पोलिस वाहन पसार..

गाभण गाईला जबर धडक देवून पोलिस वाहन पसार..
वाहनचालकाचे वागणे अशोभनीय..
तक्रार देवूनही ..केवळ चौकशी सुरु.. 
शेतकर्यास न्याय मिळेल काय..? 
हिमायतनगर(अनिल मादसवार)तालुक्यातील खैरगाव तांडा येथे रस्ता पार करणाऱ्या पोलिस व्हैनने एका गाभण गाईला जबर धडक दिल्याने जबर जखमी झाली असून, तिच्या पोटातील वासरू मृत होण्याची शक्यता नाकारता येणार नसल्याचा पशु वैदकांचा अंदाज असून, मृत्यूशी झुंज देत असल्याचे दिसून येत आहे.

याबाबत सविस्तर वृत्त असे कि, हिमायतनगर तालुक्यातील मौजे खैरगाव तांडा येथे दि.२९ च्या सायंकाळी ६ वाजेच्या दरम्यान पाणी पिवून एक गाभण गाय नांदेड - किनवट रस्ता ओलांडत होती. दरम्यान याच वेळी नांदेड  पोलिस दलाची वहिन जिचा क्रमांक एम.एच.२६ -आर ०५१६ या भरधाव वेगातील गाडीने पशु पालक रामा सटवा भालेराव यांच्या गाभण गाईस जबर धडक दिली. या घटनेत सदर गाय मुर्चीत होऊन खाली पडली असून, दोन्ही पाय निकामी झाले आहेत. यावेळी धडक देवून पसार होत असताना प्रत्यक्ष दर्शी नागरिकांनी आरडा - ओडर करून पोलिस गाडीला थांबविण्याचा प्रयत्न केला. परंतु पोलिसी अविर्भावात वाहन चालक तेथून पसार झाला. संबंधित पशु पालक शेतकर्याने गावातील एका ऑटो चालक युवकास फोनवरून हि माहिती देवून हिमायतनगर शहरातील उमरचौक येथे गाडीला थांबविण्याची विनंती केली. पशु मालकाच्या विनंतीवरून ऑटो चालक युवकाने पोलिस गाडीस उमरचौक येथे थांबवून संबंधित घटनेची चौकशी केली. परंतु नांदेड पोलिस दलातील हेकेखोर वाहन चालकाने अरेरावीची व उर्मटपनाची भाषा वापरू गाडीसह तेथून पोबारा केला. असे जखमी गाईचे मालक राम भालेराव यांनी पत्रकारांशी बोलताना सांगितले.


सदरील घटनेमुळे माझे जवळपास २० ते २५ हजारचे नुकसान झाले असून, पोलिसाकडून न्याय मिळवून देण्याची आपेक्षा ठेवणाऱ्या नांदेड पोलिस दलावर सदरील वाहनचालकाच्या अशोभनीय वागण्याने मान खाली घालण्याची वेळ आली आहे. आदीच दुह्स्कालात होरपळनार्या शेतकर्यास पोलीसामुळे नुकसान सहन करावे लागत असल्याने एम.एच.२६ आर ०५१६ च्या वाहनचालकावर हिमायतनगर पोलिस स्थानकात फिर्याद दाखल करण्यात आली आहे. इतर नागरिकांना न्याय मिळवून देणाऱ्या हिमायतनगर पोलिसाकडून पोलिस खात्यातील आरोपी वाहन चालकावर कोणती कार्यवाही केली जाणार व शेतकर्यास नुकसान भरपाई मिळवून दिली जाईल काय..? याकडे नागरिकांचे लक्ष लागले आहे.

या बाबत पोलिस उपनिरीक्षक सुशील चव्हाण यांच्याशी संपर्क साधला असता ते म्हणाले कि, तशी तक्रार आली असून, या घटनेची चौकशी सुरु आहे, चौकशी अंती काय निष्पन्न होणार ते अवघ्या काही दिवसातच सोर येईल असे त्यांनी सांगितले.

याबाबत पशु अधिकारी माघाडे यांच्याशी संपर्क केला असता ते म्हणाले कि, जखमी गाईवर तपासणी करण्यात आली असून, तीच्यावर उपचार करण्यात आले आहे. गाय तीन महिन्याची गाभण असल्याने पोटातील गर्भाविषयी अंदाज बंधने अवघड असल्याचे त्यांनी प्रस्तुत प्रतिनिधीस बोलताना सांगितले. 


   

तलाठी एसीबीच्या जाळ्यात

लाचखोर तलाठी संजय मेहूणकर एसीबीच्या जाळ्यात
संपत्तीची चौकशी होणार...

हिमायतनगर(अनिल मादसवार)तालुक्यातील मौजे खडकी बा. येथील एका शेतकर्याचा शेतीचा फेरफार करण्यासाठी ३ हजारची लाच घेताना खडकी बा.सज्जाचा तलाठी संजय मेहूणकर यास लाचलुचपत प्रतिबंधक विभागाच्या पथकाने रंगेहात पकडल्याची घटना दि.२५ सोमवारी सकाळी ८.३० वाजेच्या सुमारास घडली आहे. या कार्यवाहीने तलाठी, ग्रामसेवकासह अधिकारी - कर्मचारी वर्गात एकच खळबळ उडाली आहे.  

