दुर्गामंडळ व शेतकरी त्रस्त



हिमायतनगर(वार्ताहर)सध्या सन उत्सवाची धामधूम सर्वत्र चालू असताना विजेच्या लपंडावामुळे दुर्गामंडळ व शेतकरी कमालीचा त्रस्त झाला आहे. एकीकडे वीज बिलासाठी ताकद लावणारी महावितरण कंपनी मात्र सुरळीत वीजपुरवठा देण्यात अपयशी ठरत असल्याचे यावरून दिसत आहे.

नवरात्रोत्सवात देवीच्या भक्तांना विजेच्या लपंडावामुळे आयोजित कार्यक्रमात व्यत्यय निर्माण होत असून, लाईटच्या क्षणाचा भरवसा नाही कधी येईल आणि कधी जाईल त्यासाठी अगोदरच जनरेटरची व्यवस्था लावा असे उद्गार अनेक दुर्गा मंडळाच्या पदाधिकार्यांच्या तोंडून निघत आहेत. हिमायतनगर शहर व ग्रामीण परिसरात ४० हून अधिक ठिकाणी दुर्गा मातेची प्रतिष्ठापना करून भक्त मंडळीद्वारे विविध सामाजीक, सांस्कृतिक व धार्मिक कार्यक्रमाची रेलचेल सुरु आहे. परंतु उत्सवाच्या या रंगात महावितरण कंपनीच्या अधिकारी व कर्मचार्यांच्या नाकर्तेपणामुळे भक्तांना अडचणीचा सामना करावा लागत आहे. तसेच अनेक दिवसापासून पावसाने उघडीप दिल्याने नुकसानीत येणाऱ्या पिकांना विहीर- बोअरचे पाणी देताना शेतकऱ्यांच्या नाके नऊ येत आहेत. कारण महावितरण कंपनीची अघोषित भारनियमन केले जात असल्यामुळे वीजपंप बंद होत असल्याने शेतकऱ्यांची पिके धोक्यात आली आहेत. अनेक वेळा महावितरण कंपनीच्या संबंधित कनिष्ठ अभियंता व लाईनमन यांना सूचना देवूनही काहीच उपयोग होत नसल्याने शेतकरी व दुर्गा मंडळाच्या युवकांनी संताप व्यक्त केला आहे. तर काही मंडळाच्या युवकांनी महावितरण कंपनीचे कार्यालय गाठून उत्सवात वीज पुरवठा सुरळीत पुरवठा करावा अशी मागणी केली. तरी देखील विद्दुत पुरवठा खंडित होण्याचा प्रकार सुरु असल्याने महावितरण कंपनीच्या विरोधात शेतकरी व दुर्गा मंडळाचे पदाधिकारी यल्गार पुकारण्याच्या तयारीत आहेत. 

लाल्याचा प्रादुर्भाव

कापसावर लाल्याचा प्रादुर्भाव.. 
बळीराजाच्या संकटात भर 



हिमायतनगर(अनिल मादसवार)अगोदार पावसाची हुलकावणी.. आणि आता रोगांची लागण.. यामुळे तळ हातावरील फोड प्रमाणे जपलेल्या कापसावर लाल्यारोगाचा प्रादुर्भाव झाल्याने बालीराज्याच्या संकटात आणखीनच भर पडली आहे.

जून संपला तरी पुरेसा पाऊस झाला नसल्याने अवेळी पेरणी झाली. त्यातही बहुतांश शेतकर्यांना दुबार व तिबार पेरणी करावी लागली. ऑगस्ट महिन्यात झालेल्या काही प्रमाणातील पावसाने चिबड जमिनीतील पिके उगवली. त्याची वाढ करण्यासाठी शेतकर्यांना खाते, फवारणी यासह तनकट काढण्यावर भर देत घाम गाळावा लागला. मात्र वाढू लागलेली पिके निस्तेज,कमजोर आणि बहुरोगि झाली. त्यावर मावा, खोकड, कीड रोगाचे आक्रमण झाले. भविष्यात घटणाऱ्या उत्पन्नाच्या चिंतेने नशिबी आलेल्या परिस्थितीला तोंड देण्याची सवय झालेला शेतकरी पेरलेल्या कापसास जपू लागला. तरीसुद्धा वातावरणात होणार्या बदलाने कसाबसा वाढवलेल्या कापसावर लाल्या रोगाचा प्रादुर्भाव वाढल्याने पिके करपू लागली आहेत. त्यामुळे उत्पन्नात मोठ्या प्रमणात घट होणार असून, लागवडीसाठी लावलले खर्च सुद्धा निघेल कि नाही या धास्तीने आदीच गंगावलेल्या शेतकऱ्यांच्या डोळ्यापुढे अंधारी येऊ लागली. 

आता नगदी समजले जाणारे कापसाचे पिक सुद्धा हाताचे जाणार कि काय..? या भीतीने शेतकरी विवंचनेत सापडला आहे. कृषी विभागाच्या वतीने योग्य ते मार्गदर्शन करण्याची गजर निर्माण झाली आहे. मात्र स्थानिकाच्या तालुका कृषी अधिकारी कार्यालयामार्फत कोणतीही ठोस उपाययोजना तथा मार्गदर्शन शेतकर्यांना केले जात नसल्याने वरिष्ठ स्तरावरून केले जाणारे आवाहन  कागदोपत्रीच होत असल्याचा आरोप शेतकरी वर्गातून केला जात आहे. मोफत औषध उपलब्ध करून देण्याची मागणी शेतकरी वर्गातून केली जात आहे. तर एकीकडे सरकार निवडणुकीच्या धामधुमीत व्यस्त असताना आपला कैवारी कोण..? अश्या निराष्याजनक भावना शेतकरी व्यक्त करीत आहेत. 

आजवरच्या काळात शेतकऱ्यांच्या हाती मुग, उडीद, तीळ आदी पिके येउन सन - उत्सव आनंदाने साजरे केले जात होते. मात्र यावर्षी परिस्थिती अगदी उलट झाली असून, हातात दमडी नसल्याने शेतकर्यांना उधारीवर राशन पाणी आणून सन साजरे करावे लागले आहे. आता मात्र सर्वात मोठा सन दसरा - दिवाळी समीप एवुन ठेपली असताना कापसाच एक बोंड सुद्धा घरी आला नाही त्यामुळे कशी साजरी करावी या विचाराने बळीराजासह मजूरवर्ग आर्थिक कोंडीत सापडला आहे. आता तरी शासनाने नुकसानग्रस्त शेतकऱ्यांच्या व्यथा समजून घेऊन मदतीचा हातभार लावावा अशी रास्त अपेक्षा बोलून दाखवीत आहे.

आरक्षण - के.शंकर



हिमायतनगर(अनिल मादसवार)अनेक दिवसपासून प्रलंबित असलेली रेल्वे आरक्षणाची मागणी आज अखेर पूर्ण झाली असून, हिमायतनगर रेल्वे स्थानकावर प्रवाश्यांना आता आरक्षण करता येणार आहे. तसेच बुकिंग क्लार्कची सुद्धा नेमणूक करण्यात आली असून, आगामी नोव्हेंबर पासून कर्तव्यावर हजार होणार आहे. दि.२६ रोजी मुख्य व्यवसाय निरीक्षक के. शंकर यांनी हिमायतनगर भेटीत सुरुवात करून पत्रकारांना हि माहिती दिली. 

