला असून, सदर गाईचे वय जवळपास ८ वर्ष आहे. तीन बछड्याना गाय जन्म देऊ शकते हे ऐकले होते, परंतु कधी प्रत्यक्षात पहिले नाही असे या ठिकाणी आलेल्या नागरिकांनी सांगितले. मात्र कामारी येथील शेतकऱ्याच्या गाईने पहिल्यांदाच तीन बछड्याना जन्म दिल्याने शेतकरी अनादित आहे. यात दोन गोऱ्हे व एक कालवड असून, तिघांची प्रकृती चांगली असल्याचे शेतकर्याने नांदेड न्युज लाइव्हशि बोलताना सांगितले. तीन बछड्याने जन्म दिल्याची घटना समजताच गावकरी व पंचक्रोशीती शेतकरी नागरिक बछड्याना पाहण्यासाठी गर्दी करीत आहेत. तिन्ही लाल कंधारी रंगाचे व गोंडस असल्याने त्यांना पाहून आश्चर्यचकित होत आहेत.

याबाबत तालुक्याचे तत्कालीन पशुवैद्यकीय अधिकारी अविनाश बुन्नावर यांच्याशी संपर्क केला असता ते म्हणाले कि, मनुष्यासारखे कधी गाईचे सोनोग्राफी होत नसते म्हणून गरोदर पानात तिच्या पोटात किती बाळ आहेत हे समजू शकत नाही. तीन बछाड्याना जन्म देणे हि नैसर्गिक प्रक्रिया असल्याचे त्यांनी सांगितले.

बुधवार, २८ जानेवारी, २०१५

गुटखा जप्त

किराणा दुकानावर छापा.. दीड लाखाचा गुटखा जप्त
हदगाव(वार्ताहर)राज्य शासनाने गुटखा पान मसाला या पदार्थाचे उत्पादन, वितरण, साठा, वाहतूक व विक्री यावर निर्बंध घातलेले असतांना देखील अवैद्य मार्गाने साठवणूक करून ठेवणाऱ्या एका किराणा स्टोर्सवर अन्न औषध प्रशासनाने दीड लाखाचा गुटखा जप्त केला आहे.

याबाबत सविस्वर वृत्त असे कि, हदगाव तालुक्यात काही दुकानदाराने राजकीय वर्द हस्ताच्या जोरावर अवैद्य रित्या गुटखा विक्रीचा गोरखधंदा चालविला आहे. हा प्रकार स्थानिक पोलिसांना माहित असताना देखील हप्तेखोरीच्या लालचीने या गोराख्धान्द्याकडे अक्षम्य दुर्लक्ष करीत आहेत. असच पद्धतीने गुटख्याची अवैद्य साठवणूक करून विक्री केली जात असल्याची गुप्त माहिती खबर्याकडून अन्न औषध प्रशासनाला मिळाली होती. यावरून दि 26 जानेवारी रोजी सायंकाळी ०५ वाजेच्या सुमारास, जुने बसस्टँड येथील गोल्डन किराणा स्टोअर्स येथे छापा मारला. यावेळी आरोपी शेख खय्युम शेख नइमोद्दीन, वय 38 वर्षे, राहणार बनचिंचोली रोड यांनी महाराष्ट्र राज्यात 18 जुलै 2013 पासुन गुटखा पान मसाला उत्पादन, वितरण, साठा, वाहतूक व विक्रीवर निर्बंध असतांना देखील आपल्या दुअक्नात सितार मावा,गोवा 1000, बाबा 120, जगत सुंगधी तबांखु, सागर शक्ती तंबाखू, राजु विलायची सुपारी, असा अंदाजे १ लाख ४ हजार ५९० रुपयाचा माल विनापरवाना बेकायदेशिररीत्या साठवून ठेवल्याचे दिसून आले. अशी फिर्यादी संतोष विठ्ठलराव कनकावाड, वय 43 वर्षे, व्यवसाय अन्न सुरक्षा अधिकारी श्रीनगर यांनी दिल्यावरुन हदगाव पोलिस डायरीत कलम 188, 273 भादंवि व अन्न सुरक्षा कायदा 2006 नियम व नियमन 2011 चे कलम 26 (2) (4), महाराष्ट्र अन्न सुरक्षा कायदा यांचे कलम 30 (2) (अ) अंतर्गत अधिनियम 59 (4) अन्न सुरक्षा कायदाप्रमाणे गुन्हा दाखल करण्यात आला असुन तपास सपोनि सावंत हे करीत आहेत.

आंबेडकरांचे निवासस्थान खरेदी प्रक्रिया सुरू

डॉ. बाबासाहेब आंबेडकरांचे लंडन येथील निवासस्थान खरेदी करण्याची प्रक्रिया सुरू
लंडनमधील भारतीय उच्चायुक्तांना घर खरेदीसाठी राज्य शासनाने दिले इरादापत्र


मुंबई(प्रतिनिधी)भारतरत्नडॉ.. बाबासाहेब आंबेडकर यांचे लंडन मधील वास्तव्य ज्या घरात होते,ते घरखरेदी करण्यासंदर्भात राज्याचे शालेय शिक्षणमंत्री विनोद तावडे यांनी पुढील पाऊल उचलले आहे. हे घर खरेदीकरण्यासाठी श्री.तावडे यांनी लंडन मधील भारताच्या उच्चायुक्तांना लेटर ऑफ इंटेंट” अर्थात इरादापत्र पाठवले आहे. भारताच्या लंडन मधील उच्चायुक्तांमार्फत राज्यसरकार घर खरेदीची प्रक्रिया करणार आहे.

लंडनमधील भारतीय उच्चायुक्तांना पाठवलेल्या इरादापत्रात श्री. तावडे यांनी म्हटले आहे की, डॉ. बाबासाहेब आंबेडकरांनी वास्तव्य केलेले लंडन येथील हे घर सांस्कृतिक आणि राष्ट्रीयदृष्ट्या महत्त्वाचे आहे. लाखो भारतीयांच्या दृष्टीने अभिमानास्पद असलेली ही वास्तु खरेदी करण्याचा निर्णय राज्य सरकारने यापूर्वीच घेतला आहे. त्यादृष्टीने हे घर खरेदी करण्यासाठी मी हे इरादापत्र आपल्याला पाठवत आहे. आपल्याशी झालेल्या चर्चेनुसार आपण योग्य किंमतीत हे घर खरेदी करण्याबाबतची कायदेशीर प्रक्रिया सुरू केली असेलच. आम्हाला विश्वास आहे की लंडन येथील प्रशासन यासाठी सर्वतोपरी सहकार्य करेल, असेही श्री. तावडे यांनी या पत्रात म्हटले आहे.

जागतिक शिक्षण मंत्र्यांच्या परिषदेसाठी विनोद तावडे नुकतेच लंडन येथे गेले होते. त्यावेळी त्यांनी यासंदर्भात बुद्धिस्ट फोरमच्या संतोष दास यांच्याशी संपर्क साधला व हे घर खरेदी करण्यासंदर्भातील व्यवहाराची माहिती घेतली होती. हे घर विकण्यासाठी जाहिरात देण्यात आल्याची माहिती मिळाल्यानंतर श्री. तावडे यांनी मुख्यमंत्र्यांशी चर्चा करून हे घर विकत घेण्याचा निर्णय घेतला. त्यानंतर तावडे यांनी तातडीने बुद्धिस्ट फोरम आणि भारतीय उच्चायुक्तचे अधिकारी यांच्यासमवेत डॉ. बाबासाहेब आंबेडकर यांच्या त्या निवासस्थानाला भेटही दिली आणि इंडिया हाउसमध्ये ब्रिटिश उच्चायुक्त रंजन मथाई, संतोष दास व तेथील उच्च अधिकारी यांची संयुक्त बैठक घेतली. आवश्‍यक प्रक्रिया पूर्ण करून, कायदेशीर बाबी तपासून आणि परराष्ट्र खरेदीचे नियम पूर्ण करून पुढील 2 महिन्यांत यासंदर्भातील सर्व प्रक्रिया पूर्ण करण्याचे बैठकीत ठरविण्यात आले आहे. त्यानुसार श्री. तावडे यांनी घर खरेदीची पुढील प्रक्रिया तातडीने सुरू केली आहे. त्याचाच एक भाग म्हणून श्री. तावडे यांनी लंडनमधील भारतीय उच्चायुक्तांना दिलेल्या इरादा पत्रात घर खरेदीची पुढील प्रक्रिया सुरू करण्याची विनंती केली आहे.



देठेना पुरस्कार

रामचंद्र देठेना शासनाचा यशवंतराव चव्हाण पुरस्कार


औरंगाबाद(प्रतिनिधी)येथील जिल्हा माहिती अधिकारी रामचंद्र देठे यांना राज्य शासनाचा सन 2013 सालाचा राज्यस्तरावरील यशवंतराव चव्हाण पुरस्कार जाहीर झाला आहे.   रोख 41 हजार रुपये, मानचिन्ह व प्रशस्तीपत्र असे पुरस्काराचे स्वरूप असून येत्या 4 फेब्रुवारी रोजी सायंकाळी 5 वाजता मुंबई येथील यशवंतराव चव्हाण सभागृहात त्यांना हा मुख्यमंत्री देवेंद्र फडणवीस यांच्या हस्ते पुरस्कार प्रदान केला जाणार आहे.