खडकी बा.येथील तक्रारदार यांनी आईच्या नावे खरेदी केलेल्या ७२ गुंटे शेत जमिनीचा फेरफार करण्यासाठी कागदपत्रासह तलाठी संजय मेहूणकर यांच्याकडे दि.०१ मे रोजी प्रस्ताव दिला होता. नेहमीप्रमाणे सुरुवातीला फेरफार करण्यासाठी टाळाटाळ केली, त्यानंतर फेरफार कामासाठी तलाठी महाशयांनी तक्रारकर्त्यास ३ हजार रुपयाच्या लाचेची मागणी केली. त्यांच्या मागणीला हो म्हणून सदर शेतकरी युवकाने दि.१५ रोजी नांदेड येथील लाचलुचपत प्रतिबंधक विभागीय कार्यालय येथे रीतशीर तक्रार दिली. तक्रारीनुसार पोलिस अधीक्षक यांच्या सूचनेने सदर तक्रारीची पूर्व पडताळणी केल्यानंतर सदर तलाठ्याने लाचेची मागणी केल्याच सिद्ध झाले. लाचखोर तलाठ्यास जाळ्यात अडकविण्यासाठी एसीबीच्या पथकाने सापळा रचला. मात्र संपर्कातून सदर तलाठ्याने दिलेली वेळ चुकविल्याने जवळपास दोन - तीन वेळा एसीबीचे प्रयत्न असफल झाले. तरीही हार न मानता लाचखोर तलाठ्यास जेरबंद करण्यासाठी एसीबीच्या वरिष्ठ अधिकाऱ्यांच्या मार्गदर्शनाखाली दि.२५ सोमवारी सकाळी ४ वाजल्यापासून खडकी बा.शेतशिवारात सापळा रचून लाचलुचपत विभागाचे पथक थांबले होते. दरम्यान तलाठी संजय मेहूणकर यांनी नंदीग्राम रेल्वेने हिमायतनगर गाठून तक्रारकर्त्या शेतकरी युवकास फोनवरून संपर्क साधला. त्यावेळी परमेश्वर मंदिर ते खडकी बा. पानदान रस्त्यावरील शेतशिवारात फेरफार करण्यासाठी मागणीप्रमाणे ३ हजाराची लाच स्वीकारताना रंगेहात पकडून अखेर तलाठ्यास जेरबंद केले आहे.

हि कार्यवाही यशस्वी करण्यासाठी गेल्या आठवड्यापासून एसीबीचे पथक परिश्रम घेत होते. मात्र चतुर  लाचखोर तलाठी हा फोनवर लाच मागत होता, तर प्रत्यक्षात पैसे घेण्यास नाकारत होता. अखेर दि.२५ रोजी सकाळी ४ वाजल्यापासून सापळा रचून लाचखोर तलाठ्यास रंगेहात पकडले अशी माहिती एसीबीच्या अधिकार्यांनी प्रस्तुत प्रतिनिधीस बोलताना दिली. सदर कार्यवाही लाचलुचपत प्रतिबंधक विभागाचे पोलिस अधीक्षक व पोलिस उपअधीक्षक मोहमंद पठाण यांच्या मार्गदर्शनाखाली पोलिस निरीक्षक जी.एस.राहिरे, पी.आर.पौळ, पोहेको. चंद्रकांत कदम, पो.ना.विठ्ठल खोमणे, पोको.सतीश गुरुतवाड, चापोना.अनिल कदम यांनी केली आहे.

लाचलुचपत प्रतिबंधक विभागाने जनतेला आवाहन केले आहे की, कोणी शासकीय अधिकारी-कर्मचारी शासकीय काम करण्यासाठी लाचेची मागणी करीत असेल तसेच त्याच्या लाचेच्या मागणीचे मोबाईल फोनवर आलेेले एसएमएस,व्हिडीओ क्लीप असल्यास ती घेवून लाच लुचपत प्रतिबंधक विभागात यावे व तक्रार करावी. तसेच एखाद्या कोणी शासकीय अधिकारी-कर्मचारी यांनी अपसंपदा संपादित केली असेल तर त्याची माहिती लाच लुचपत विभागात द्यावी व भ्रष्टाचाराला आळा घालण्यासाठी पुढाकार घ्यावा. भ्रष्टाचार प्रतिबंधक विभागातील टोल फ्री क्रमांक १०६४, कार्यालयाचा क्रमांक ०२४६२-२५३५१२ आणि पोलिस उपअधीक्षक मोहम्मद पठाण यांच्या मोबाईल क्रमांक ९८२३२०६८७७ वर संपर्क साधून माहिती देता येईल, असे कळविले आहे. तसेच माहिती अधिकार कायद्याने प्राप्त असलेल्या माहितीच्या कागदपत्रांसह लाचलुचपत प्रतिबंधक विभागाकडे तक्रार करावी त्यावरून सुद्धा भ्रष्टाचार करणाऱ्याविरूद्ध गुन्हा दाखल होतो. तेव्हा माहिती अधिकारावर काम करणाऱ्या सर्वच कार्यकर्त्यांनी प्राप्त माहितीसह लाचलुचपत प्रतिबंधक विभागात तक्रार करावी असे आवाहन मोहमंद पठाण यांनी केले आहे.