हिमायतनगर रेल्वे स्थानक हे विदर्भ - मराठवाडा आणि तेलंगणाच्या सीमेवर वसलेले आहे. या ठिकाणाहून दूर -दूरवर जाणारे व्यापारी व भाविक - भक्त प्रवाश्यांची नेहमीच वर्दळ असते. एवढे असताना देखील या ठिकाणी मुंबई, तिरुपती, मद्रास, नागपूर, पाटणा, पुणे, सुरत, हैद्राबाद, यासह अनेक पर्यटन व धार्मिक स्थळाला जाणार्या नागरिकांना रेल्वे आरक्षण मिळविण्यासाठी नांदेड, भोकर, किनवट, आदी ठिकाणी जावे लागत होते. त्यामुळे येथील रेल्वे स्थानकावर प्रवाश्यांना आरक्षण मिळावे अशी अनेक दिवस पासून प्रवाश्यांनी मागणी केली होती. हिमायतनगर शहर हे चांगली बाजारपेठ असून, येथील परमेश्वर देवस्थान तीर्थ क्षेत्र असल्याने सर्वदूर ख्याती पसरल्याने अनेक भक्तगण दर्शनसाठी रेल्वे सुविधा असल्याने या ठिकाणी मोठ्या प्रमाणात ये - जा करतात. परंतु आरक्षणाअभावी प्रवाश्यांना अनेक अडचणीचा सामना करावा लागत होता. किंवा सुविधा केंद्रावरून आरक्षण मिळविण्यासाठी अधिकचा भुर्दंड सोसावा लागत होता. हि बाब व प्रवाश्यांची अनेक दिवसाची मागणी लक्षात घेता रेल्वे विभागाने आता हिमायतनगर स्थानकावरून रेल्वे आरक्षण सुविधा सुरु केली आहे. यामुळे प्रवाश्यांची आर्थिक अडचण थांबणार असल्याने प्रवाशी वर्गातून आनंद व्यक्त होत आहे. 


अजूनही अनेक सुविधांचा अभाव 
-------------------------------- 
गत अनेक वर्षापासून हिमायतनगर रेल्वे स्थानकावर मुलभूत सुविधांचा अभाव आहे. त्यामुळे महिला - पुरुष वर्गाना अनेक अडचणीचा सामना करावा लागत आहे. प्रवाश्यांसाठी शौच्चालय व मुतारीची व्यवस्था नसल्याने प्लाटफॉर्मवर लघुशंकेसाठी आडोसा शोधावा लागतो. तर प्रतीक्षा ग्रह हे बारमाही कुलुपबंद अवस्थेत असल्याने प्रवाश्यांना बाकड्यावर व स्थानकातील ओट्यावर आराम करावा लागतो आहे. समान व पार्सलची सोय उपलब्ध नसल्याने सामानाची वाहतूक करण्यासठी जोखीम पत्करावी लागत आहे. प्लॉट फॉर्म वर ये - जा करण्यासाठी पादचारी (उड्डाण) पूल नसल्याने अनेक प्रवाश्यांना रेल्वेपट्टी पार करताना आपला जीव गमवावा लागला आहे. गत अनेक दिवसापासून रेल्वे स्थानावाकावरील बहुसंख्य प्रकाश दिवे बंद असल्याने रात्रीला प्रवास करणाऱ्या प्रवाश्यांना चोरटे, लुटारूंचा सामना करावा लागत आहे. यामुळे प्रवाश्यातून रेल्वे प्रशासनाच्या दुर्लक्षित कारभारावर नाराजी व्यक्त केल्या जात आहे. या बाबीकडे रेल्वे अधिकार्यांनी लक्ष द्यावे अशी रास्त अपेक्षा व्यक्त केली जात आहे.

उमेदवारी दाखल

हदगाव(शिवाजी देशमुख) हदगाव -हिमायतनगर विधानसभा मतदार संघात शुक्रवार दि.२६ रोजी शिवसेनेचे अधिकृत उमेदवार नागेश पाटील आष्टीकर यांनी २५ हजार समर्थक शिवसैनिक व संपर्क प्रमुख बबनराव थोरात यांच्या प्रमुख उपस्थिीतीत मोठ्या जल्लोषपुर्ण व उत्साही वातावरणात उमेदवारी अर्ज दाखल केला. त्याच बरोबर इतर पक्षाच्या उमेदवारांनीही आपआपले उमेदवारी अर्ज दाखल केले. हदगाव शहरात कधी नाही एवढी अभुतपुर्व शिवसैनिकांची अलोट गर्दी पाहून विरोधकांच्या पायाखालची वाळू घसरल्याची चर्चा ऐकू येत होती.

श्री दत्त संस्थान दत्तबर्डी येथे पुजा करुन निघालेली २५ हजार शिवसैनिक व समर्थकांच्या रॅलीने साम्म्पूर्ण हदगाव शहर दुमदुमुन गेले होते. आजची ही गर्दी पाहुन विरोधकांच्या तोंडचे पाणी पळाल्याचे चित्र दिसुन येत होते. अर्ज दाखल केल्यानंतर झालेल्या सभेत संपर्क प्रमुख बबनराव थोरात यांनी आगामी विधानसभेत नागेश पाटीलच आमदार म्हणुन गेले पाहीजेत असे आवाहन केले नागेश पाटील आष्टीकर यांनी आपल्या छोटेखानी भाषणातुन आजची ही शिवसैनिकांची झालेली अलोट गर्दी पाहुन आपण भारावुन गेलेा असल्याचे नमुद करतांनाच येणार्‍या निवडणुकीत धनुष्यबाणासमोरील बटन दाबुन हदगाव /हिमायतनगर मतदारसंघातील सर्वसामान्य जनतेची सेवा करण्याची संधी द्यावी असे भावनिक आवाहन केले.

यावेळी व्यासपीठावर माजी जी.प.सदस्य बाबुराव कदम कोहळीकर, शिवाजी देशमुख, माजी तालुका प्रमुख पाडुंरग कोल्हे, श्यामराव चव्हाण, पंचायत समितीचे सभापती बालासाहेब कदम, माजी सभापती दिलीपराव देबगुंडे, विवेक देशमुख, संभाराव लांडगे, हदगाव तालुक्यातील सर्व जिल्हा परिषद सदस्य पंचायत समिती सदस्य, महिला आघाडीच्या प्रमुख लता फाळके, हिमायतनगरचे तालुका प्रमुख डॉ.प्रकाश वानखेडे, रामभाऊ ठाकरे, यांच्याश सर्व पदाधिकारी व असंख्य महिला व शिवसैनिकांची उपस्थिती होती.

कोल्हापूरची महालक्ष्मी

हिमायतनगरात अवतरली कोल्हापूरची महालक्ष्मी



हिमायतनगर(अनिल मादसवार)शहरातील गणेश चौकात स्थापन करण्यात आलेल्या विश्वकर्मा दुर्गा मंडळाच्या कार्यकर्त्यांनी विविध कार्यक्रमाचे आयोजन केले असून, दि.२६ शुक्रवार पासून मंडळाच्या पेंडलमध्ये शेकडो महिला मुलीनी दुर्गा सहस्रनाम जपात सहभाग घेतल्याने परिसरात मंगलमय वातावरण निर्माण झाले आहे. यंदा युवकांनी कोल्हापूरच्या महालक्ष्मीच्या रूपातील मूर्ती स्थापन केल्यानी महिला भक्तांची वर्दळ वाढली आहे. 