रामचंद्र देठे हे मूळचे किनवट जि. नांदेड येथील असून त्यांनी डॉ. बाबासाहेब आंबेडकर मराठवाडा विद्यापीठातून सन 1984 मध्ये पत्रकारितेची पदवी घेतली. 1985 मध्ये त्यांची माहिती व जनसंपर्क महासंचालनालयात माहिती सहाय्यक म्हणून निवड झाली. शासनाच्या माहिती खात्यात काम करीत असतांना त्यांना नाशिक विभागातील शासनाचा 1986 सालाचा उत्कृष्ट विकास वार्ता प्रथम पुरस्कार मिळाला होता. त्यांनी नाशिक येथे आदिवासी प्रकर्षित प्रसिद्धी पथकात नंतर लातूर येथे जिल्हा माहिती कार्यालयात काम केले.   लातूरच्या भूकंपात त्यांनी उत्कृष्ट काम केले आहे.  भूकंप पुनर्वसनावर त्यांनी विकासात्मक लेख लिहिले. यवतमाळ (उमरखेड) येथे त्यांनी आपल कार्याची चुणूक दाखवून उत्कृष्ट जनसंपर्क साधला.  गडचिरोली जिल्ह्यातही त्यांनी जिल्हा माहिती अधिकारी म्हणून उत्कृष्ट काम केल्याने त्यांना एक जादा वेतनवाढ मिळाली.

शासनाचे लोकराज्य मासिक सुशिक्षित बेरोजगारांपर्यंत पोहचविण्याचा त्यांचा पॅटर्न त्यावेळच्या माहिती व जनसंपर्क महासंचालनालयाच्या महासंचालिका  व आताच्या सचिव श्रीमती मनिषा पाटणकर यांनी संपूर्ण राज्यातील जिल्हा माहिती कार्यालयात राबविला व अद्यापही तो सुरू आहे. श्री. देठे यांना पुरस्कार मिळाल्याबद्दल औरंगाबाद विभागाचे माहिती संचालक राधाकृष्ण मुळी, सहाय्यक संचालक रविंद्र ठाकूर, जिल्हा माहिती कार्यालय, माहिती केंद्र, विभागीय माहिती कार्यालयातील तसेच मराठवाडा, विदर्भ व खान्देशातील पत्रकार, अधिकारी, औरंगाबाद जिल्हा माहिती कार्यालय व माहिती केंद्रातील अधिकारी व कर्मचाऱ्यांनी अभिनंदन केले आहे.

धर्मांतराचा प्रयंत्न

धर्मांतराचा प्रयंत्न हाणून पाडला 
नांदेड(रामप्रसाद खंडेलवाल)दोन अल्पवयीन मुलामुलींना धर्मांतर करणाऱ्या मुस्लिमांच्या तावडीतून सदर मुलीला शिवसैनिकांनी सोडविले असून, तिचा सात वर्षाचा भाऊ याला मुस्लिम आरोपीने निजामबाद येथे पळविले आहे. संबंधितावर कार्यवाही करुन सदर मुलाचीही सुटका करावी, अशी मागणी अतिरिक्त पोलीस अधीक्षक तानाजी चिखले यांच्याकडे शिवसेनेचे सुशिल चव्हाण,  नगरसेविका श्रध्दा चव्हाण, भा.ग.देशपांडे केली आहे.

नांदेड शहरात मोठ्या प्रमाणात लव्ह जिहादचे जाळे जोमाने पसरत आहे. हिंदू, दलित मुलींना कुठले तरी आमिष दाखवून त्यांच्या भोळेपणाचा फायदा नांदेड येथील काही मुस्लिम टोळके घेत आहेत. वेगवेगळ्या ठिकाणी महाविद्यालयीन मुलींना गाठून त्यांना लव्ह जिहादचे धडे देणारे अनेक प्रकरणे नांदेड शहरात शिवसेना, विश्व हिंदू परिषद, बजरंग दल आदी संघटनांच्या पदाधिकाऱ्यांनी उघडकीस आणले. काल दि.27 जानेवारीच्या रात्री सातच्या सुमारास शहरातील नंदीग्राम सोसायटीमध्ये राहणारी एक बारा वर्षीय अल्पवयीन मुलगी रडत रस्त्याच्याकडेला बसली होती. यावेळी शिवसेनेचे सुशिलकुमार चव्हाण यांना हे निदर्शनास आले. यावेळी चव्हाण हे सदर मुलीजवळ गेले असता या मुलीने मी बुध्दीस्ट आहे, परंतु मला मुस्लिम धर्म स्विकार असे माझ्या मोठ्या बहिणीचे पती म्हणत आहेत. सदर मुलीच्या बहिणीने मुस्लिमासोबत विवाह केला आहे. सदर बारा वर्षाची मुलगी व तिचा एक सात वर्षाचा भाऊ या दोघांनाही मुस्लिम धर्म स्विकार असा तगादा लावल्या जात होता. अखेर या सात वर्षीय मुलाला निजामबाद येथे पळविण्यात आलेले आहे. सदर मुलगी ताब्यात घेतल्यानंतर वरिष्ठ पोलीस अधिकारी विजय कबाडे, तानाजी चिखले, तहसीलदार यांना कळविण्यात आली. आज सकाळी सदर मुलीला घेवून नगरसेविका श्रध्दा चव्हाण, सुशिल चव्हाण व आदी शिवसैनिकांनी पोलीस अधीक्षक कार्यालय गाठले. अतिरिक्त पोलीस अधीक्षक यांच्यासमोर उभे करुन पिडीत मुलीच्या तोंडून वदवून घेण्यात आली. प्रकार गंभीर असल्याने सदर मुलीचा जबाब महिला सहाय्य कक्षामार्फत घेवून तिला बालसुधार गृहात पाठविण्यात आले. या प्रकारामुळे शहरात खळबळ उडाली असून यावेळी शिवसेनेचे नगरसेवक अशोक उमरेकर यांनीही पिडीत मुलीची भेट घेतली.
खाजगी महिलेची दादागिरी 
जिल्हा पोलीस अधीक्षक कार्यालयातील महिला सहाय्य कक्षातील प्रमुख महिलेचे पिडीत व गरजू महिलांना मदत करणे हा उदात्त हेतू डोळ्यासमोर ठेवून एका खाजगी संस्थेने सदर  महिलेची नेमणूक केली आहे. परंतु अशा प्रकरणामुळे आमचा वेळ वाया जातो, कार्यालयाची शिस्त तुम्हाला माहित नाही का? असा उफराटा सवाल तिने पिडीत मुलीला न्याय मिळवून देण्यासाठी गेलेल्या मंडळींना केला. यावेळी पत्रकारांनाही तिने अपमानास्पद वागणूक दिली. या प्रकरणाकडे जिल्हा पोलीस अधीक्षक यांनी जातीने लक्ष घालून सदर महिलेला समज देण्याची गरज निर्माण झाली आहे.

मन की बात

पंतप्रधान नरेंद्र मोदी :