संपत्तीच्या चौकशीतून घबाड उघड होणार..!
--------------
लाचखोर तलाठी संजय मेहूणकर यांनी अतिवृष्टीच्या काळात खडकी बा.घारापुर, रेणापूर भागातील नुकसान ग्रस्त शेतीच्या सर्वेत मोठा घोळ केला आहे. त्यामुळे खरे नुकसानग्रस्त लाभार्थी मदतीपासून वंचित राहिलेल्या अनेकांनी तक्रारी देवून उपोषण मांडले होते. यासह अनेकांनी जमीन शेती फेरफार प्रकरणाच्या तक्रारी वरिष्ठाकडे दिल्या होत्या. परंतु महसुलचे वरिष्ठ अधिकारी या लाचखोर तलाठ्यास अभय देत राहिल्याने आजवर त्याने मोठी माया गोळा केली असल्याचे नागरीकांचे म्हणणे आहे. असाच प्रकार चालविला जात असताना एका शेतकऱ्याच्या चाणाक्ष बुद्धीने या तलाठ्यास एसीबीच्या जाळ्यात अडकविले. त्यांनतर पथकाने तलाठ्याच्या हिमायतनगर येथील रूमची झडती घेत, आजूबाजूला विचारपूस केली. तसेच नांदेड येथील त्यांच्या घराची झडती घेवून संपत्तीची चौकशीसाठी वरिष्ठांना कळविले आहे. लाचखोर तलाठी मेहूणकर यांच्या सह कुटुंबाच्या खाते पुस्तक व अन्य कागद पत्राची सखोल चौकशी व झाडाझडाती घेतल्यास गोर - गरिबांच्या मुंड्या मोडून जमवलेले मोठे घबाड उघड होण्याची शक्यता नाकारता येत नाही अश्या संतप्त प्रतिक्रिया खडकी बा येथील अनेकांनी पोलिस स्थानक परिसरात बोलून दाखविले आहेत. 

चिमुकल्यांचे भवितव्य अधांतरी

इंग्रजी माध्यमांच्या शाळांचे पेव फुटले...अप्रशिक्षित शिक्षकामुळे चिमुकल्यांचे भवितव्य अधांतरी 



हिमायतनगर(अनिल मादसवार)चालू शैक्षणिक वर्षामध्ये शहरासह ग्रामीण भागात इंग्रजी माध्यमांच्या शाळांचे जागोजागी पेव फुटल्याने पालकामध्ये मुलांच्या प्राथमिक शिक्षणाबाबत संभ्रम निर्माण होत आहे. अश्या शाळांमध्ये प्रशिक्षित कर्मचारी वर्ग नसल्याने चिमुकल्यांच्या भवितव्याशी संस्था चालक खेळत असून, शिक्षणाचा बाजार जोमाने चालविला जात आहे. 

जागतिकीकरण व विज्ञान तंत्रज्ञानाच्या युगात  इंग्रजी भाषेला आलेले महत्व व आपले पाल्य गुणवत्ता धारक व्हावे हि मानसिकता हेरून खाजगी शिक्षण संस्थांनी आकर्षक जाहिराती व हैन्ड बिलाच्या माध्यमातून पालकांना भुरळ पाडण्याचा प्रयत्न सुरु केला आहे. शहरातील प्रमुख रस्ते, चौक, विजेचे खांब, सार्वजनिक इमारती, बस स्थानक रेल्वे स्थानक, आदीसह चौका चौकात व प्रवाशी वाहनावर इंग्रजी शाळांच्या जाहिरातबाजीला उत आला आहे. यामुळे शहराचे विद्रुपीकरण होत असून, हि मंडळी एवढ्यावरच न थांबता वाहनावर ध्वनिक्षेपक कर्णकर्कश आवाजात जाहिरात बाजीची स्पर्धा करून ध्वनी प्रदुशानता भर टाकत आहेत. आपल्या जाहिरातीमधून मुलांचे सुप्त गुण हेरून त्याचा सर्वांगी विकास करू असा दावा केला जात असल्यामुळे अनेक पालक जाहिरात बाजीला बळी पडून भरभक्कम फिसच्या नावाखाली रक्कम देवून प्रवेश निश्चित करीत आहेत. काही शाळांच्या जाहिरातीमध्ये इंग्रजी शब्दांचे चक्क स्पेलिंग चुकीचे असल्याचे इंग्रजी विषयाच्या जाणकार व्यक्तीकडून बोलेल जात आहे. तर असे चुकीचे शब्द पालक व विद्यार्थ्यावर बिम्बविल्या गेल्यास इंग्रजी भाषेचे भविष्य काय असा प्रश्न उपस्थित केला जात आहे.

नव्याने थाटण्यात येत असलेल्या व जुन्या असलेल्या इंग्रजी माध्यमांच्या शाळामध्ये भौतिक सुविधांचा अभाव सातत्याने आढळून येत असून, वर्ल्ड क्लासच्या नावाखाली थर्डक्लास शिक्षणाचा धंदा संस्था चालकांनी चालविला आहे. अनेक इंग्रजी शाळामध्ये चिमुकल्यांना पिण्याच्या व्यवस्था खेळाचे मैदान, बसण्यासाठी नीट आसन व्यवस्था, खोल्यांची दुरवस्था, धुळीने माखलेले मैदान अशी दुरवस्था अनेक शाळांची दिसून येते. त्यातच अपुरा व अप्रशिक्षित शिक्षक वर्ग आणि वाहनांची नीट व्यवस्था नसल्याने कोंबड्यागत चिमुकल्यांना ऑटोतून कोंबून शाळेपर्यंत पोन्चविल्या जात असल्याचे विदारक चित्र दिसून येत आहे. हा सर्व प्रकार शिक्षण विभागाच्या वरिष्ठांना अंधारात ठेवून संस्था चालक करत असल्याचा आरोप सुजाण पालक वर्गातून करण्यात येत आहे. या प्रकाराकडे शिक्षण विभागाने लक्ष देवून इंग्रजी शाळांवर प्रशिक्षित शिक्षकासह भौतिक सुविधाकडे लक्ष देण्याची गरज असल्याचे पालक वर्गातून बोलले जात आहे.      

अधिका-यांच्या बोटचेपी वृत्तीने मराठवाड्याच्या रेतीवर विदर्भातील तस्करांचा डल्ला...