प्रती वर्षाप्रमाणे याही वर्षी येथील विश्वकर्मा दुर्गा मंडळाच्या युवकांनी दुर्गा मातेच्या मूर्तीची स्थापना दि.२५ च्या रात्री पुरोहीत्याच्या मंत्रोच्चार वाणीत केली आहे. या वर्षी उत्सव आगळ्या वेगळ्या कार्यक्रमाने साजरा केला जानार असून, त्यासाठी युवकांनी कोल्हापूरच्या मातेची हुबेहूब मूर्ती स्थापित करून भक्तांना आकर्षित करण्यासाठी परीश्रम घेत आहेत. आगामी दहा दिवसाच्या उत्सवादरम्यान विविध कार्यक्रम घेतले जानार आहेत. दि.२६ शुक्रवार ते दि.०४ शुक्रवार पर्यंत दुर्गा सहस्त्रनाम जप सकाळी ०९ वाजेदरम्यान सुरु आहे. दि.२६ रोजी दुपारी ०३ वाजता महिला मुलींसाठी भव्य रांगोळी स्पर्धा. दि.२७ शनिवारी शालेय विद्यार्थी - विद्यार्थिनींसाठी सामान्य ज्ञान स्पर्धा सायंकाळी दुपारी ०३ वाजता, संगीत खुर्ची स्पर्धा सायंकाळी ०९ वाजता, दि.२८ रविवारी रात्री ८.३० वाजता फ़ैन्सि ड्रेस स्पर्धा तथा फैशन - शो, दि.२९ सोमवारी रात्री ८.३० वाजता हास्य खळखाळट विंडो वीर हास्य सम्राट श्री सिद्धार्थ खिल्लारे यांचा कार्यक्रम, 

दि.३० मंगळवारी सायंकाळी ७ वाजता वाद विवाद स्पर्धा - लोकशाहीत मतदान करावे कि नाही या विषयावर वयोगट ११ वि ते पदवीधर विद्यार्थी - विद्यार्थिनीसाठी, दि.०१ बुधवारी सायंकाळी ८.३० वाजता डान्स कॉम्पिटेशन (संक्स्कृतिक) कार्यक्रमाचे आयोजन करण्यात आले आहे. दि.०२ गुरुवारी सकाळी ६ वाजता दुर्गाष्टमी महायज्ञ व भव्य महाप्रसादाचे वितरण केले जाणार आहे. दि.०३ शुक्रवारी रात्री ८.०० वाजता परमेश्वर मंदिर मैदानात ४५ ते ५० फुटी भव्यदिव्य रावणाचे दहन बजरंग दल शाखेच्या वतीने करण्यात येणार आहे. दहा दिवसाच्या उत्सवाच्या पर्वकाळात दुर्गा मातेच्या मूर्तीची महाआरती दररोज सायंकाळी ०८ वाजता विविध मान्यवरांच्या उपस्थितीत संपन्न होणार आहे. 

तसेच दि.०४ रोजी दुर्गा मातेची भव्य मिरवणूक शहरातील मुख्य मार्गावरून काढण्यात येउन मूर्ती विसर्जनाने उत्सवाचा समारोप केला जाईल. त्यानंतर या ठिकाणी पार पडलेल्या विविध कार्यक्रमातील विजेत्यांना मातेच्या मूर्तीची प्रतिमा व बक्षीस देऊन गौरविण्यात येणार आहे. अशी माहिती पंकज बंडेवार, गजानन मांगुळकर, गजानन चायल, गोपी डोईफोडे, अंकुश चर्लेवार, नितीन भूसावले, यांनी दिली आहे. 

घटस्थापना



हिमायतनगर(अनिल मादसवार)नवरात्रोत्सवानिमित्त गत १५ दिवसापासून कालीन्का मंदिरात उत्सवाची करण्यात आलेली जय्यत तयारी आज संपुष्ठात आली असून अश्विन शुद्ध प्रतिपदा शके १९३६ दि.२५ दुपारी १२ वाजता उदो.. उदो.. चा जयजयकार करत..भंडारा उधळीत पुरोहिताच्या मंत्रोच्चार वाणीत मंदिर समितीचे अध्यक्ष व सचिवाच्या हस्ते अभिषेक महापुजेने घटस्थापना करण्यात आली. तर याचा मंदिरात दुर्गा मातेच्या मुर्तीची प्राणप्रतिष्ठापना सुद्धा करण्यात आली आहे. यावेळी हजारोच्या संखेने महिला- पुरुष भक्तांची उपस्थिती लावली होती.

हिमायतनगर शहराच्या वैभवात भर पडणार्या माता कालीन्का मातेची महिमा अपरंपार आहे. नवसाला पावणारी कालीन्का अशी ख्याती सर्वदूर पसरली आहे. मातेची मूर्ती हि वाकाटक, चालुक्याच्या काळातील आहे. दैत्य राक्षसांनी देवतांसोबत मानवी जातींचा सुरु केलेला छळ थांबविण्यासाठी माता कालिंकेने महिषासुर मर्दिनीचे रूप धारण करून दृष्ठ राक्षसांचा संहार करून अपवित्र झालेले वातावरण पवित्र केले होते. त्याच अवतारातील कालिंका मातेची मूर्ती हिमायतनगर शहरात उभी असून, गत शेकडो वर्षापासून तमाम भक्तांना आशीर्वाद देत आहे. प्रती वर्षाप्रमाणे याही वर्षी मंदिरात नवरात्रोत्सव उत्साहात साजरा केला जात असून, गुरुवारी सकाळी मंदिराचे अध्यक्ष राजू रामदिनवार व सचिव रामकृष्ण मादसवार यांच्या हस्ते सपत्निक महाभिषेक व आरती करण्यात आली. यावेळी मंदिराचे अर्चक दत्ता महाराज भारती यांच्या उपस्थितीत पुरोहित साईनाथ बडवे यांच्या मधुर वाणीत मंत्रोचाराने विधिवत घटस्थापना करण्यात आली. दुपारी २ वाजता श्री प.पु. बालयोगी स्वामी गजेंद्र चैतण्यजी महाराज मधापुरी, जी.अकोला यांच्या मधुर वाणीतून संगीतमय देवी भागवत प्रवचनाला दुरुवात झाली आहे. भागवताचा कार्यक्रम सात दिवस दररोज दुपारी २ ते ६ दरम्यान चालणार आहे. यासह मंदिराच्या वतीने विविध धार्मिक, सांस्कृतिक, स्पर्धात्मक कार्यक्रम आयोजित करण्यात आले आहेत.

चोर चोर मौसेरे भाई



हिमायतनगर(अनिल मादसवार)तालुक्यातील मौजे सरसम येथील शालेय पोषण आहाराच्या अपहार प्रकरणातील दोषी मुख्याद्यापक यांना पाठीशी घालण्याचा प्रकार हिमायतनगर पंचायत समितीच्या शिक्षण विभागातील विस्तार अधिकारी व गटशिक्षण अधिकारी यांच्याकडून होत असल्याने शिक्षण विभागाची संशयास्पद भूमिका पाहता चोर चोर मौसेरे भाई असल्याचे दिसून येत आहे.

याबाबत सविस्तर असे कि, सरसम जी.प.शाळेतील मुख्याध्यापक श्री देशमुख हे दि.१३ ऑगस्ट २०१४ रोजी सायंकाळी ०७ वाजता शालेय पोषण आहाराचे चार पोते तांदूळ, दोन पोते तुरीची दाळ, दोन पोते मटकी, व एक पोते वाटणा. असे ऑटोने घरी घेऊन गेल्याचे समजल्याने गावातील जागरूक नागरिकांनी याची तक्रार गटशिक्षण अधिकारी यांच्याकडे केली होती. त्यावरून चौकशी अधिकारी पवार यांनी चौकशी केली आणि अकलेचे तारे तोडल्याचे चौकशी अहवालावरून दिसून येते आहे. या प्रकरणी चौकशी अधिकारी पवार यांचा अहवाल सांगतो कि, मुख्याद्यापक देशमुख यांनी शालेय पोषण आहारच माल घरी नेला. हे सत्य असून, तो दुरुस्त करून शाळेत आणणार होतो असे मुख्याद्यापक सांगत असले तरी जागरूक नागरिकांनी विचारणा केली म्हणून बरे झाले. विचारले नसते तर शिक्षण विभागातील अधिकाऱ्यांशी संगनमत करून हा माल परस्पर लांबविण्याचा इरादा मुख्याद्यापक शिक्षण विस्तार अधिकारी व गटशिक्षण अधिकारी यांचा असल्याचे स्पष्ट दिसून येत आहे.