मन की बातच्या या विशेष कार्यक्रमात आज अमेरिकेचे राष्ट्राध्यक्ष श्री. बराक ओबामा आपल्यासोबत आहेत. गेले काही महिने मी तुमच्याबरोबर मन की बात करत आहे. मात्र आज देशाच्या कानाकोपऱ्यातून अनेक जणांनी प्रश्न विचारले आहेत. यातले बहुतांश प्रश्न राजकारणाशी संबंधित आहेत, परराष्ट्र धोरणाशी संबंधित आहेत, आर्थिक धोरणांशी संबंधित आहेत, तर काही प्रश्न मनाला भिडणारे आहेत आणि मला वाटतं की आज या प्रश्नांना स्पर्श केल्यानं आम्ही देशातल्या कानाकोपऱ्यातल्या सामान्य माणसापर्यंत पोहोचू शकू आणि म्हणूनच पत्रकार परिषदांमध्ये विचारले जाणारे प्रश्न आहेत किंवा बैठकांमध्ये चर्चेला येणारे विषय आहेत, त्याऐवजी ज्या मनातून निघणाऱ्या गोष्टी आहेत, त्या पुन्हा पुन्हा सांगितल्या किंवा गुणगणल्या तरी एक नवीन ऊर्जा मिळते आणि त्या दृष्टीकोनातून मला वाटतं की हे प्रश्न अधिक महत्त्वाचे आहेत. तुम्हाला माहित आहे, काही लोकांच्या मनात प्रश्न निर्माण होतो की, "बराक" चा अर्थ कायतेव्ही मी जरा शोधून पाहिले की "बराक" चा अर्थ काय आहेतर स्वाहिली भाषा जी आफ्रिकी देशात प्रचलित आहे, त्यात "बराक" चा अर्थ आहे "ज्याला आशिर्वाद मिळाला आहे" तो. मला वाटते की बराक या नावाबरोबर त्यांच्या कुटुंबियांनी त्यांना दिलेली ही मोठी भेट आहे. एका गोष्टीचा मला आनंद झाला की आफ्रिकी देशांमध्ये उबंतु आफ्रिकी महान उबंतुच्या प्राचीन विचारांचं अनुकरण करत आले आहेत. हे विचार मानवतेमध्ये एकतेचे विचार आहेत. आणि  ते म्हणतात, "I am because we are" मी आहे कारण आपण आहोत. मला वाटते, काळाचे अंतर आहे, सीमांचे अंतर आहे, मात्र तरीही तोच भाव जो भारतात आपण म्हणतो "वसुधैव कुटुंबकम्" तोच भाव दूर आफ्रिकेच्या जंगलात देखील दिसून येतो. हा केवळ मोठा वारसा आपल्या मानव जातीकडे आहे. जो आपल्याला जोडून ठेवतो. जेव्हा आपण महात्मा गांधींबाबत बोलतो, तेव्हा मला हेन्री थोरो यांची आठवण येते, ज्यांच्याकडून महात्मा गांधींनी  आज्ञाभंगची शिकवण घेतली. जेव्हा आपण मार्टिन ल्यूथर किंग यांचा उल्लेख करतो किंवा ओबामा यांचा उल्लेख करतो, तेव्हा त्यांच्या तोंडूनदेखील महात्मा गांधींचा आदरपूर्वक उल्लेख ऐकायला मिळतो. याच गोष्टी आहेत ज्या जगाला जोडून ठेवतात. आज बराक ओबामा आपल्यासोबत आहेत. मी सर्वप्रथम त्यांना विनंती करतो की त्यांनी दोन शब्द बोलावेत आणि नंतर प्रश्नांची उत्तरं द्यावीत. मला जे प्रश्न विचारण्यात आले आहेत त्यांची उत्तरे मी देईन आणि बराक यांच्यासाठी जे प्रश्न आहेत त्यांची उत्तरं ते देतील. मी बराक ओबामा यांना विनंती करतो की त्यांनी दोन शब्द बोलावेत.

अमेरिकेचे राष्ट्राध्यक्ष  बराक ओबामा :

नमस्कारसर्वप्रथम मी पंतप्रधान नरेंद्र मोदी यांचे आभार मानतो, या दौऱ्यात माझे आणि माझी पत्नी मिशेलचं मनापासून आदरातिथ्य केल्याबद्दल. तसेच मला भारतीय जनतेला सांगायचे आहे की भारतीय प्रजासत्ताक दिन समारंभाला उपस्थित राहणारा  पहिला अमेरिकी राष्ट्राध्यक्ष या नात्याने सहभागी होताना मला किती आनंद झाला आहे. मला सांगण्यात आले आहे की भारतीय पंतप्रधान आणि अमेरिकेचे राष्ट्राध्यक्ष यांनी संयुक्तपणे रेडिओवरून केलेले हे पहिलेच भाषण आहे. तर अल्प कालावधीत आपण मोठा इतिहास घडवत आहोत. हा कार्यक्रम ऐकणारे देशभरातले श्रोतेहो, तुमच्याशी थेट संवाद साधणे खूपच विस्मयकारक आहे. आत्ताच आम्ही चर्चा करून आलो, ज्यात आम्ही शिक्कामोर्तब केले की भारत आणि अमेरिका हे नैसर्गिक भागीदार आहेत कारण आपल्यात इतक्या गोष्टी समान आहेत. भारत-अमेरिका हे दोन्ही देश लोकशाहीप्रधान देश आहेत, त्यांच्या अर्थव्यवस्थांमध्ये नवीनता आहे, मानवाला सक्षम बनवण्यासाठी समर्पित असे दोन वैविध्यपूर्ण समाज आहेत. भारतीय अमेरिकन नागरिकांनी आपण जोडलेलो आहोत, ज्यांचे स्वत:चे कुटुंब आहे आणि जे भारताची परंपरा पुढे चालवित आहेत. मला पंतप्रधानांना सांगायचे आहे की दोन्ही देशांमधील नाते अधिक बळकट करण्याच्या तुमच्या वैयक्तिक कटिबध्‍दतेचे मला कौतुक वाटते.

पंतप्रधान मोदी यांनी देशातील दारिद्रय दूर करण्यासाठी लोकांचे जीवनमान सुधारण्यासाठी, महिलांना सक्षम करण्यासाठी, वीजपुरवठा, स्वच्छ ऊर्जा पुरवठ्यासाठी तसेच पायाभूत आणि शैक्षणिक क्षेत्रात गुंतवणुकीसाठी प्रयत्न करताना जी ऊर्जा दाखवली आहे, त्याबद्दल अमेरिकेतली जनता फारच उत्साहित आहे. कारण ज्याप्रकारचे प्रयत्न मी अमेरिकेत करतो, तशाच प्रकारचे प्रयत्न पंतप्रधान मोदी इथे करत आहेत. मग ते युवकांना सर्वोत्तम शिक्षण असो, सामान्य माणसाला त्याने केलेल्या श्रमाचे वेतन असो किंवा आरोग्याची काळजी असो. प्रश्न समस्या त्याच आहेत. हे सर्व करताना गांधीजींच्या शिकवणीची आठवण येते. ते म्हणायचे की देव सर्वत्र आहे आणि म्हणूनच सेवेच्या माध्यमातून आपण देवाला शोधायचा प्रयत्न करायला हवा आणि हेच आपल्या जीवनाचे मुख्य उद्दिष्ट असायला हवे. या संबंधांप्रती मी वचनबध्द असल्याचे प्रमुख कारण म्हणजे ही मूल्ये आहेत. मला खात्री आहे की या मूल्यांची कास धरून भारत आणि अमेरिका जागतिक मंचावर एकत्र आले तर केवळ आपल्या लोकांना लाभ होणार नाही तर संपूर्ण जगात समृध्दी, शांतता नांदेल आणि भविष्य अधिक सुरक्षित होईल. आज तुमच्याबरोबर सहभागी होण्याची संधी दिल्याबद्दल मी पंतप्रधानांचा आभारी आहे.

पंतप्रधान नरेंद्र मोदी :

बराक, पहिला प्रश्न विचारला आहे मुंबईहून रिनल आणि राज यांनी आणि उत्तराखंडमधल्या डेहराडून येथील आलोक भट यांनी. आलोक हे चार्टर्ड अकाऊटंट आहेत आणि त्यांना एक लहान मुलगी आहे.
त्यांचा प्रश्न आहे की, साऱ्या जगाला माहित आहे की तुमचे तुमच्या मुलींवर किती प्रेम आहे. तुमच्या मुलींना भारताबाबतचे तुमचे अनुभव तुम्ही कसे सांगालत्यांच्यासाठी तुम्ही काही इथे खरेदी करणार आहात का?

अमेरिकेचे राष्ट्राध्यक्ष  बराक ओबामा :

खरे सांगायचे तर त्यांनाही भारतात यायची खूप इच्छा होती. भारताबद्दल त्यांना उत्सुकता आहे. मात्र दरवेळी जेव्ही मी भारत दौऱ्यावर आलो, तेव्हा त्यांची शाळा सुरू होती आणि त्यांना शाळा बुडवायची नव्हती. आणि माझी मोठी मुलगी मलिआ हिची परीक्षा नुकतीच पार पडली. भारताच्या संस्कृती आणि इतिहासाबद्दल त्यांना आदर आहे. भारताच्या स्वातंत्र्य चळवळीचा तसेच गांधीजींच्या अहिंसावादी तत्त्वांचा त्यांच्यावर मोठा प्रभाव आहे. म्हणूनच मी परत जाईन, तेव्हा त्यांना सांगेन की तुमच्या कल्पनेतील भारताइतकाच हा देश भव्य आहे आणि मला खात्री आहे की पुढल्या भारत दौऱ्याच्या वेळी त्या नक्कीच मागे लागतील. कदाचित माझ्या अध्यक्षपदाच्या कार्यकाळात नाही पण नंतरही त्यांना इथे यायला नक्कीच आवडेल. आणि मी नक्कीच त्यांच्यासाठी खरेदी करणार आहे. मला स्वत:ला दुकानांमध्ये जाता येणार नाही, पण माझे पथक माझ्यासाठी खरेदी करेल आणि यासाठी मी मिशेलचा सल्ला घेईन कारण तिला मुलींच्या आवडीनिवडी अधिक चांगल्या ठाऊक आहेत.