हिमायतनगर(वार्ताहर)विदर्भ -मराठवाड्याच्या सिमेवरुन वाहणा-या पैनगंगा व लाखाडी नदी पात्रातुन दिवसा गणीक हजारो ब्रास रेतीचा अवैध्य रित्या उपसा केला जात आहे. महसुल विभागाच्या नाकावर टिचुन रेती तस्कर दिवसा ढवळ्या रेतीची तस्करी करीत असुन, महसुल विभागाच्या बोटचेप्या वृत्तीमुळे वाळुदादांचे फावत आहे. परिणामी शासणाचा दरदिवशी लाखो रुपयाचा महसुल बुडत आहे. या तस्करीत मराठवाड्यातील वाळु तस्करांची संख्या कमी असली तरी, विदर्भातील वाळउ तस्करांची संख्या लक्षणीय असल्याचे पर्यावरण प्रेमी नागरीकांचे म्हणने आहे.

हिमायतनगर - उमरखेड तालुक्याच्या सिमेवरुन वाहणारी पैनगंगा व लाखाडी या दोन प्रमुख नद्या वाहतात. नदी काठावर असलेल्या बोरी, चाथारी, घारापुर, दिघी, देवसरी, रेणापुर, पळसपुर, डोल्हारी, सिरपल्ली, एकंबा, कौठा, वारंगटाकळी, आदीसह जमेल त्या ठिकाणाहुुन पाच ते दहा ट्रॅक्टरव्दारे रेती रात्रं -दिवस पळवीली जात आहे. काही ठिकाणावर थेट जेसीबी मशीनच्या सहाय्याने उत्खनन करुन महासुलच्या संबंधीत अधिकारी - कर्मचा-यांना हाताशी धरुन राजरोसपणे उत्खनन केले जात आहे. हिमायतनगर तालुक्यातील हद्दीत असेलल्या एकाही रेती घाटाचा लिलाव झालेला नसतांना सर्रास रेती घाटावरुन राजरोसपणे रेतीचे उत्खन करुन पर्यावरणाला बाधा पोंचवीली जात आहे. मराठवाडयातील वाळु दादाबरोबर आता विदर्भातील रेती तस्करांनी उच्छाद मांडला असुन, मराठवाड्याच्या हद्दीत घुसखोरी करीत बेसुमार वाळु उपसा करत आहेत. रेती उपश्यासाठी पाच ते दहा ट्रक्टर व मजुरदार लाऊन नदी पात्रात मोठ मोठे खड्डे केले जात आहेत. दिवस रात्र एक ट्रॅक्टर 8 ते 10 ट्रिप वाळु नेऊन जादा दराने विक्री करण्याच्या उद्देशाने साठवणुक करीत आहेत. अवघ्या आठ दिवसावर पावसाळा येऊन ठेपल्यामुळे रेती तस्करी करणा-यांची संख्या वाढली असुन, जिकडे पहावे तिकडे नदी पात्रात वाहने व रेती काढण्यासाठी आलेले मजुर दिसत आहेत. हा सर्व प्रकार संबंधीत गावातील पोलीस पाटील, सरपंच, तलाठी, मंडळ अधिकारी व तहसिलदार यांना माहीत असतांना देखील वाळु तस्कराच्या मुसक्या अवाळण्याकडे जाणीवपुर्वक दुर्लक्ष करीत मॅनेजमेंटचा कारभार करुन तस्करांना अभय देत असल्याचा आरोप पर्यावरण प्रेमी नागरीकांतुन केला जात आहे.

एकीकडे शुल्लक एखाद्या - दोन वाहनांवर कार्यवाही करायची आणि दुसरीकडे वाळु दादांना बेछुट रान मोकळे सोडायचे असा गोरखधंदा मागील तिन माहीण्यापासुन महसुलच्या अधिका-यांची मांडला आहे. याबाबात अनेक वर्तमान पत्रांतुन वृत्त प्रकाशीत झाले, मात्र वाळु तस्करांवर कारवाई करण्याच्या नावाने बोंबाबोंब चालवीली जात आहे. त्यामुळे निर्ढावलेले वाळु तस्कर आम्ही कुणाच्या बापाला भित नाही, महसुल अधिका-यांना हप्ता देत रेतचा उपसा करतो असे ठणकाऊन सांगत आहेत. यामुळे पर्यावरणाचा समतोल बिघडत चालला असुन, नदीकाठावरील नागरीक व जनावरांना पाण्यासाठी भटकंती करावी लागत आहे. शासनाचा गलेलठ्ठ पगार घेऊन कर्तव्यात कसुर करणा-या महसुल विभागाच्या अधिकारी व कर्मचा-यावर कार्यवाहीचा बडगा उगारणे काळाची गरज असल्याच्या प्रतिक्रीया निसर्गप्रेमी नागरीकांतुन व्यक्त होत आहेत. 

येथे कार्यरत तहसिलदार झाडके यांनी सुरुवातीच्या काळात काही प्रमाणात वाळु, मुरुम, दगड यासह गौन खनीज तस्करावर कार्यवाही करुन आपली झलक दाखवीली होती. त्यानंतर पुलाच्या खालुन बरेचशे पाणी गेले त्यानंतर तेरी भी चुप मेरी भी चुपचा प्रकार चालवीण्यास सुरुवात केल्याने पुन्हा एकदा वाळु तस्करांनी चांगलाच जम बसवीत नदीत मोठ -माठे खड्डे पाडले आहेत. या सर्व प्रकाराकडे नव्याने जिल्हयाचा कारभार हाती घेतलेल्या जिल्हाधीकारी सुरेश काकाणी यांनी हिमायतनगर तालुका परीसरात होत असलेल्या गौन खनीज तस्करीच्या प्रकाराकडे जातीन लक्ष देऊन कामचुकार अधिकारी- कर्मचा-यांची चोकशी करुन तस्करांच्या मुसक्या आवळाव्यात अशी मागणी सामन्य जनतेतुन केली जात आहे. याबाबत तहसिलदार शरद झाडके यांच्याशी दुरध्वनीवरुन संपर्क साधण्याचा प्रयत्न केला असता बेल गेली परंतु त्यांनी फोन कट केल्याने या मार्गावरील सर्व लाईन व्यस्त आहेत. थोड्या वेळाने संपर्क करा असे कंपनीच्या वतीने सांगण्यात आले आहे.