तक्रार झाली म्हणून चौकशीचा फार्स करण्याचा हा आटापिटा असल्याचे सदरच्या अहवालावरून समजून येत आहे. चौकशी अहवालात पवार म्हणतात शालेय पोषण आहाराचा माल मुख्याद्यापकाने घरी नेला व तो ग्रामस्थांच्या नजरेत पडल्यामुळे शाळेत परत आणून ठेवला. यावरून तो नजरेत पडला नसता तर काळ्या बाजारात गेला असता हे ते तत्वतः मान्य करतात. यावरून शालेय पोषण आह्राचा माल काळ्या बाजारात नेण्याच्या उद्देशाने तो मुख्याद्यापाकाने घरी नेला होता आणि त्यास गटशिक्षण अधिकारी आडणी विस्तार अधिकारी पवार यांचे सहकार्य असल्याने त्यांच्यावर योग्य ती कार्यवाही करण्यात यावी अशी मागणी जोर धरू लागली आहे. अन्यथा शिक्षण विभागाच्या संशयास्पद भूमिकेच्या विरुद्ध जावून उपोषण करणार असल्याचे गोविंद गोखले, वसंत गोडसेलवार यांनी प्रस्तुत प्रतिनिधीशी बोलताना सांगितले.

रुग्णांची हेळसांड



हिमायतनगर(अनिल मादसवार)शहरात नव्यानेच सुरु झालेल्या ग्रामीण रुग्णालयात अनेक सोई -सुविधांचा अभाव दिसून येत आहे. जबाबदार वैद्यकीय अधीक्षक व डॉक्टर रजेवर गेल्याने व औषध निर्मात्याच्या मनमानी कारभारामुळे रुग्णांची हेळसांड होत आहे. सध्या तरी केवळ एका वैद्यकीय अधिकारी श्री गायकवाड यांच्यावर ग्रामीण रुग्णालयाचा कारभार चालत आहे. 

रुगणालय सुरु झाल्याने शहरासह ग्रामीण भागातील रुग्णाच्या आशा पल्लवित झाल्या होत्या. परंतु सध्या तरी या ठिकाणी रुग्णांना शुद्ध पिण्याच्या पाणी, विद्दुत गुल झाल्यास जनरेटरची सुविधा नसल्याने रात्रीला अंधाराचा सामना करावा लागत आहे. या ठिकाणी रुग्णांसाठी असलेले महिला - पुरुषाचे शौच्चालय नेहमीच कुलुपबंद राहत आहे. तसेच उपचारार्थी रुग्णासाठी असलेल्या कॉटवरील सर्व सुविधा रुग्णांना मिळत नाहीत. 

गोर - गरीब रुग्णांना मोफत उपचार व औषधीची सोय शासनाने केलेली असताना बहुतांश औषधी सुद्धा बाहेरून आणावी लागत असल्याने ग्रामीण रुग्णालय असून, अडचण नसून खोळंबा असा प्रत्यय उपचारासाठी आलेल्या नागरिकांना येत आहे. एवढेच नव्हे तर वैद्यकीय अधीक्षक महाशय गरजुंकडून ५० ते १०० रुपये घेतल्याशिवाय वयाचे प्रमाणपत्र देत नसल्याचे अनेकांनी पत्रकारासमक्ष बोलून दाखविले आहे. या प्रकारात सुधारणा होऊन रुग्णांना योग्य त्या सुविधा न मिळाल्यास शहर व ग्रामीण भागातील नागरिक प्रशासनाच्या मनमानी कारभाराच्या विरोधात आंदोलन करण्याच्या तयारीत आहेत. 

परिणामी कोट्यावधी रुपये खर्च करून नव्याने बांधण्यात आलेली ग्रामीण रुग्नालायची टोलेजंग इमारत राजकीय नेते, अभियंते व गुत्तेदाराच्या फायद्यासाठी बांधण्यात आली कि काय..? असा प्रश्न उपस्थित केला जात आहे. या रुग्णालयात एकूण २६ मान्य पदे असून, त्यापैकी वैद्यकीय अधीक्षक -०१, वैद्यकीय अधिकारी - ३, अधिपरिचारिका - ७ पैकी १ रिक्त, परिचारिका - १ रिक्त, औषध निर्माता - १, प्रयोग शाळा तंत्रज्ञ -१, एक्सरे टेक्निशियन -१ रिक्त, वाहन चालक -१, सहाय्यक अधीक्षक -१, कनिष्ठ लिपिक -२, आदींसह शिपाई, चालक, सेवक व सफाई कामगार आदी पदांची या रुग्णालयात मान्यता आहे. काही पदे सोडली तर जवळपास सर्वच पदे भरलेली असून, परंतु जबाबदार अधिकारी म्हणून वैद्यकीय अधीक्षक गाडेकर यांची नियुक्ती केलेली आहे. परंतु ते महाशय सुद्धा अधावाद्यातून अनेक दिवस गैरहजर राहत असल्याने रुग्णांना आर्थिक झळ आणि अनंत अडचणीचा सामना करावा लागतो आहे. 

येथील तीन वैद्यकीय अधिकार्यापैकी दोन डॉक्टरांनी आपला कारभार जुन्या रुग्णालया प्रमाणेच सुरु ठेवला असून, वेळेवर उपस्थित राहत नसल्यामुळे गरजू रुग्णांना सेवा देण्यास टाळाटाळ करीत असल्याचा आरोप या ठिकाणी उपस्थित रुग्णांच्या नातेवाईकांनी केला आहे. एवढेच नव्हे या दोन डॉक्टरांनी गत आठ ते दहा दिवसापासून अनधिकृत रित्या सुट्टी घेतली असल्याचे विश्वसनीय वृत्त असून, त्यामुळे डॉ. डी.डी.गायकवाड यांच्यावर रुग्णालयाचा सर्व भार पडला आहे. 

वैद्यकीय अधीक्षकांचा खोटारडेपणा 

रुग्णांच्या तक्रारीवरून आज सकाळी ११.१० वाजता पत्रकारांनी हिमायतनगर ग्रामीण रुग्णालयास भेट दिली असता वैद्यकीय अधीक्षक श्री गाडेकर हे अनुपस्थित असल्याचे त्यांच्या कुलुपबंद काक्षावरून दिसून आले. याबाबत त्यांच्याशी दूरध्वनीवरून संपर्क साधला असता मी दवाखान्यातच आहे, रुग्ण काहीही सांगतात. माझ्यावरील कामाचा ताण तुम्हाला काय..? माहित अशी उर्मट पणाची उत्तरे देवून फोन बंद केला. यावरून अधीक्षक गाडेकर हे किती कर्तव्य दक्ष आहेत याचा प्रत्यय आला आहे. 

औषध निर्मात्याच्या मनमानी कारभारामुळे रुग्णांची हेळसांड 

येथील ग्रामीण रुग्णालयात कार्यरत औषध निर्माता डी.एस.सुकारे यांनी मनमानी कारभार सुरूच ठेवला असून, औषधी उपलब्ध असताना देखील रुग्णांना न देणे, दिले तर माहिती न सांगणे असा प्रकार सुरु केला आहे. एवढेच नव्हे तर रुग्णासाठी आलेल्या सतरंजी, चादर हे पैकिंग अवस्थेत त्यांच्या दालनात कुलूप बंद ठेवले आहे. परिणामी रुग्णांना घरच्या चादरांचाच आसरा घ्यावा लागत आहे.