पंतप्रधान नरेंद्र मोदी :

बराक म्हणाले की ते मुलींना घेऊन येतील. माझे तुम्हाला निमंत्रण आहे. राष्ट्राध्यक्षपदाच्या कार्यकाळात या आणि राष्ट्राध्यक्षपदाचा कार्यकाळ संपल्यानंतरही या, भारत तुमचे आणि तुमच्या मुलींचे स्वागत करायला उत्सुक आहे. महाराष्ट्रातल्या पुण्याहून सानिका दिवाण हिने मला प्रश्न विचारला आहे. तिने विचारले आहे की, तुम्ही "बेटी बचाओ, बेटी पढाओ" अभियान सुरू केले आहे. यातही तुम्ही अमेरिकेचे राष्ट्राध्यक्ष बराक ओबामा यांची मदत मागितली आहे कासानिका, तू चांगला प्रश्न विचारला आहेस. भारतात असमान लिंग गुणोत्तरामुळे मोठी चिंता सतावत आहे. एक हजार मुलांच्या तुलनेत मुलींची संख्या कमी आहे. आणि याला कारण आहे मुलगा आणि मुलगी यांच्याकडे पाहण्याचा आपला दृष्टीकोन, जो दोषपूर्ण आहे. राष्ट्राध्यक्ष ओबामा यांच्याकडे मी मदत मागेन किंवा न मागेन, त्यांचे जीवन हेच प्रेरणादायी आहे.  ज्या प्रकारे ते आपल्या मुलींचे संगोपन करत आहेत, ज्या प्रकारे आपल्या दोन्ही मुलींचा त्यांना अभिमान वाटतो, ते कौतुकास्पद आहे. आपल्या देशातही अनेक ठिकाणी अनेक जण भेटतात, ज्यांना मुलगे नाहीत, फक्त मुलीच आहेत आणि ते मोठ्या अभियानाने आपल्या मुलींना वाढवतात, त्यांचा सन्मान करतात हीच मोठी प्रेरणा आहे. ही प्रेरणाच आपली मोठी शक्ती आहे, असे मी मानतो. तुम्ही प्रश्न विचारलात त्यावर मी  म्हणेन की, "मुलगी वाचवणं, मुलीला शिकवणं" हे आपले सामाजिक कर्तव्य आहे, सांस्कृतिक कर्तव्य आहे, मानवी जबाबदारी आहे. ती आपण पार पाडायला हवी.

बराक, तुमच्यासाठी एक प्रश्न आहे. अहमदाबाद येथील डॉक्टर कमलेश उपाध्याय यांनी ई-मेल द्वारे प्रश्न विचारला आहे. तुमची पत्नी स्थूलपण आणि मधुमेह यांसारख्या आरोग्याच्या आधुनिक समस्यांचे निराकरण करण्याच्या दिशेने व्यापक सामाजिक कार्य करीत आहे. भारतात देखील या समस्या वेगाने वाढत आहेत. राष्ट्राध्यक्षपदाचा कार्यकाळ संपल्यानंतर तुम्ही दोघे भारतात येऊन या समस्यांवर काम करणार काबिल गेट्स आणि मिलिंडा गेट्स यांनी भारतात स्वच्छतेसंबंधी काम सुरू केले आहे, तुम्ही मधुमेह आणि स्थूलपणाच्या आजारासाठी काम करणार का?

अमेरिकेचे राष्ट्रध्यक्ष  बराक ओबामा

स्थूलपणासहित अन्य आरोग्यविषयक समस्यांवर व्यापक पध्दतीने काम करण्यासाठी सरकारी आणि बिगर सरकारी संघटनांबरोबर भागीदारी करण्यासाठी आम्ही उत्सुक आहोत. या संदर्भात मिशेल करत असलेल्या कामाचा मला अभिमान वाटतो. आज आपण जगभरात स्थूलपणाशी संबंधित अनेक प्रकार पाहतो. काहींना अगदी लहान वयात हा आजार होतो. याचे मुख्य कारण आहे जंक फूड, व्यायामाचा अभाव. एकदा का ते या आजाराला बळी पडले की तो आयुष्यभर तुम्हाला सतावतो. या समस्‍येवर आंतरराष्ट्रीय स्तरावर काम करायला आम्हाला आवडेल. हा जागतिक आरोग्याचा प्रश्न आहे आणि त्यावर आपल्याला उपाय शोधायला हवेत. मी आणि पंतप्रधानांनी इबोला, फ्ल्यू, पोलिओ यांसारख्या आजारांवर चर्चा केली आणि या आजारांचे निदान लवकर होऊन त्यावर उपचार करून तो पसरणार नाही यासाठी चांगली इशारा प्रणाली विकसित करण्याबाबत चर्चा केली. यासाठी जागतिक स्तरावर पायाभूत आरोग्य सुविधा सुधारण्याची गरज आहे. या समस्यांवर लक्ष केंद्रीत करून पंतप्रधान चांगली कामगिरी करत आहेत असे मला वाटतं. सार्वजनिक आरोग्य क्षेत्र सुधारण्यासाठी अन्‍य देशांना शिकवण्यासारखे भारताकडे खूप आहे. याचा परिणाम प्रत्येक गोष्टीवर होतो. कारण मूल आजारी पडले तर ते शाळेत लक्ष केंद्रीत करू शकत नाही आणि मागे पडते. संबंधित देशांच्या अर्थव्यवस्थेवर याचा मोठा परिणाम होतो. म्हणूनच आम्हाला वाटते की इथे खूप प्रगती करता येईल आणि अध्यक्षपदाचा कार्यभार संपल्यानंतर या कामाचा विचार करण्याच्या शक्यतेबद्दल मी उत्सुक आहे.

पंतप्रधान नरेंद्र मोदी :

मला श्री. अर्जुन यांनी प्रश्न विचारला आहे. खूपच चित्तवेधक प्रश्न आहे. त्यांनी विचारले आहे की मी व्हाईट हाऊसच्या बाहेर एक पर्यटक म्हणून तुमचे एक जुने छायाचित्र पाहिले आहे. जेव्हा तुम्ही सप्टेंबरमध्ये तिथे गेलात, तेव्हा तुम्हाला कुठली गोष्ट हृदयाला भिडलीही गोष्टी खरी आहे की, मी जेव्हा पहिल्यांदा अमेरिकेला गेलो होतो, तेव्हा व्हाईट हाऊसला भेट देणे नशिबात नव्हते. तेव्हा व्हाईट हाऊसबाहेर दूर लोखंडाच्या जाळ्या लावल्या होत्या. जाळीबाहेर उभे राहून मी छायाचित्र काढले होते. मागे व्हाईट हाऊस दिसत होते. आता पंतप्रधान झाल्यावर ते छायाचित्रही लोकप्रिय झाले. मात्र, तेव्हा मी कधीही विचार केला नव्हता की, मला कधी आयुष्यात व्हाईट हाऊसला जाण्याची संधी मिळेल. मात्र, जेव्हा मी व्हाईट हाऊसला गेलो, तेव्हा एक गोष्ट माझ्या मनाला भिडली आणि मी ती कधीही विसरू शकत नाही. बराक यांनी मला एक पुस्तक दिले, जे त्यांनी खूप मेहनत घेऊन शोधून आणले होते. 1894 मध्ये ते पुस्तक प्रकाशित झाले होते. स्वामी विवेकानंद जे माझे प्रेरणास्रोत आहेत, ते शिकागो येथे गेले होते. विश्व धर्म परिषदेसाठी गेले होते आणि तिथे केलेल्या भाषणाचा तो संग्रह होता. ते पुस्तक त्यांनी माझ्यासाठी शोधून आणले ही घटनाच माझ्या हृदयाला भिडणारी होती. फक्त एवढेच नाही तर या पुस्तकातली पाने उघडून त्यात काय काय लिहिले आहे, हे त्यांनी मला दाखवले. म्हणजेच पूर्ण पुस्तक त्यांनी पाहिलेले होते. आणि मोठ्या अभिमानाने मला म्हणाले की, मी शिकागोहून आलो आहे, जेथे स्वामी विवेकानंद आले होते. या गोष्टी माझ्या मनाला भिडून गेल्या. आणि आयुष्यभर मी त्यांना ठेवा मानेन. कधी व्हाईट हाऊस पासून दूर उभे राहून छायाचित्र काढणे. व्हाईट हाऊसमध्ये जाऊन, ज्यांच्यावर श्रद्धा आहे, त्यांचे पुस्तके मिळवणे, तुम्ही कल्पना करू शकता, की हे सर्व मनाला किती स्पर्शून जाणारे आहे. बराक, तुमच्यासाठी एक प्रश्न आहे. पंजाबमधल्या लुधियाना येथील हिमानी यांचा.