पाणी टंचाई




शागतीत शेतकरी

पेरणी पूर्व मशागतीत शेतकरी गुंतला...
नियोजनपूर्व बैठक संपन्न 


हिमायतनगर(अनिल मादसवार)यंदा मान्सूनचे आगमन वेळेवर होणार असल्याने तळपत्या उन्हात बळीराजाने खरीप पेरणी पूर्व मशागतीला सुरुवात केली आहे. ज्यांच्याकडे बैलजोडी आहे ते शेतकरी बैलाच्या सहाय्याने मशागतीचे कामे करत असले तरी, जाता शेतकरी आधुनिक पद्धतीने शेती करत टेक्टरच्या सहाय्याने मशागतीचे कामे करून घेत असल्याचे दिसून येत आहे. तर दुसरीकडे खरीप हंगामाच्या नियोजन बाबत पंचायत संती कार्यालयात बैठक संपन्न झाली आहे. 

गत अनेक वर्षापासून निसर्गाच्या लहरीपणाने शेतकर्यांचा खरीप हंगाम सतत नुकसानीत येत आहे. यावर्षी चांगला पाऊस असल्याचे व वेळेवर मान्सून येणार आहे. त्यामुळे शेतकर्यांनी खरीप पेरणीपूर्व मशागतीला सध्या वेग दिला असून, गतवर्षीच्या तुलनेत यंदा पेरणीच्या क्षेत्रात वाढ होणार असल्याचा अंदाज कृषी विभागाने वर्तविला आहे. तालुक्यातील खरीप हंगामाचे क्षेत्र ४८ हजार ५४३ हेक्टर असून, त्यात पेरणी लावडीचे क्षेत्र ३९ हजार ९२४ हेक्टर आहे. गेल्या वर्षी सन १०१३ -१४ या वर्षात खरीपाची पेरणी ३४ हजार ६४४ हेक्टर वर पेरणी करण्यात आली होती. त्यात कपाशीची पेरणी २१ हजार ६७८ हेक्टरवर कपाशीची पेरणी झाली होती. तर ५ हजार ६६ हेक्टरवर सोयाबीन या नगदी पिकाची पेरणी करण्यात आली होती. मात्र पावसाने उघडीप दिल्याने शेतकर्यांना दुसर्यांदा व काही शेतकर्यांना तिसर्यांदा पेरणी करावी लागली. यामुळे बळीराजाने शेतीसाठी केलेला खर्च सुद्धा निघाला नसल्याने शेतकरी निराशेत जीवन जगात आहे. त्यातच शासनाने सुद्धा शेतकर्यांना म्हणावी तशी नुकसान भरपाईची मदत केली नसल्याने शेतकरी पुरता खचला आहे. 

हवामान खात्याकडून यंद अवेलेवर मान्सूनची दस्तक व चांगला पाऊस असल्याचे सांगण्यात आल्याने नव्या जोमाने शेतकरी पेरणी पूर्व मशागतीत गुंतला आहे. सध्या शेतातील केर कचरा साफ करणे, नांगरणी, वखरणी आदी कामे जोमात सुरु आहेत. तसेच दिवसाआड आकाशात ढगाळ वातावरण व अवकाळी पावसाचे आगमन होत असल्याने म्हणावी तशी जमीन तापत नसल्याने शेतकरी चिंतेत आहे. वाढती महागाई यातही शेतकरी तळपत्या उन्हात राब - राब राबत खरिपाच्या तयारीला लागला आहे. 

नुकतीच तालुक्यातील खरीप हंगामाच्या नियोजनासाठी येथील पंचायत समिती कार्यालयात पदाधिकारी व व्यापाऱ्यांची संयुक्त बैठक संपन्न झाली. त्यात सन २०१५- १६ च्या हंगामासाठी ३५ हजार ७ हेक्टर वर पेरणी अपेक्षित असून, कापूस २१ हजार ८०५ हेक्टर, सोयाबीन ८ हजार ९० हेक्टरवर, भात ४५ हेक्टर, ज्वारी १०४० हेक्टर, तूर २२५० हेक्टर मुग १९८ हेक्टर, उडीद १८२ हेक्टरवर होण्याची शक्यता वर्तविण्यात आली आहे.  

या वर्षीच्या खरीप हंगामाच्या ३५ हजार ७ हेक्टरच्या पेरणीसाठी खते, बी - बियाणे लागणार असून, त्यानुसार कपाशीच्या १ लाख ९०२५ पिशव्या, सोयाबीन ५२९८ कुंटल, मुग २९ कुंटल, उडीद २७ कुंटल, तूर ३३ कुंटल, ज्वारी १०४ कुंटल, साळ ४५ कुंटल अशी मागणी करण्यात आली आहे. तसेच रास्यानिक खतामध्ये ११ हजार ९८ मेट्रिक टनाची आवशकता असून, यात युरिया - ३६५५, डीएपी - २७९५, पोटेश - ९८९ मेट्रिक टन आणि संयुक्त खते २२७ मेट्रिक टन, एसएसपी - १२०० मेट्रिक टन, अमोनियम सल्फेट - १०८ मेट्रिक टन, सीएएन - ४३ मेट्रिक टन, एसओटी - ४३ मेट्रिक टन अशी मागणी करण्यात आली आहे. बाजारात मिळणाऱ्या बियाणांचा वापर शेतकर्यांनी करावा. तसेच शेतकर्यांनी विशिष्ट एकाच वाणाची मागणी न करता कृषी विद्यापीठाने केलेल्या शिफारसी नुसार आग्वाद करावी, तसेच शेतकर्यांनी घरी असलेल्या सोयाबीनचे बियाणे म्हणून वापर करावे असे आवाहन कृषी विस्तार अधिकारी सुडे, पी.आर.माने यांनी बैठकीत केले आहे.  या बैठकीत शहरातील अधिकारी, व्यापारी, पत्रकार व पदाधिकारी उपस्थित होते.         