मतदारात जागरूक व्हावे

ग्रामीण जनतेत मतदानाविषयी जागरुकता निर्माण व्हावी..दिलीप स्वामी 


हिमायतनगर(अनिल मादसवार)जगात आपल्या देशाची लोकशाही बळकट असून, ती आणखीन बळकट करण्यासाठी प्रत्येक मतदारांनी मतदानाचा हक्क बजवावा. विशेषता ग्रामीण भागातील प्रत्येक मतदार जागरूक व्हावे असे मत स्वीप अभियानाचे समन्वयक तथा अप्पर जिल्हाधिकारी दिलीप स्वामी यांनी व्यक्त केले. ते   हिमायतनगर येथील तहसील कार्यालयात अधिकारी, कर्मचारी व पत्रकारांच्या दि.२३ रोजी आयोजित चर्चासत्र बैठकीप्रसंगी बोलत होते. यावेळी तहसीलदार शरद झाडके, नायब तहसीलदार गायकवाड उपस्थित होते. 

किनवट येथील दौर्यावरून परत जाताना हिमायतनगर येथील तहसील कार्यालयात विधानसभा मतदार संघात मतदान जनजागृती या अभियानाच्या अंमलबजावणीत सुसूत्रता रहावी यासाठी तालुका स्तरावरील अधिकारी - कर्मचार्यांना सूचना व मार्गदर्शन करण्यासाठी ते आले होते. यावेळी पुढे बोलताना ते म्हणाले कि, लोकांनी मतदानाकडे पाठ फिरविल्यामुळे लोकशाही धोक्यात येऊ शकते. सन २००९ मध्ये झालेल्या निवडणुकीत फक्त ५० टक्के मतदान झाले होते. त्यामुळे मात्दारामध्ये जनजागृती निम्रमण करून टक्केवारी वादह्विण्यास्तही प्रयत्न झाले. लोकसभा निवडणुकीत ७० टक्के मतदान होणे आपेक्षित होते. मात्र 10 टक्के वाढ होऊन ६०  टक्के मतदान झाले होते. आगामी २०१४ च्या विधानसभा निवडणुकीत असे होऊ नये म्हणून जिल्हाभरात मतदान जनजागृती चळवळ गतिमान करण्यात आली असून, तालुका व ग्रामीण भागात जनजागरण करण्यासठी तीन समित्या स्थापन करण्यात आल्या आहेत. यात तलाठी, ग्रामसेवक, विविध प्रशासकीय कर्मचारी सामान्य जनतेपर्यंत जावून मतदानाबाबत माहिती देऊन मतदानाचा हक्क बजावण्याबाबत प्रेरित करणार आहेत. आगामी काळात दि. २९ सप्टेंबर ते १४ आँक्टोंबर २०१४ या कालावधीत विविध उपक्रम राबविले जाणार असून, यात सायकर रॅली, जनजागरण कार्यक्रम, मतदार जागृती ज्योत, पदयात्रा, मतदानाची शपथ, प्रभातफेरी, महिला बचत गट मेळावे, रांगोळी स्पर्धा, शाळा-महाविद्यालयांत मतदार जागृती दिवस, वादविवाद स्पर्धा, व्याख्याने, ज्येष्ठ नागरिकांसाठी मतोत्सव, हस्ताक्षर स्पर्धा, मॅरेथाँन, मेंहदी, संकल्पपत्रे वाटप व मतदान यंत्र आदी   प्रात्यक्षिकांचा समावेश आहे.

वोट फॉर रण अभियान राबविले जाणार 
------------------------------------------
पूर्वीच्या काळी रस्ते तथा दळण -वळणाची साधने नव्हती, मात्र ८० ते ९० टक्के मतदान होत होते. आजच्या काळात सर्व साधने उपलब्ध झाली. प्रत्येक घरात टी.व्ही. आली, लोक सुशिक्षित झाले, मात्र मतदानाची टक्केवारी घसरली आहे. हि दुर्दैवाची बाब आहे. बहुतांशी ठिकाणचे नागरिक मतदानाच्या दिवशी पर्यटनाची सहल काढतात मात्र मतदान करीत नाहीत. अश्या पद्धतीने दाखविली जाणारी अनास्था हि लोकशाहीसाठी घटका असून, जनतेत जनजागृती व्हावी यासाठी तालुकास्तरावर वोट फॉर रण...हि मोहीम राबविण्यात येणार आहे. या सायकल रेलीत कोलेजचे विद्यार्थी सहभाग घेऊन मोहीम राबवीत मतदारांना आकर्षित करतील.     

ब्रम्होत्सावाची तयारी

व्यंकटेश बालाजी मंदिरात ब्रम्होत्सावाची तयारी पूर्ण 

हिमायतनगर(अनिल मादसवार)पुरातन कालीन भगवान श्री व्यंकटेश बालाजी मंदिरात ब्राम्होत्सावाची तयारी जवळपास पूर्ण झाली असून, आगामी दहा दिवसाच्या पर्वकाळात विविध धार्मिक व सांस्कृतिक कार्यक्रमाचे आयोजन करण्यात आले आहे. हा उत्सव महिलांसह बालगोपालांच्या सहभागाने साजरा होणार असून, याची सुरुवात अश्विन शुद्ध प्रतिपदा दि.२५ गुरुवारी प्रातकाली ४ वाजता अभिषेकानंतर घटस्थापना केली जाणार आहे. अशी माहिती अर्चक कांतागुरु वाळके यांनी नांदेड नेउज लाइव्हशि बोलताना दिली. 

शहरातील पश्चिम बाजूस शेकडो वर्षापूर्वीचे यादव कालीन भगवान व्यंकटेश बालाजीचे मंदिर आहे. नंतरच्या काळात मंदिराची दुरुस्ती झाल्यामुळे सदर मनिर पुरता वाटत नसले तरी मंदिरातील मुर्त्या व बांधकामाच्या दगडावरून ते दिसून येते. बालाजीचे मंदिर हे पूर्वाभिमुख असून, पूर्व - पश्चिम ३३ फुट ४ इंच लांबी, तर दक्षिण - उत्तर रुंदी २७ फुट ६ इंच आहे. मंदिराचे बांधकाम ४ फुट उंचीच्या जोत्यावर करण्यात आलेले असून, मंदिराच्या उभारणीत मोठ मोठ्या दगडांच्या शीला लावलेल्या आहेत. मंदिराचे सभामंडप ७ बाय १४ फुटाचे असून, गर्भग्रह भोवती प्रदक्षिणा घालण्यासाठी अंतरालासाठी दोन्ही बाजूने एक एक प्रवेश द्वार ठेवण्यात आले आहे. मंदिराचे शिखर अर्धगोलाकार असून, त्यावर लहान शिखर आहे. मंदिराचे प्रवेशद्वारावर गणपतीची मूर्ती कोरण्यात आलेली असून, परंपरेनुसार मंदिराची देखभाल वाळके गुरु करतात. त्यांच्या नेतृत्वाखाली दर वर्षी दसरा महोत्सव काळात दहा दिवस विविध कार्यक्रम साजरे केले जातात. 