अमेरिकेचे राष्ट्राध्यक्ष  बराक ओबामा :

प्रश्न आहे, तुम्ही दोघांनी कल्पना केली होती का, तुम्ही या पदावर पोहोचालपंतप्रधान तुम्ही आताच तुमच्या पहिल्या व्हाईट हाऊस भेटीचे वर्णन केले. ते माझ्याबाबतीतही खरे आहे. मी प्रथम व्हाईट हाऊसला भेट दिली, तेव्हा मी देखील त्या लोखंडी जाळ्यांच्या कुंपणाबाहेर उभा होतो आणि आत पाहत होतो आणि मी कल्पनाही केली नव्हती की मी आत जाईन आणि तिथे वास्तव्य करीन. मला वाटते दोघांना असामान्य संधी मिळाल्या. मी विचार करतो की अमेरिकेत काय चांगले आहे किंवा भारतात काय चांगले आहे. तेव्हा समजते की एक चहा विक्रेता किंवा एकेरी मातृत्वाच्या पोटी जन्माला आलेलो मी आज या देशांचे नेतृत्व करीत आहोत. आपल्या दोघांना प्रोत्साहित करणारी गोष्ट म्हणजे लाखो मुले आहेत, ज्यांच्यात गुणवत्ता आहे, पण त्यांना शिक्षण मिळत नाही, संधी मिळत नाही आणि म्हणूनच अशा मुलांसाठी उच्च शिक्षण उपलब्ध करून देणे, त्यांचे आरोग्य चांगले राखणे, यावर भर देण्याची जबाबदारी सरकारची आहे. सर्व मुली, मुले तसेच सर्व धर्माच्या मुलांना संधी उपलब्ध करून देणे महत्त्वाचे आहे. कारण पुढला पंतप्रधान किंवा राष्ट्राध्यक्ष कोण असेल हे आपल्याला माहित नाही. तुम्ही त्यांना संधी दिलीत तर ते नक्कीच तुम्हाला आश्चर्यचकित करतील.

पंतप्रधान नरेंद्र मोदी :

धन्यवाद बराक!  हा प्रश्न हिमानी यांनी मलाही विचारला होता की, तुम्ही कधी या पदावर पोहोचाल अशी कल्पना केली होती कानाही, मी कधीच कल्पना केली नव्हती कारण बराक म्हणाले त्याप्रमाणे मी अत्यंत सामान्य कुटुंबातून आलो आहे. मात्र मी बरीच वर्षे सांगत आलोय की काहीतरी बनण्याचे स्वप्न पाहू नका. स्वप्न पाहत असाल, तर काहीतरी करण्याचे स्वप्न पहा. जेव्हा काही करतो, तेव्हा आनंद मिळतो आणि आजही  काही बनण्याचे  स्वप्न डोक्यात नाही, मात्र काहीतरी करण्याचे स्वप्न  नक्कीच आहे,  भारतमातेची  सेवा करणे, सव्वाशे कोटी देशबांधवांची सेवा करणे याहून मोठे स्वप्न कोणते असू शकते, तेच करायचे आहे. मी हिमानीचा आभारी आहे. बराक यांच्यासाठी राजस्थानच्या झुंझुनू येथील ओमप्रकाश यांचा प्रश्न आहे. ते जवाहरलाल नेहरु विद्यापीठात संस्कृत शिकतात.

अमेरिकेचे राष्ट्राध्यक्ष -  बराक ओबामा :

हा रंजक प्रश्न आहे. त्यांनी विचारले आहे की नवीन पिढीचा तरुण हा जागतिक नागरिक  आहे. त्याला स्थलकालाचे बंधन नाही. अशा परिस्थितीत आपल्या नेत्याचा, सरकारचा आणि एकंदर समाजाचा काय दृष्टिकोन असायला हवा मला वाटते हा महत्त्वाचा प्रश्न आहे. मी जेव्हा या नवीन पिढीकडे पाहतो, तेव्हा तुमच्या आमच्या कल्पनेच्या  बाहेर ही मुले जग ओळखतात. त्यांच्या बोटांच्या टोकावर हे जग आहे. ते मोबाईल फोनचा वापर करुन माहिती मिळवतात. याचाच अर्थ मला वाटते की, केवळ धोरणे आखून सरकार चालवता येत नाही, तर लोकांपर्यंत पोहोचून, त्यांच्याशी चर्चा करुन पारदर्शक पध्दतीने  सरकार चालविण्याची  आवश्यकता आहे. भारत आणि अमेरिका  यांच्याबाबत  महत्त्वाची गोष्ट म्हणजे आपली समाजव्यवस्था खुली आहे. आपल्याकडे विश्वास आहे. नवीन कल्पनांचे आदान-प्रदान  होते. यातूनच स्थिर समाज उदयाला येतो.

पंतप्रधान नरेंद्र मोदी :

जो प्रश्न बराक यांना विचारला गेला, त्यावर मी देखील बोलावे अशी ओमप्रकाश यांची इच्छा आहे. बराक यांनी खूपच छान उत्तर दिले. ते प्रेरणादायी होते. मी एवढेच म्हणेन की एके काळी विशेषकरुन कम्युनिस्ट विचाराने प्रेरित  लोक होते ते आवाहन करायचे की, जगभरातील मजुरांनो एक व्हा. अनेक दशके हा नारा चालला. मला वाटते, आजच्या युवकांची  जी शक्ती आहे ती पाहून  मी म्हणेन की युवकांनो जगाला एकत्र आणा. मला माहित  आहे की त्यांच्यात ताकद आहे, आणि ते करु शकतात. पुढचा प्रश्न विचारला आहे मुंबईच्या सी.ए. पिकाशु मुथा यांनी. त्यांनी विचारले आहे की तुम्ही कोणत्या अमेरिकन नेत्यामुळे प्रेरित आहात लहान होतो तेव्हा भारतातल्या वृत्तपत्रांमध्ये केनेडी यांचे छायाचित्र पाहायचो. त्यांचे व्यक्तिमत्व खूप प्रभावी होते. तुम्ही विचारलेत कोणी तुम्हाला प्रभावित केले लहानपणी मला वाचनाची आवड होती आणि मला बेंजामिन फ्रँकलिन यांचे  जीवनचरित्र  वाचण्याची संधी मिळाली होती. 17व्या शतकातला त्यांचा काळ ते अमेरिकेचे राष्ट्राध्यक्ष नव्हते. मात्र त्यांचे ते चरित्र इतके प्रेरणादायी आहे. एक व्यक्ती आपले जीवन बदलण्यासाठी समजदारपणे कसे प्रयत्न करते, झोप कमी करण्याच्या  पध्दती, कमी खाण्याच्या सवयी, काम करताना नाराज होणे आदी छोटया छोटया विषयांवर  त्यांनी या आत्मचरित्रात लिहिले आहे. मी सर्वांना सांगतो की बेंजामिन फ्रँकलिन यांचे आत्मचरित्र वाचा. बहुआयामी व्यक्तिमत्व होते त्यांचे. ते राजकारणी होते,विचारवंत होते, सामाजिक कार्यकर्ते होते आणि सामान्य कुटुंबातून आले होते. शिक्षणदेखील पूर्ण झाले नव्हते. मात्र त्यांनी आजही अमेरिकेच्या जीवनावर आपल्या विचारांची छाप राखली आहे. मला त्यांचे जीवन खरोखरच प्रेरणादायी वाटते. तुम्हाला तुमच्या जीवनात बदल आणायचा असेल तर यातून तुम्हाला नक्की मार्ग सापडेल. मला जेवढी प्रेरणा मिळाली, तुम्हालाही तेवढीच प्रेरणा मिळेल. आणि पुढला प्रश्न बराक यांच्यासाठी मोनिका भाटिया हिचा.

अमेरिकेचे राष्ट्राध्यक्ष  बराक ओबामा :

प्रश्न आहे दोन  मोठया जागतिक अर्थव्यवस्थेचे  नेते म्हणून तुम्हाला कशातून प्रेरणा मिळते आणि कामाच्या वाईट दिवसाच्या अखेरीस तुमच्या चेहऱ्यावर कशामुळे  हास्य फुलते ?

हा खूपच चांगला प्रश्न आहे. मी बऱ्याचदा म्हणतो की माझ्या टेबलवर येणारा प्रश्न हा दुसरा कोणीही सोडवू शकत नाही. सोपे प्रश्न असतील तर ते माझ्यापर्यंत पोहोचण्याआधी  कुणीतरी सोडवले असतील. असेही दिवस येतात, जेव्हा खूप खडतर  काळ असतो.  दररोज मला एक व्यक्ती भेटते आणि मला म्हणते तुम्ही माझ्या आयुष्यात बदल  घडवून आणलात. ते म्हणतात, तुम्ही आणलेल्या आरोग्य सेवा कायदयामुळे माझ्या मुलाचा प्राण वाचला. त्यांनी डॉक्टरांकडून निदान करवून घेतले आणि टयूमरवर उपचार झाले. आता तो व्यवस्थित आहे. किंवा ते म्हणतील,"तुम्ही आर्थिक संकटात आमचे घर वाचवले," किंवा तुमच्या कार्यक्रमामुळे मला महाविद्यालयात शिक्षण घेता आले. कधीकधी तुम्ही चार-पाच वर्षांपूर्वी केलेल्या कामाबद्दल तुम्हाला धन्यवाद देतात, तर कधी कधी त्या गोष्टी तुम्हाला आठवत देखील नाहीत. तुम्ही आधी म्हटल्याप्रमाणे, जर तुम्ही केवळ कार्यालयात बसून न राहता कृतीवर भर दिला तर त्यातून मिळणाऱ्या समाधानाची कशाशीही तुलना होऊ शकत नाही. सेवेबद्दल चांगली गोष्ट म्हणजे ती कुणीही करु शकते. तुम्ही कुणाला मदत केलीत तर त्यातून मिळणारे समाधान अन्य कोणत्याही आनंदापेक्षा अधिक असेल आणि यातूनच मला अधिकाधिक काम करण्याची आणि आव्हानांचा सामना करण्याची प्रेरणा मिळते. प्रत्येकाच्याच आयुष्यात कामाच्या ठिकाणी वाईट दिवस येतो. मात्र त्यातून तुम्ही कसे बाहेर पडता यावर तुमचे यश अवलंबून असते.