हेल्मेट धारकांच्या दहशतीने शहरात भीतीचे वातावरण

अवघ्या ७ मिनिटात ९५ लाखाची झाली लुट ; आज नांदेड बंद


नांदेड(रामप्रसाद खंडेलवाल) ८ मे रोजी रात्री ८.३० वाजेच्या सुमारास पायल ज्वेलर्स या दुकानात अवघ्या ७ मिनिटात ९४ लाख ४० हजार ३०० रुपयांची लुट खोट्या पिस्तुलाच्या जोरावर चोरट्यांनी केली. आठ दिवसात ही दुसरी घटना आहे. हेल्मेटधारी दोन जणांनी अशीच लुट नवा मोंढा भागात केली होती. हेल्मेटधारकांच्या या प्रकारामुळे शहरातील व्यापारी वर्गात भीतीचे वातावरण निर्माण झाले असून, त्यांचा बंदोबस्त करण्यात नांदेड पोलिस यशस्वी होतील का..? याकडे सर्वांचे लक्ष लागले आहे. 

८ मे रोजी रात्री ८.३० वाजेच्या सुमारास वजिराबाद या नेहमीच गजबजलेल्या भागात पायल ज्वेलर्स या दुकानात दोन हेल्मेटधारी आले. एकाने दुकाना बाहेर असलेल्या सुरक्षा रक्षकाला आपल्या कडील पिस्तुलाच्या धाकावर रोखले. एक आत गेला आणि दुकानातील मालक,नोकर आणि ग्राहक यांना खाली बसण्यास भाग पाडले. आणि सोन्याचे दागिने आपल्या कडील पोत्यात भरण्यास सुरवात केली. बाहेर असलेला एक लुटारू आणि त्याच्या हालचाली रस्त्यावरील लोकांनी ओळखल्या आणि आरडा ओरड करण्यास सुरवात केली. आत असलेल्याने ही ओरड लक्षात येताच पोते घेऊन बाहेर आला. लोकां कडे बंदूक रोखून गोळी झाडली पण कोणालाच काही इजा झाली नाही. एवढ्यात लोकांनी त्यांच्यावर दगडफेक करण्यास सुरवात केली. पायल ज्वेलर्स समोर असलेली गल्ली गुजराथी शाळा आणि पी.एन.कॉलेज कडे जाते. त्या रस्त्यावर या चोरट्यांनी आपली मोटार सायकल उभी केली होती. ती दुचाकी काढत असताना जनतेने पुन्हा त्यांचेवर दगडफेक केली पण लुटारूंनी पुन्हा गोळीबार केला आणि आपली दुचाकी काढून मागील रस्त्याने लुटारु निघून गेले. काही लोकांनी सांगितले की ते खडकपुरा रस्त्याने वाघी रस्त्यावर गेले. पोलिसांनी त्वरित सर्वत्र नाकाबंदी लावली पण त्याचा काहीही उपयोग झाला नाही. 

घटना घडताच पोलिस अधीक्षक,अपर पोलिस अधीक्षक तानाजी चिखले, अनेक पोलिस अधिकारी, अनेक पोलिस कर्मचारी पायल ज्वेलर्स कडे आले. पोलिस अधीक्षकांच्या खास पथकातील खास पोलिस सुद्धा आले. पण साप निघून गेल्यावर लाकडे आपटन्या पलीकडे काहीच हाती आले नाही. चोरटे जातांना तिरंगा चौक भागातून गेले असल्याचे अनेकांनी पहिले आहे असे लोक सांगत आहेत. 

पायल ज्वेलर्सचे जगदीश रामेश्वर वर्मा यांनी दिलेल्या तक्रारी नुसार या लुटारूंनी ३.५ किलो सोने आणि एकच चांदीचा लोटा (तांब्या) लुटून नेला आहे. या ऐवजाची एकूण किंमत ९४ लाख ४० हजार ३०० रुपये आहे. वजिराबाद पोलिसांनी अज्ञात लुटारून विरुद्ध गुन्हा दाखल केला आहे. तपास पोलिस निरीक्षक रघुनाथ कदम करीत आहेत.आठ दिवसां पूर्वी रात्री ८.३० वाजेच्या सुमारास नवा मोंढा भागात अशीच लुट लक्ष्मिकांत ट्रेडिंग कंपनी येथे झाली होती. त्यात ९० हजार लुटले गेले होते. आज या लुट आणि पोलिसांच्या नाकर्ते पणासाठी व्यापाऱ्यांनी बंद पुकारला आहे. नांदेड शहर आणि त्यातील सर्व व्यापारी प्रतिष्ठाने बंद असतील असे सांगण्यात आले.