प्रती वर्षाप्रमाणे याही वर्षी दि.२५ गुरुवारी आलेल्या अश्विन शुद्ध प्रतिपदेला सकाळी ४ वाजता मंत्रोचार वाणीत अभिषेक महापूजा, आरती केली जाणार आहे. शेकडो वर्षापासून या मंदिरात भगवान व्यंकटेश बालाजी, विष्णू, ब्रम्हदेव, महिषासुर मर्दिनी, स्कंद कार्तिके, श्रीगणेश यासह अन्य देवी - देवतांच्या काळ्या पाषाणातील मोहक मुर्त्या स्थापित आहेत. विजयादशमी रोजी बालाजी मंदिरात येथील मानकरी सुभाष पाटील यांच्या हस्ते ध्वजारोहण करण्यात येते. त्यानंतर संध्याकाळी शहरातून निघालेली विजया दशमीच्या मिरवणुकीतील हजारो भक्त दर्शनासाठी गर्दी करतात. या भक्तांना मंदिराचे पुरोहित दासा गुरु व कांता गुरु वाळके यांच्या हस्ते बुदीच्या स्वरूपात तीर्थ - प्रसाद वाटप केला जातो. याच मंदिरात महिषासुर मार्दीनीची मूर्ती असल्यामुळे ब्राम्होत्सव पर्वकाळात बालाजी मंदिर दर्शनाला अनन्य साधारण महत्व प्राप्त होते. 

मुंडण करणाऱ्या भक्तांना जवळून होणार दर्शन 
----------------------------------------------------- 
मागील अनेक वर्षपासून बालाजी मंदिरातील मूर्तीचे जवळून दर्शन घेण्यास भक्तांना मनाई होती. परंतु गतवर्षीपासून सर्व जाती, पंथाच्या भक्तांना बालाजीचे दर्शन जवळून घेत यावे म्हणून मुंडण करून दर्शन घेण्याची संधी अर्चक कांतागुरु यांनी उपलब्ध करून दिली. 

स्फूर्ती महिला मंडळाचा शारदीय नवरात्रोत्सव 
------------------------------------------------ 
विशेष म्हणजे या काळात येथील स्फूर्ती महिला मंडळाच्या वतीने शारदा देवी प्रतिष्ठापना करून नऊ दिवसाचा उत्सव साजरा केला जातो. या काळात महिला मंडळाच्या वतीने फुगडी, लेझीम, लंगडी, गायन, रांगोळी, भजनाच्या स्पर्धा घेतल्या जातात. शेवटच्या दिवशी म्हणजे कोजागिरी पौर्णिमेला माता शारदा देवीची मिरवणूक मुख्य रस्त्यावरून काढून विसर्जन केली जाते. तर झालेल्या स्पर्धेतील वेजेत्यांचे शाल श्रीफळ देऊन स्वागत सत्कार करून कार्यक्रमाची सांगता होते. या पर्व काळात विदर्भ, मराठवाडा, आंध्रप्रदेश व कर्नाटकच्या कन्या - कोपर्यातून भक्त जन दर्शनासाठी येतात.

मतदार जागृती अभियान

मतदार जागृती अभियानाला प्रचंड प्रतिसाद


हदगाव(वार्ताहर)विधानसभा निवडणुकीत मतदारांनी आपल्या मतदानाचा हक्क बजवावा यासाठी मतदार जन जागृती अभियान जिल्हाभरात राबविले जात असून, हदगाव तालुक्यात सुरु झालेल्या या कार्यक्रमास मतदारांचा उत्स्फुर्तपणे प्रतिसाद मिळत आहे. 

गत लोकसभा निवडणुकीत ज्या भागात कमी मतदान झाले अश्या हदगाव तालुक्यातील जवळपास २७ गावात स्वीप सेकंड अंतर्गत विविध कार्यक्रमाचे आयोजन करण्यात आले असून, आगामी विधानसभा निवडणुकीत मतदानाची टक्केवारी वाढावी यासाठी जिल्हाधिकारी धीरज कुमार यांच्या सूचनेने हदगाव तालुक्यात, निवडणूक निर्णय अधिकारी तथा तहसीलदार संतोष घाडगे यांनी जनजागृती कार्यक्रमाचे आयोजन केले आहे. त्यानुसार पथनाट्य, स्त्रियांसाठी स्पर्धा कार्यक्रम घेण्यात येत आहेत. ग्रामीण भागात या कार्यक्रमास विशेषतः स्त्रियांचा उत्तम प्रतिसाद मिळत असल्याचे दिसून येत आहे. 


काँग्रेसचे माजी प.स.सदस्यासह अनेक कार्यकर्ते शिवसेनेत दाखल

हदगाव(वार्ताहर)हदगाव तालुक्यातील तामसा सर्कलचे कॉंग्रेसचे माजी पंचायत समिती मेम्बर मुकुंद रावळे यांनी दि.२० रोजी नागेश पाटील यांच्या नेतृत्वाला मान्य करून शिवसेनेत जाहीर प्रवेश केला. त्यांच्याबरोबर अनेक कार्यकर्त्यांनी सुद्धा शिवसेनेची भगवी दस्ति परिधान करून जय महाराष्ट्राचे नारे दिले. जी.प.सदस्य रमेश घंटलवार, माधव नारेवाड, तेजस उंबरकर, सुरेश कोडगीरवार, बंडू पाटील, तामसा परिसरातील सर्कल प्रमुख यांच्यासह अनेक शिवसैनिक कार्यकर्ते उपस्थित होते. 

हदगाव - हिमायतनगर विधानसभा मतदार संघात शिवसेनेच्या नागेश पाटील यांनी जनसंपर्कात आघाडी घेतली असून, प्रत्येक गाव, वाडी तांड्यात त्यांना उमेदवारी जाहीर झाल्याने त्यांचा सत्कार व पुढील आमदार तुम्हीच व्हावे अशी इच्छा अनेक नागरिक बोलून दाखवीत आहेत. त्यामुळे गात पाच वर्षापूर्वी कॉंग्रेसच्या ताब्यात गेलेला शिवसेनेचा मतदार संघावर पुन्हा शिवसेना भगवा फडकेल अशा आत्मविश्वास नागेश पाटील यांनी उपस्थितांच्या सत्कार उत्तर देत बोलून दाखविले आहे. 

गुरुवारपासून नवरात्रोत्सवाची धूम...

हिमायतनगर(अनिल मादसवार)प्रती वर्षाप्रमाणे याही वर्षी येथील जाज्वल्य माता कालिंका देवी मंदिरात नवरात्र उत्सवानिमित्त धार्मिक, सांस्कृतिक कार्यक्रमाचे आयोजन करण्यात आले आहे. अश्विन शुद्ध प्रतिपदा दि.२५ सप्टेंबर पासून नवरात्रोत्सवाची धूम सुरु होणार आहे. या कार्यक्रमात तमाम महिला, पुरुष भक्तांनी सहभागी होऊन शोभा वाढवावी असे आव्हान मंदिर कमेटीच्या वतीने नांदेड न्युज लाईव्हच्या माध्यमातून करण्यात आले आहे.

अश्विन शुद्ध प्रतिपदा शके १९३६ दि.२५ गुरुवारी माता कालिंका देवीचा महाभिषेक व अलंकार सोहळा सकाळी १० ते २ या वेळेत मंदिर कमेटीचे अध्यक्ष राजेंद्र रामदिनवार व सचिव रामकृष्ण मादसवार यांच्या हस्ते संपन्न होणार आहे. तसेच दररोज रात्री ७ ते ८ या वेळेत या ठिकाणी स्थापन करण्यात येणाऱ्या माता दुर्गादेवीची महाआरती केली जाणार आहे. तसेच सात दिवस दररोज दुपारी २ ते ६ दरम्यान संगीतमय देवी भागवताचे प्रवचन होणार आहे.