पंतप्रधान नरेंद्र मोदी :

खरेच, बराक यांनी अगदी मनातली गोष्ट सांगितली. आम्ही कोणत्याही पदावर असलो तरी आम्ही देखील मनुष्यच आहोत. अशा छोटया छोटया गोष्टी  आम्हाला प्रेरणा देतात.  मलाही माझ्या आयुष्यातली एक घटना तुम्हाला सांगावीशी वाटते. मी आयुष्यात बरीच वर्ष एक प्रकारे भिक्षुका सारखे जगलो. लोकांच्या घरी मला जेवायला मिळायचे. जो मला बोलवायचा, तो खायला घालायचा. एकदा  एक कुटुंब मला वारंवार घरी जेवायला येण्यासाठी आग्रह  करत होते, पंरतु मी जात नव्हतो. यासाठी नाही की ते गरीब कुटुंब होते म्हणून, मला वाटायचे मी जेवायला गेलो तर त्यांच्यावर अधिक बोजा पडेल. मात्र त्यांचे प्रेम, त्यांचा आग्रह इतका होता की मला त्यांच्यापुढे झुकावेच लागले आणि मी त्यांच्या घरी जेवायला गेलो. एक लहान झोपडी होती. मी जेवायला बसल्यावर त्यांनी मला बाजरीची भाकरी आणि दूध  दिले . मात्र त्यांचा लहान मुलगा दुधाकडे पाहत होता असे वाटत होते की त्या मुलाने कधी दूध पाहिले नव्हते. मी त्वरित दुधाची वाटी त्या मुलाच्या हातात दिली आणि त्याने एका क्षणात ते दूध पिऊन टाकले. त्याच्या घरचे लोक नाराज झाले की तो दूध प्यायला म्हणून. आणि मला वाटले की त्या  मुलाने आईच्या दुधाशिवाय कधीही दूध प्यायले नसेल. मला चांगले खाऊ घालण्याच्या हेतूने त्यांनी दूध आणले होते. यातून मला  प्रेरणा मिळाली की गरीब झोपडीत राहणारी व्यक्ती माझ्यासाठी एवढी चिंता करते. मलादेखील माझे आयुष्य अशा लोकांसाठी जगायला हवे.  तर याच गोष्टी आहेत, ज्या प्रेरणा देतात. बराक यांनीही अतिशय सामान्य  मनाला काय काय वाटते ते सांगितले. मी बराक यांचा आभारी आहे, त्यांनी आपला एवढा अमूल्य वेळ दिला. मन की  बात ऐकणाऱ्या देशवासियांचाही मी आभारी आहे. मला माहित आहे भारतात प्रत्येक घरात, प्रत्येक गल्लीत रेडियो पोहचलेला आहे. आणि ही खास मन की बात हा आवाज कायम घुमत राहील. माझ्या मनात विचार आला आहे, जो मी तुमच्यासमोर मांडतो. माझ्यात आणि ओबामा यांच्यात जो  संवाद झाला, त्यांचे ई-बुक काढावे. माझी इच्छा आहे की जे "मन की बात" कार्यक्रमाचे आयोजन करतात, त्यांनी ई-बुक काढावे मी तुम्हा श्रोत्यांनाही सांगेन की ज्यांनी हा कार्यक्रम ऐकला आहे, त्यांनी यात सहभागी व्हावे. यातून जे सर्वोत्तम शंभर विचार मिळतील, त्यांनाही  या पुस्तकात जोडून ई-बुक  काढावे. माझी इच्छा आहे की तुम्हाला ट्विटर, फेसबुक, ऑनलाईन लिहायचे असेल तर हॅश येस  वी कॅन  या हॅश टॅगच्या मदतीने आम्हाला लिहा. एलिमिनेट पॉवर्टी  हॅश येस वी कॅन, क्वालिटी हेल्थ केअर टू ऑल हॅश येस वी कॅन यूथपॉवर विथ एज्युकेशन हॅश येस वी कॅन, जॉब फॉर ऑल हॅश येस वी कॅन, ग्लोबल पीस अँड  प्रोग्रॅम हॅश येस वी कॅन या टॅगलाईनसह तुम्ही  आपले विचार, अनुभव भावना आमच्यापर्यंत पोहोचवा. यातील सर्वोत्तम शंभर विचार आम्ही निवडू आणि मी आणि बराक  यांनी जे विचार मांडले, त्यात ते जोडू. आणि मला वाटते ही "मन की बात" आपली "मन की बात"बनेल. मी पुन्हा एकदा  बराक यांचे खूप खूप आभार मानतो. तुम्हा सर्वांचे खूप आभार आणि 26 जानेवारीच्या या पवित्र दिनी बराक यांचे येथे येणे माझ्यासाठी अभिमानाची गोष्ट आहे, देशासाठी अभिमानाची गोष्ट आहे.

                                                                                   खूप खूप धन्यवाद !

काव्यसंग्रहाचे प्रकाशन

डॉ.विलासराज भद्रे लिखित दवबिंदू पेटताना आणि इतर एकांकिका आणि सूर्यसाक्षी या काव्यसंग्रहाचे प्रकाशन करताना माजी खा.डॉ.व्यंकटेश काब्दे,सुरेश गायकवाड,डॉ.गणेशराज सोनाळे,डॉ.विलास भद्रे,प्रा.यशपाल भांगे,प्रा.तसनीम पटेल,नगरसेविका अंजलीताई गायकवाड,प्रा.विजय हातोले,आणि इतर दिसत आहेत . छाया - महेश होकर्णे  

चित्रांचे प्रदर्शन

चित्रकलेमुळे मानवी भावनाचा अविष्कार होतो - शिवाजीराव जाधव


नांदेड(प्रतिनिधी)जनता शिक्षण प्रसारक मंडळ उमरदरी ता. मुखेड संचलित वार्षिक स्नेहसंमेलनानिमित्त विद्यार्थ्यांनी वर्षभरात काढलेल्या चित्रांचे प्रदर्शन भरविण्यात आले होते. या चित्रप्रदर्शनांचे उद्‌घाटन संस्थेचे अध्यक्ष शिवाजीराव जाधव यांच्या शुभहस्ते करण्यात आले. त्या प्रसंगी ते बोलत होते.

पुढे बोलतांना ते म्हणाले की, चित्रकलेत मनुष्याच्या भावनांचा अविष्कार होत असतो. आपल्या मनातील भावना कागदावर प्रत्यक्ष उतरविण्याचा त्यांचा प्रयत्न असतो. परंतु त्या विद्यार्थ्यांना हक्काचे व्यासपीठ मिळवून देणे अनिवार्य आहे. प्रदर्शनात मांडलेल्या नाविन्यपूर्ण चित्रांचे अवलोकन त्यांनी केले आणि विद्यार्थी तसेच कलाशिक्षक एस. एल. रेपेकर यांची प्रशंसा केली.या प्रदर्शनात मांडलेल्या चित्रापैकी अनिकेत रामदास कांबळे वर्ग नववा (अ) यांचा प्रथम क्रमांक आला द्वितीय महेश बाबुराव पांचाळ तर विद्या मधुकर गायकवाड या विर्द्यानीचा तृतीय क्रमांक आला प्रोत्साहनपर प्रियंका वानखेडे व आश्विनी शिंगनवाउ यांना प्रमाणपत्र वाटप करण्यात आले.

तसेच देशभक्तीपर गीत गायनामध्ये सर्व प्रथम आलेल्या कु. आकांक्षा मोतेवार या विद्यार्थीनीचा 500 रुपये रोख बक्षीस शिवाजीराव जाधव यांच्या तर्फे देण्यात आला. या प्रदशृनाच्या उद्‌घाटनप्रसंगी मु. अ. सौ. पल्लेवाड, उपमु.अ. ए. एन. मादळे, पर्यवेक्षक ए. एस. लघुळे, प्रा. हंगरगेकर, प्रा. जाधव, प्रा. भारसावडे सर्व शिक्षक व शिक्षकेत्तर कर्मचारी व विद्यार्थ्यांनी चित्रप्रदर्शनाचा लाभ घेतला. कार्यक्रमाचे सुत्रसंचलन एन. एम. भारसावडे यांनी तर आभार सौ. पल्लेवाड मॅडम यांनी केले.