अधिकारी कर्मचार्यांची वाळूदादांना मूक संमती

विदर्भाच्या वाळूदादांची मराठवाडा हद्दीत घुसखोरी


हिमायतनगर(वार्ताहर)विदर्भातील रेती घाटाचा लिलाव झाल्याचे सांगून काही वाळूदादांची मराठवाडा हद्दीत घुसखोरी करून वाळूचा बेसुमार उपसा सुरु केला जात आहे. या प्रकारास स्थानिक महसुल प्रशासनाच्या अधिकारी कर्मचार्यांची वाळूदादांना मूक संमती मिळत असल्याने शासनाच्या तिजोरीला रक्षणकर्तेच चुना लावत असल्याचा आरोप पर्यावरण प्रेमी नागरीकातून केला जात आहे. या प्रकाराकडे जिल्हाधिकारी धीरजकुमार यांनी गांभीर्याने लक्ष देण्याची रास्त व्यक्त होत आहे. 

याबाबत सविस्तर वृत्त असे कि, मराठवाडा - विदर्भाच्या सीमेवरून वाहणाऱ्या पैनगंगा नदीवर अनेक ठिकाणी रेतीचे घाट आहेत. परंतु या वर्षी एकाही रेती घाटाचा महसुल प्रशासनाने अधिकृत लिलाव केला नाही. तरीसुद्धा हिमायतनगर तालुक्यातील घारापुर, पळसपूर, रेणापूर (बेचिराख), मंगरूळ, वारंगटाकळी, कौठा, एकम्बा, बोरी, आदी ठिकाणाहून बेसुमार रेतीचा उपसा अनधिकृत रित्या सुरु असल्याने शासनच रोखीने वसूल होणार महसुल बुडत चालला आहे. परिणामी पर्यावरणाची मोठी हानी होत असून, यामुळे नदीकाठावरील गावकर्यांना पाणी टंचाई सह अन्य संकटाना सामोरे जावे लागत आहे. याचे होणारे परिणाम व पर्यावरण प्रेमी नागरिकांच्या तक्रारीवरून यागोदर अनेक वर्तमान पत्रातून वृत्त प्रकाशित झाले. मात्र महसुल प्रशासनाने शुल्लक कार्यवाही करून वाळू तस्करी करणार्यांना अभय देत पुन्हा वाळू उपष्याला मूक संमती दिली आहे. 


म्हणूनच कि काय..? तालुक्यातील राजीकीय वरद हस्त असलेल्या वाळूदादांसह विदर्भातील सावळेश्वर, बिटरगाव येथील काहींनी मराठवाड्याच्या हद्दीत घुसखोरी करत कोठा घाटावरून राजरोसपणे पाच ते दहा ट्रेक्टरच्या सहाय्याने दिवस - रात्र वाळूचा उपसा सुरु केला आहे. या भागातील संबंधित पोलिस पाटील, तलाठी, प्रभारी मंडळ अधिकारी यांना हाताशी धरून शासन संपत्तीवर डल्ला मारण्याचा हा प्रकार मागील १५ दिवसापासून जोमात सुरु आहे. या ठिकाणाहून दिवसातून एक वाहन पाच ते सात ट्रीप करून दररोज शेकडो ब्रास रेतीचा उपसा करून शासनाच्या तिजोरीवर डल्ला मारल्या जात आहे, यासाठी सिरंजनी सज्जाचे तलाठी व प्रभारी मंडळ अधिकारी यांना मोठी रक्कम देवून हा प्रकार चालविला जात असल्याचे एका वाहनचालकाने नाव न छापण्याच्या अटीवर सांगितले आहे. एवढा मोठ्या प्रमाणात वाळू उपसा होत असताना महसुलाचे अधिकारी विदर्भातील वाळू घाटाचा लिलाव झाल्याचे सांगून पर्यावर प्रेमी नागरिक व पत्रकारांची दिशाभूल करून स्वार्थ साधण्याच्या प्रयत्न चालवीत आहेत. याबाबत काही पत्रकारांनी पाळत ठेवून दोन दिवसापूर्वी वाळू चोरीचा प्रकार उजेडात आणला, घटना स्थळावरून याची माहिती तलाठी व संबंधिताना दिली. परंतु नेहमीप्रमाणे काल सुद्धा, मी बाहेर गावी आहे असे सांगून कार्यवाही करण्यास टाळाटाळ करून स्वार्थापोटी वाळू दादांना मोकाट सोडले आहे. त्यानंतर पुन्हा वृत्त प्रकाशित करू नका तुम्हाला काय पाहिजे सांगा असे म्हणत काही राजकीय नेत्याकडून प्रकरणावर पडदा टाकण्याचा अयशस्वी प्रयत्न चालविला आहे. 

वाळूच्या बेसुमार उपश्यामुळे नागरिक व प्रशासनाला रेती चोरीमुळे दुहेरी फटका बसत आहे. पाणी पातळी खालावल्याने नागरिकांना पाण्यासाठी तरसावे लागत आहे. तर प्रशासनाचा लाखो रुपयाचा महसूल बुडवण्यात वाळूदादा यशस्वी होत आहेत. या दुहेरी संकटातून मार्ग काढण्यासाठी प्रशासन मात्र कोणतीही ठोस उपाययोजना करत नसल्याने महसूल विभागाचे कर्मचारी असलेले पोलिस पाटील, तलाठी आणि मंडळ अधिकारी झोप काढतात काय..? असा संतप्त सवाल पर्यावरण प्रेमी नागरिक करीत आहेत. 

महसुलचे वरिष्ठही मुग गिळून गप्प 

अनेक वर्तमान पत्रातून रेती तस्करीच्या बातम्या प्रकाशित करून पत्रकारांनी महसूल प्रशासनास कुंभकर्णी झोपेतून जागे करण्याचा प्रयत्न केला. परंतु गेंड्याची कातडी पांघरलेल्या महसूल प्रशासनावर याचा काही एक परिणाम झाला नसल्याचे आजपावेतो दिसून येत नाही. मागील काही दिवसापूर्वी हदगाव चे उपविभागीय अधिकारी दीपक घाडगे यांनी प्रत्यक्ष चौकशी करण्याचे आश्वासन दिले होते. परंतु यास महिना उलटला तरीही ते चौकशी तर सोडाच रेती तस्करीच्या ठिकाणची पाहणी सुद्धा केली नसल्याने रेती तस्कर व महसूल विभगाचे साठेलोटे असल्याची शंका निर्माण होण्यास वाव मिळत आहे. 