दि.२७ शुक्रवारी रात्री ०८ वाजता संत माउली वारकरी प्रतिष्ठान एकंबा या भजनी मंडळाचे लेक वाचवा अभियान व व्यसनमुक्ती या विषयावर जनजागृती कार्यक्रम संपन्न होणार आहे. दि. २८ रोजी नवरात्र व दुर्गा देवी निमित्त महिलांसाठी संगीत खुर्चीचे कार्यक्रम रात्री ८ ते १० या वेळेत संपन्न होणार आहे. यात विजेत्या महिलांना प्रथम १००१ रुपये, दुसरे ५०१ व तिसरे ३०१ रुपयाचे बक्षीस देण्यात येणार आहे. तसेच दि.२९ रोजी रात्री ८ वाजता महिलांसाठी मटकी फोडो कार्याक्रमचे आयोजन करण्यात आले असून, यातील विजेत्या महिलांना प्रथम १००१, दुसरे ५०१ रुपयाचे पारितोषिक देण्यात येणार आहे.

दि.०३ अक्टोबर रोजी माता कालिंका देवीला प्रसन्न करण्यासाठी सकाळी ७ ते १२ वाजेच्या दरम्यान होमहवन व पूर्णाहुती कार्यक्रम व दुपारी ३ ते ५ या वेळेत विजयादशमी(दसरा) मिरवणूक ढोल तश्याच्या गजरात काढली जाईल. या वर्षी नवमिसह दसरा एकाच दिवशी आल्याने या वर्षीचा नवरात्रोत्सव नऊ दिवसाचा आला आहे. दि.०४ अक्टोबर रोजी दुपारी २ ते ४ वाजेपर्यंत महिलांसाठी रांगोळी स्पर्धा आयोजित केली असून, यात प्रथम क्रमांकास १००१ रुपये, द्वितीय क्रमांकास ५०१, तृतीय क्रमांकास ३०१ रुपयाचे बक्षीस दिले जाणार आहे.

नवरात्रोत्सवानिमित्त येथील कालिंका देवी मंदिरात दि.२५ गुरुवार पासून दि.०१ बुधवार पर्यंत दररोज दुपारी २ ते ६ या वेळेत श्री प.पु.बालयोगी स्वामी गजेंद्र चैतण्यजी महाराज मधापुरी, जी.अकोला यांच्या मधुर वाणीतून संगीतमय देवी भागवताचे वाचन, प्रवचन केले जाणार आहे. याकामी ऑर्गन वादक - अरुण लकडे, पेटीमास्तर - दीपक मालवे, गायक - उमेश आजनकर, तबलावादक - मनोज संपळे, मायनर वादक - सुधीर खवले, झांकी सजावट - विशाल धनेगावकर आदि संगीत संच साथ देतील. तसेच दि.०२ गुरुवारी सकाळी १० ते ०१ वाजेच्या दरम्यान बाल कीर्तनकार विवेक महाराज भोकर यांचे काल्याचे कीर्तन होऊन भव्य महाप्रसादाचे वितरण केले जाणार आहे. या भक्तिमय कार्यक्रमाचे आयोजन कै. निवृत्तीराव पवार यांच्या स्मरणार्थ तालुक्याचे आ. माधवराव पाटील जवळगावकर यांच्या वतीने करण्यात आले आहे. नवरात्रोत्सवात संपन्न होणार्या या कार्यक्रमाचा लाभ सर्व महिला - पुरुष भक्तांनी घ्यावा असे आव्हान मंदिर कमेटीचे अध्यक्ष राजेंद्र रामदिनवार, उपाध्यक्ष दिलीप पार्डीकर, सचिव रामकृष्ण मादसवार, गजानन तीप्पणवार, ज्ञानेश्वर पंदलवाड, संजय मारावार, धर्मपुरी गुंडेवार, शरद चायल, नारायण गुंडेवार, विठ्ठल मादसवार, जीवन घोगारकर, ज्ञानेश्वर शिंदे, शिवाजी भंडारे, राजू जैस्वाल, आशिष सकवान, विजय मादसवार, व समस्त गावकरी मंडळीनी केले आहे.

टक्केवारीसाठी रस्त्यांची कामे

हिमायतनगर(अनिल मादसवार)हदगाव - हिमायतनगर मतदार संघातील विद्यमान आमदाराने विकासाच निर्माण केलेला भास हा पोकळ असून, टक्केवारी मिळविण्यासाठी सिमेंट रस्त्याच्या कामावर जोर देऊन विकास झाला म्हणणे हे सारासार चुकीचे आहे. असा घणाघात काँग्रेसचे अल्पसंख्यांक विभागाचे जिल्हाध्यक्ष व विधानसभा मतदार संघाचे संभाव्य उमेदवार जाकेर चाऊस यांनी केला.

ते हिमायतनगर येथे माजी जी.प.सदस्य समद खान हाजी जलाल खान यांच्या निवास स्थानी आयोजित करण्यात आलेल्या पत्रकार परिषदेत बोलत होते. काँग्रेसने माझ्या सारख्या तळागाळातील कार्यकर्त्यावर अन्याय केला. माजी मुख्यमंत्री अशोक चव्हाण यांनी दिलेला शब्द पाळला नाही. ज्या पक्षनेतृत्वावर विश्वास ठेवून मी २००४ साली काँग्रेस मध्ये प्रवेश केला. त्यांनी मात्र वेळोवेळी अल्पसंख्यांक समाजातील कार्यकर्त्यामध्ये भांडण लावून मला विधान परिषदेवर किंवा महामंडळावर घेण्याचा शब्द पाळला नाही. वेळोवेळी परंपरागत उमेदवारांना संधी देवून दलित, आदिवासी, मुस्लिम आणि ओबीसीच्या मतांचा सत्तेसाठी वापर करून घेतला आहे. गेल्या लोकसभा निवडणुकीत हदगाव - हिमायतनगरच्या आमदाराने सेनेच्या उमेदवारा सोबत अंडर-ग्राउंड सेटलमेंट करून ओबीसी माळी समाजातील काँग्रेसचेच उमेदवार राजीव सातवांचा पराभव व्हावा या उद्देशाने हिमायतनगर तालुक्यात एकही सभा लावली नाही. कि प्रचार यंत्रणा सक्षमपने राबविली नसल्यानेच सेनेच्या उमेदवाराला या विधानसभा मतदार संघात मताधिक्य मिळाले आहे. केवळ ओबीसी असल्यामुळेच सत्तेची मक्तेदारी समजनार्यांनी सातव यांचा पराभव करण्याचे ठरविले होते, असा गौप्यस्फोटही त्यांनी यावेळी केला.

मराठा समाजाने लोकसभा निवडणुकीत चालविलेले जातीचे कार्ड पाहता आदिवासी मुल्सिम, बौद्ध व इतर मागास प्रवर्गात त्याचा संदेश पोहोचला असल्याने द्या टाळी.. हटाव माळी.. या जातीय वक्तव्याचा मला या निवडणुकीत नक्कीच फायदा होईल असेही ते म्हणाले.

आ.जवळगावकर यांच्या विकासाच्या डोंगरावर प्रहार करताना तो मतदार संघाचा विकास नसून सोबत राहणाऱ्या चमच्यांचा विकास असल्याचेही ते म्हणाले. मतदार संघात रोजगार निर्मित्तीचे प्रकल्प, बेकारांना कर्जपुरवठा, शिक्षणाचा खालावलेला दर्जा, निराधारांचे प्रश्न, शेतकऱ्यांच्या अनेक समस्या, अजूनही जिवंत असल्याने केवळ सिमेंट रोड करणे म्हणजे विकास नाही. तर गेली पाच वर्ष स्वतःचा विकास करून घेण्यातच आ.महोदयांनी वेळ घालविला असल्याचा आरोपही त्यांनी यावेळी केला.