२१ वा पदवीदान समारंभ शुक्रवारी

यशवंतराव चव्हाण मुक्त विद्यापीठाचा  शुक्रवारी २१ वा दीक्षान्त समारंभ
यंदा १ लाख ३२ हजार ३२७  विद्यार्थ्यांना केली जाणार पदवी प्रदान



नाशिक(प्रतिनिधी)यशवंतराव चव्हाण महाराष्ट्र मुक्त विद्यापीठाचा २१ वा पदवीदान समारंभ शुक्रवार दिनांक ३० जानेवारी २०१५ रोजी विद्यापीठाच्या नाशिक येथील मुख्यालयात सकाळी ११ वाजता संपन्न होणार आहेविविध शिक्षणक्रम उपलब्ध करून देऊन ‘ज्ञानगंगा घरोघरी’ पोहोचविण्याचे आपले ध्येय साध्य करत राज्यातील सर्व जिल्ह्यांत चार हजारांहून अधिक अभ्यासकेंद्रे असलेले मुक्त विद्यापीठ यंदा १ लाख ३२ हजार ३२७ विद्यार्थ्यांना पदवी प्रदान करणार आहे, अशी माहिती विद्यापीठाचे कुलगुरू प्रा. डॉ.माणिकराव साळुंखे यांनी आज पत्रकार परिषदेत दिलीयावेळी प्रमुख पाहुणे म्हणून भारतीय विद्यापीठाचे कुलपती तथा राज्यपाल सी विद्यासागर राव आणि संगणक तज्ञ तथा आणि बोर्ड ऑफ गर्व्हनस आयआयटीचे अध्यक्षडॉ. विजय भटकर हे उपस्थित असतील.

यावेळच्या पदवीदान समारंभाची आकडेवारी असे दर्शवते की, राज्यातल्या युवा वर्गाने मुक्त शिक्षण’ पद्धती मनापासून स्वीकारली आहे. राज्याच्या ३५ जिल्ह्यांत यशवंतराव चव्हाण महाराष्ट्र मुक्त विद्यापीठाच्या ज्ञानगंगा घरोघरी” पोहचविण्याच्या प्रयत्नांना खऱ्या अर्थाने यश मिळाले आहे. यावर्षी पदवी/पदविका घेणाऱ्यांमध्ये राज्यातील १ लाख ३२ हजार ३२७ विद्यार्थ्यांचा समावेश आहे. या समारंभात पदवी ९८ हजार ४२६, पदविका २७ हजार १९० तर पदव्युतर पदवी शिक्षणक्रमाचे ६ हजार ६९१ विद्यार्थी पदवी ग्रहण करणार आहेनोकरी व्यवसाय करून शिक्षण पूर्ण करणाऱ्या विद्यार्थ्यांचे प्रमाण सुमारे ७६ टक्के एवढे आहे, तर २० विद्यार्थी पीएच. डी. मिळविणार आहेत. मुक्त शिक्षणपद्धतीमध्ये महिलांची संख्या वाढत आहे. यंदा पदवी, पदविका घेणाऱ्या विद्यार्थ्यांमध्ये महिलांची संख्या ४२ हजार ८१२ आहे. शहरी आणि ग्रामीण भागातील पुरुष विद्यार्थ्यांचे प्रमाण जरी वेगवेगळे असले तरी महिलांचे ग्रामीण व शहरी भागातील प्रमाण जवळजवळ सारखे आहे.

यावर्षी पदवी घेणाऱ्यांमध्ये पुरुषांचे प्रमाण ६१ टक्के तर महिलांचे प्रमाण ३९ टक्के आहे. स्री-पुरुष प्रमाणात सर्वाधिक महिला कल्याण विभागात आहेत. त्याखालोखाल मुंबई आणि कोल्हापूर विभाग आहे. तर आकडेवारीनुसार विद्यापीठाच्या सर्वात जास्त महिला ८ हजार ७७४ नाशिक विभागात आहे. त्याखालोखाल औरंगाबाद नांदेड ८ हजार ७७ आणि पुणे विभागात ६ हजार ५७५ असे महिलांचे प्रमाण आहे. शहरी भागातील विद्यार्थी ३९ हजार ५२६ आहे. उच्च शिक्षण समाजाच्या वंचित घटकांपर्यंत पोहोचवण्याचे ध्येय असलेल्या मुक्त विद्यापीठाने ग्रामीण भागातही मोठी विद्यार्थीसंख्या मिळवली आहेयंदाच्या पदवीदान समारंभात पदवी घेणाऱ्या एकूण विद्यार्थ्यांपैकी ७० टक्के विद्यार्थी ग्रामीण भागातील आहेततर आदिवासी भागातील १२ हजार १५० विद्यार्थी आहेत. गेल्या वर्षीच्या संख्येपेक्षा यावर्षी पदवीग्रहण करणा-या विद्यार्थ्यांच्या संख्येत विक्रमी वाढ आहे. यावर्षीचे आणखी एक वैशिष्ट्य म्हणजे मुक्त विद्यापीठाने ४०-६० वर्षे वय असलेल्या तब्बल १३ हजार ९३५ व्यक्तींना पुन्हा उच्च शिक्षणाच्या प्रवाहात आणले आहेतर ६० वर्षेपेक्षा अधिक वय असलेल्या तब्बल १५२ व्यक्ती आपले पदवीधर होण्याचे आयुष्यभराचे स्वप्न पूर्ण करीत असून त्यात सर्वाधिक व्यक्ती नांदेड आणि नाशिक विभागातील आहे. मुक्त शिक्षणपद्धतीत पत्रकारांमध्येही अतिशय लोकप्रिय होत असून यावर्षी पत्रकारितेच्या ३६२ विद्यार्थ्यांना पदवी घेता येईल. सर्वात जास्त विद्यार्थी बी.ए. चे ८१ हजार ५९८ तर बी.कॉम.चे ८ हजार ९२७ विद्यार्थी पदवी घेतील.स्पर्धात्मक युगात अत्यंत महत्वाच्या मानल्या जाणा-या एम.बी.या शिक्षणक्रमाचे ९५४ विद्यार्थी पदवी ग्रहण करीत आहेततर बी.एस.सी.एमएलटीचे २२७एम.एड.२५०, एमएसडब्ल्यू ६८, एम.ए. (मराठी) २ हजार ८१०, एम.ए. (शिक्षणशास्र) ३२३, एम. एस्सी. फूड सायन्स २८, एम. लिब ३४९, ग्रंथालयशास्र ८१०, बी.एड. १ हजार ४९९ विद्यार्थी पदवी ग्रहण करीत असून ६९ बंदिवानांचाही त्यात समावेश आहे.

मुक्त विद्यापीठाने शिक्षण केवळ हस्तीदंती मनो-यातून बाहेर आणले असे नाहीतर त्याचे स्वरूप व्यवसायाभिमुख व कौशाल्याधीष्ठीत करण्यावर विशेष भर दिलात्यामुळे पदवीधर आहे परंतू नोकरी नाही असे चित्र निर्माण न होता नोकरी देणा-या उद्योगांना ज्या कौशल्याचे उमेदवार हवे आहेततिच कौशल्ये शिकविणारे अभ्यासक्रम अनेक उद्योगसंस्थांशी सामंजस्य करार करून सुरु केलेएकूणच उच्च शिक्षणाबरोबर व्यवसायाच्या संधीही विद्यापीठ उपलब्ध करून देत आहे. याशिवाय मालेगांवमधील अल्पसंख्याक समाजातील ४५०० यंत्रमाग कामगारांना कौशल्य प्रमाणपत्राचे वाटप करून पूर्वतयारीच्या माध्यमातून शिक्षणाच्या मुख्य प्रवाहात आणले आहे.

कुलगुरू प्रा. डॉ. माणिकराव साळुंखे म्हणाले की, पुढील शैक्षणिक वर्षापासून एमएसडब्लू अभ्यासक्रम सुरु करण्यासाठी विद्यापीठाचा प्रयत्न असून कोल्हापूरच्या शिवाजी विद्यापीठाच्या सहकार्याने मराठी, हिंदी, इंग्रजी आणि इतिहास या चार विषयांत सेमिस्टर पद्धतीने पदव्युत्तर पदवी शिक्षणक्रम सुरु करण्यात येणार असल्याचे त्यांनी सांगितले. पीएच.डी.ची प्रक्रिया सुरु झाली असून विद्यापीठातर्फे २५ विद्यार्थ्यांची निवड करण्यात येणार असून त्याना संशोधनासाठी प्रत्येकी २५ हजार रुपये विद्यावेतन देले जाणार आहे. याशिवाय दलित विद्यार्थ्यांना शिक्षणक्रमास प्रवेश घेताना प्रत्यक्ष पैसे भरण्याची आवश्यकता भासणार नाही. मात्र त्यासाठी त्यांना शासनाचा ऑनलाईन अर्ज भरावा लागेल असे कुलगुरूंनी स्पष्ट केले. सर्व शिक्षणक्रमांचे मूल्यमापन केले जाणार असून ज्यांना मागणी नाही असे अभ्यासक्रम बंद करण्यात येतील असे ते म्हणाले.