टेंभूर्णी शोषखड्ड्याचा प्रयोग

टेंभूर्णी शोषखड्ड्याचा प्रयोग तेलंगाना राज्यात राबविण्याचा प्रामाणिक प्रयत्न करू - पी.रामाराव


नांदेड(अनिल मादसवार)आपले गाव टेंभूर्णी बघून मनाला समाधान वाटले, येथील शोषखड्ड्याचा प्रयोग संपूर्ण तेलंगाना राज्यात सुद्धा राबविण्याचा प्रामाणिक प्रयत्न करू असे प्रतिपादन तेलंगाना राज्याचे उपयुक्त पी.रामाराव यांनी व्यक्त केले. ते दि.०३ मे रोजी हिमायतनगर तालुक्यातील निर्मल ग्राम पुरस्कार प्राप्त मौजे टेंभूर्णी येथील शोष खड्ड्याच्या माध्यमातून राबविण्यात आलेल्या गटार मुक्तीचा पैटर्नची पाहणी करण्यासाठी आले असता बोलत होते. यावेळी त्यांच्या सोबत राज्यातील नऊ जिल्ह्याचे अधिकारी, कर्मचारी, सरपंच, तसेच नांदेड जिल्ह्याचे मुख्य कार्यकारी अधिकारी अभिमन्यू काळे, जनसंपर्क अधिकारी मिलिंद व्यवहारे, गटविकास अधिकारी विलास गंगावणे यांची उपस्थिती होती. 

गेल्या दहा दिवपुर्वी दिल्ही येथे झालेल्या स्वच्छ भारत मिशनच्या बैठकीत श्री काळे यांनी टेंभूर्णी येथील शोष खड्ड्याचा प्रयोग मानवी आरोग्याच्या हितासाठी कसा उपयुक्त आहे. हे पटवून सांगितले होते, याची दाखल घेत तेलंगाना राज्यातील निझामाबाद, आदिलाबाद, वारंगल, करीमनगर, खम्मम, नालगोंडा, रंगरेड्डी, मेहबूब नगर, मेडक या नऊ राज्यातील जवळपास ३० महिला -पुरुषांची टीम रविवारी गटार मुक्तीचा पैटर्न पाहण्यासाठी दाखल झाली होती. गावात पाहणी करताना शोष खड्डे, त्याची बनावट, कुर्हाड बंदी, तंटामुक्ती, हागणदारी मुक्ती, यासह गावात राबविण्यात आलेल्या विविध प्रयोगाची विस्तृत माहिती अभियंता तथा गावचे उपसरपंच प्रल्हाद पाटील टेंभूर्णीकर यांच्या कडून जाणून घेतली. मिळालेली माहिती आणि प्रत्यक्ष राबविण्यात आलेली कामाची स्थिती व गावातील स्वच्छता पाहून तेलंगाना राज्याची टीम भारावून गेली. 

पाहणीनंतर चर्चासत्रात गावकर्यांच्या वतीने शाल - पुष्पहाराने स्वागत करण्यात आले. त्यानंतर प्रल्हाद पाटील यांनी प्रास्ताविकात गावात राबविण्यात आलेल्या योजना कोणत्या परिस्थिती कोणाचेही सहकार्य नसताना कश्या राबविल्या याची सविस्तर माहिती दिली. तसेच दिल्ली येथे स्लाईड शोच्या माध्यमातून टेंभू र्णी गाव दिल्लीपर्यंत पोन्चविणारे मुख्य कार्यकारी अधिकारी अभिमन्यु काळे यांचा गावकर्यांच्या वतीने सत्कार करण्यात आला. या सत्काराला उत्तर देताना ते म्हणाले कि, मी १० दिवपुर्वी दिल्लीला गेलो तेथे टेंभू र्णी शोष खड्ड्याच्या प्रयोगाची माहिती चालचीत्रातून व प्रत्यक्ष कमी खर्चात गावकर्यांच्या आरोग्यासाठी फायदा कसा होतो हे पटवून दिले. आपल्या गावचा हा पैटर्न इतर राज्य तर राबवतीलच मात्र जिल्ह्यातील अनेक गावात या पद्धतीचे कामे सुरु करण्यात आली आहेत. या प्रयोगातून गावातील रोग रे हद्दपार होऊन साथीचे आजारापासून मुक्ती मिळेल. तसेच पाणी पटली वाढून आगामी काळातील संकटावर मात करण्यात मदत मिळणार असल्याचे सांगितले. 

मागील अनेक वर्षापासून टेंभूर्णी गावातील सामाजिक कार्याची माहिती नांदेड न्युज लाईव्हच्या माध्यमातून जगभरात पसरविल्या बद्दल नांदेड न्युज लाइव्हचे अभिनंदन केले. यावेळी सुरेश बाबू, श्रीमती पदमाराणी, कृष्णमुर्ती, कुमार स्वामी, श्री राविन्द्रा, सुरेश मोहन, श्री हनुका, श्री नारायणराव, श्रीनिवास, शेखर चंद्रमहूला, सुनिन्दा, एम.मंगा सरपंच, व्यंकटेश सरपंच, मनीष पटेल, के.एल्लरेडी, आदीसह हिमायतनगर तालुक्यातील मान्यवर, ग्रामसेवक, पत्रकार उपस्थित होते.