विद्यापीठाचा रुग्णसहायक अभ्यासक्रम चालविणाऱ्या पुण्याच्या श्री भगवानराव नपाते फौंडेशनचे कार्य कौतुकास्पद असल्याचे सांगून येथे सध्या गरीब आणि वंचित घटकांतील ४४० मुली प्रशिक्षण घेत असून आजवर एक हजारांहून अधिक विद्यार्थिनींनी शिक्षणक्रम यशस्वीरीत्या पूर्ण केला आहे. वैद्यकीय क्षेत्रात समाजसेवेचा वारसा जपणाऱ्या या संस्थेतील जवळपास ५०० हून अधिक मुली महाराष्ट्रील नामांकित हॉस्पिटलांत रुग्णसेवेचे काम करीत असल्याचा कुलगुरूंनी विशेष उल्लेख केला. याबरोबरच २०१५-१६ शैक्षणिक वर्षापासून आयटी क्षेत्रातील किंवा पूर्वतयारी शिक्षणक्रम मोबाईलद्वारे उपलब्ध करून देण्यात येईल असेही कुलगुरू डॉ. साळुंखे यांनी शेवटी स्पष्ट केले. या पत्रकार परिषदेस कुलसचिव डॉ. प्रकाश अतकरे, परीक्षा नियंत्रक डॉ. अर्जुन घाटूळे, वित्त अधिकारी पंडित गवळी हे उपस्थित होते. प्रारंभी उपकुलसचिव जयवंत खडताळे यांनी पत्रकारांचे स्वागत केले तर संतोष साबळे यांनी आभार मानले.

या पदवीदानाची प्रमुख वैशिष्टे
मुक्त विद्यापीठाने शिक्षण केवळ हस्तीदंती मनो-यातून बाहेर आणले असे नाही, तर त्याचे स्वरूप व्यवसायाभिमुख व कौशाल्याधीष्ठीत करण्यावर विशेष भर दिला. त्यामुळे पदवीधर आहे परंतू नोकरी नाही असे चित्र निर्माण न होता नोकरी देणा-या उद्योगांना ज्या कौशल्याचे उमेदवार हवे आहेत, तिच कौशल्ये शिकविणारे अभ्यासक्रम अनेक उद्योगसंस्थांशी सामंजस्य करार करून सुरु केले. यामध्ये औषध उद्योगातील आंतरराष्ट्रीय महाकंपनी(Pharmaceutical Giant) लुपिन लॅबोरेटरिज लिमिटेड बरोबर शैक्षणिक करार केला आहे. म्हणजेच उच्च शिक्षणाबरोबर व्यवसायाच्या संधीही विद्यापीठ उपलब्ध करून देत आहे.
पदवीदानाचे इंटरनेटवर थेट प्रसारण
या पदवीदान समारंभाचे थेट प्रसारण इंटरनेटवरून करण्यात येणार आहे. विद्यापीठाच्या http://ycmou.digitaluniversity.ac तसेचhttp://ycmou.ac.in  या संकेतस्थळावर लिंक उपलब्ध असणार आहे. या सुविधेमुळे विद्यार्थ्यांबरोबर पालकांनाही पदवीदान समारंभ थेट पाहता येईल.विद्यापीठाच्या विविध पदविका, पदवी आणि पदव्युत्तर शिक्षणक्रमांत विशेष प्राविण्य मिळविणाऱ्या विद्यार्थ्यांनी या दीक्षांत समारंभास उपस्थित राहून पदवी ग्रहण करावी असे आवाहन विद्यापीठातर्फे करण्यात आले आहे.

महिलांनी पुढाकार घ्‍यावा

उघड्यावर शौच्चास जाण्याचे चित्र बदलण्‍यासाठी
महिलांनी पुढाकार घ्‍यावा - प्रणिताताई देवरे


नांदेड(प्रतिनिधी)घरातील योग्‍य संस्‍कार तसेच संस्‍कृतीची शिकवण देण्‍याची परंपरा जोपासतांना मुलिंना आणि सुनेला मात्र शौचाला उघडयावर जावे लाग‍ते ही मोठी शोकांतीक असून हे चित्र बदलण्‍यासाठी महिलांनाच पुढाकार घ्‍यावा लागेल असे प्रतिपादन सौ प्रणिताताई देवरे यांनी केले. कंधार तालुक्‍यातील बाबुळगाव येथे 27 जानेवारी रोजी स्‍वच्‍छतेविषयी घेण्‍यात आलेल्‍या कार्यक्रमात त्‍या बोलत होत्‍या.

सरपंच गयाबाई अर्जूनराव भंगारे यांच्‍या अध्‍यक्षतेखाली झालेल्‍या कार्यक्रमात आंचोलीच्‍या सरपंच अर्चनाताई मोरे, हाडोळीच्‍या सरपंच कल्‍पना तोंडचिरे, गट विकास अधिकारी विवेक देशमुख, जनसंपर्क अधिकार मिलिंद व्‍यवहारे, स्‍वच्‍छतातज्ञ विशाल कदम यांची प्रमुख उपस्थिती होती.

पुढे त्‍या म्‍हणाल्‍या, महिला उघडयावर शौच विधीसाठी जात असल्‍यामुळे त्‍यांना पोटाच्‍या आजारांचा सामाना करावा लागतो. आपली मुलं मोठी व्‍हावित असे स्‍वप्‍न पाहणा-या मातांना गरोदरपणात शौचास उघडयावर जावे लागत असल्‍यामुळे तिच्‍या आरोग्‍यावर परिणाम होतो, शिवाय उघडया हागणदारीमुळे मुलांचा विकास मातेच्‍या पोटातच खुंटत आहे. यासाठी प्रत्‍येकाच्‍या घरात शौचालयाची गरज आहे. मुलगा-मुलगी समान मानतांना मुलींवर अनेक वेळा बंधने टाकली जातात. महिलांनी डोक्‍यावरचा पदर खाली पडू देवूनये, मोठया व्‍यक्‍तींना नमस्‍कार करावा, अशा कितीतरी संस्‍काराची बिजे रुजवि-या अनेक घरातील महिला उघडयावर शौचास जातांना दिसतात, तेव्‍हा हे संस्‍कार कुठे जातात असा सवाल त्‍यांनी यावेळी केला. गावस्‍तरावरील परिस्थिती बदण्‍यासाठी व महिलांच्‍या संस्‍काराची खरी जोपासना करण्‍यासाठी महिलांनी पुढाकार घेतल्‍यास गाव निर्मल होईल असे प्रतिपादन प्रणिताताई देवरे-चिखलीकर यांनी केले.

प्रारंभी संत गाडगेबाबा यांच्‍या प्रतिमेचे पुजन करण्‍यात आले, त्‍यानंतर ग्रामपंचायतीच्‍यावतीने उपस्थितांचा शॉल व पुष्‍पहार देवून सत्‍कार करण्‍यात आला. यावेळी जनसंपर्क अधिकारी मिलिंद व्‍यवहारे यांनीही गावक-यांना मार्गदर्शन केले, ते म्‍हणाले, स्‍वच्‍छ भारत अभियानात बेलाईन सर्वेनुसार शौचालय नसलेल्‍या प्रत्‍येक पात्र कुटूंबांना बारा हजार रुपयाचे प्रोत्‍सहानपर बक्षीस देण्‍यात येते. दारिद्रय रेषे खालील सर्व कुटूंब तसेच दारिद्रय रेषेवरील अल्‍पभूधारक, भूमिहिन शेतकरी, महिला प्रधान व अपंग कुटूंब यांनाही या योजनेचा लाभ देण्‍यात येईल. ज्‍या कुटूंबांचे नाव बेलाईनमध्‍ये नाही अशा कुटूंबांचा समावेश एप्रिलमध्‍ये होणा-या सर्वेक्षणात करण्‍यात येणार आहे असे त्‍यांनी सांगीतले.

कार्यक्रमाचे प्रास्‍ताविक मिनी बिडीओ गोविंद मांजमकर यांनी केले. यावेळी शौचालय बांधकाम केलेल्‍या 27 लाभार्थ्‍यांना प्रत्‍येकी बारा हजार रुपयाच्‍या धनादेशाचे प्रणिताताई देवरे-चिखलीकर यांच्‍याहस्‍ते वाटप करण्‍यात आले. या कार्यक्रमाला मिनी बिडीओ डी.व्‍ही.मोरलवार, ग्रामसेवक एस.एस.घोरपडे, उप सरपंच गोविंदराव बोराळे, संगीता गिते, गंगासागर वाघमारे, बाबूराव भंगारे, पोलिस पाटील संग्राम बोराळे, दिलीपराव तोंडचिरे, रामदास गिते, शेख दैलत, विजय गीते, दिलीप तोंडचिरे यांच्‍यासह गावकरी, महिला व बचत गटातील सदस्‍य यांची मोठया संख्‍येने उपस्थिती होती.