हात्तीवर स्वार होऊ इच्छिणाऱ्या चाऊस यांना समदखानचे बळ

आगामी होऊ घातलेल्या विधानसभा निवडणुकीत बहुजन समाज पार्टीच्या हत्तीवर स्वार होऊन निवडणूक लढऊ इच्छिणाऱ्या जाकेर चाऊस यांच्या पाठीशी हिमायतनगर तालुक्याचे मोठ्या प्रमाणात मुस्लिम, ओ.बी.सी, एस.सी., एस.टी.,प्रवर्गातील मतदार असल्याने या निवडणुकीत मी सर्व ताकदीनिशी जाकेर चाऊस यांच्या पाठीशी उभे राहणार असल्याचे माजी जी.प.सदस्य समद खान हाजी जलाल खान यांनी सांगितले. त्यांनी आमदार व त्यांच्या सोबत असलेल्या चार - पाच कार्यकर्त्यांना चांडाळ चौकडी संबोधत हा केवळ त्या चांडाळ चौकडीचा विकास आहे. इतराचा मात्र फक्त मतापुरता वापर होत असल्याची सडकून टीकाही त्यांनी केली. पत्रकार परिषदेपूर्वी मुस्लिम शादीखाना येथे पार पडलेल्या सभेत खच्चाखच भरलेला सभाग्रह पाहता कार्यकर्त्यांचा उत्साह शिगेला पोहोंचला होता. बहुजन समाज पार्टीच्या सुरेश गायकवाड यांनी उपस्थितांना मार्गदर्शन करताना चाऊस यांचा उमेदवार म्हणून स्वीकार करणार का..? असा सवाल विचारला असता सभग्रहातुन जल्लॊश पूर्ण जिंदाबादच्या घोषणांनी शादीखाना दुमदुमून गेला. त्यामुळे जाकेर चाऊस हे बहुजन समाज पार्टीचे उमेदवार म्हणून जवळपास निश्चित मानले जात आहेत.

अशोकरावांना पाय उतार व्हावे लागले

मेहुणी व सासूवर लक्ष दिल्यामुळे अशोकरावांना पाय उतार व्हावे लागले - गायकवाड यांनी घणाघाती टीका  


हिमायतनगर(अनिल मादसवार)६० वर्षाच्या काळात काँग्रेसने अल्पसंख्यांक, बहुजनाची मते घेतली, मात्र नेहमी या समजला उपेक्षितच ठेवले. एवढेच नाही तर जास्तीत जास्त मुस्लिम तरुणांना जेलमध्ये डांबले आहे. मागील काळात आम्हीच माजी मुख्यमंत्री अशोक चव्हाण यांना मदत केली, मुख्यमंत्री होताच समाजाचे प्रश्न सोडविण्याची मागणी केली. परंतु समस्या सोडविणे दूरच त्यांनी उरावर काठी हाणली आहे. तसेच त्यांनी मेहुणी व सासूवर जास्त लक्ष दिल्यामुळे आदर्श घोटाळ्याच्या कारणावरून पाय उतार व्हावे लागले अशी घणाघाती टीका बहुजन समाजवादी पार्टीचे सुरेशदादा गायकवाड यांनी केला. ते हिमायतनगर येथील शादी खाना हॉलमध्ये आगामी विधानसभा निवडणुकी संदर्भात आयोजित चर्चा सत्राच्या वेळी मंचावरून बोलत होते. यावेळी अल्पसंख्यांक सेलचे नांदेड जिल्हाध्यक्ष तथा बी.एस.पी.चे हदगाव - हिमायतनगर विधानसभेचे संभाव्य उमेदवार जाकेर चाऊस, माजी जी.प.सदस्य समद खान, मारोती हुल्काने, उल्लू ख पटेल, मुख्तार जहागीरदार, संतोष गोधजे, सुभाष दरवांडे, गौतम कदम, प्रकाश कांबळे यांची प्रमुख उपस्थिती होती. 

याप्रसंगी पुढे बोलताना ते म्हणाले कि, सत्तधारी काँग्रेस पक्षाने विकासाच्या नावावर महाराष्ट्राचे वाल्वंत केले आहे. त्यांच्या नाकर्तेपणामुळे सर्वत्र बेरोजगारी, शेतकरी आत्महत्या, व्यसनाधीनता, गुन्हेगारी, जाती - जमातीतील संघर्ष वाढला आहे. हे सर्व दूर करून एक संघतेचे राज्य आणण्यासाठी    व आघाडी सरकारला सत्तेतून बाहेर काढण्यासाठी आणि दुर्लक्षित मुस्लिम, आदिवासी, बहुजन, दलित व गोर गरिबांना न्याय हक्क मिळून देण्यासाठी आहे. त्यासाठी आम्ही बहुजन समाजवादीच्या तिकिटावर अल्पसंख्यांकांचा नेता म्हणून जाकेर चाऊस यांना निवडणुकीच्या आखाड्यात उतरविले जाणार आहे. त्यमुळे हि लढाई एकट्या जाकेर चाऊस यांची नाही तर, तमाम गोर गरिबांची आहे. नौकरीसाठी या नेत्यांच्या शाळेत १५ ते ५० लाख रुपये डोनेशन मोजावे लागतात. चव्हाण यांच्या संस्थेत सरकारची परवानगी न घेत अतिरिक्त क्लासेस चालविले जातात. त्यातही ५ हजाराची रक्कम देणाऱ्या विद्यार्थ्यांना प्रवेश मिळतो, त्यामुळे गोर - गरिबांच्या मुलांना शिक्षण घेणे अवघड झाले आहे. कारखान्याने उभे करण्यात सरकारची तिजोरी रिकामी झाली. त्यानंतर कारखाने बंद झाले, चव्हाण यांनी हुजपा कारखाना खरेदी करताच पुन्हा बंद पडलेली सर्वच कारखाने सुरु झाले. त्यामुळे हदगाव - हिमायतनगर विधानसभेच्या आ. जवळगावकर यांनी  विधानसभेत कारखाना बुडविणाऱ्या बाबत आवाज का उठविला नाही असा सवालही केले.

हिंगोली लोकसभा निवडणुकीत काँग्रेस - शिवसेनेने साटेलोटे केले, परंतु आमदारांचा खा.सातव यांना पराभूर करण्याचा प्रयत्न असफल झाला. अश्या कारनाम्यामुळे आता काँग्रेस सरकारची मरगत त्यांच्या स्वतःच्या स्वार्थी वृत्तीमुळे आली आहे. आम्ही आघाडी व महायुतीच्या विरोधात आहोत, नेहमीच या - ना त्या पक्षाच्या पाटलांच्याच हातात सत्ता आहे. या घराणेशाहीला आळा आणून सर्व सामन्यांच्या हाती सत्ता आणायची आहे. महाराष्ट्रात अल्पसंख्यांक समाजाचा पहिला आमदार  म्हणून जाकेर चाऊस यांना बी.एस.पी.च्या तिकिटावर निवडून आणायचे आहे. यासाठी सर्व बहुजन व अल्पसंख्यांक समाजच आशीर्वाद हवाय. महाराष्ट्राला लुटण्याचे महापाप करणाऱ्या व गरिबांना - गरीब ठेवून स्वतःचा विकास करणार्यांना घरी बसवा असे आवाहनही त्यांनी केले. यावेळी हजारोच्या संखेत मतदार, नागरिक, समर्थक कार्यकर्ते, पत्रकार  उपस्थित होते. 

स्वागत

हदगाव(शिवाजी देशमुख)हिमायतनगर - हदगाव विधानसभा मतदारसंघाचे शिवसेनेचे इच्छूक उमेदवार नागेश पाटील आष्टीकर यांना उमेदवारी द्यावी अशी इच्छा सामान्य कार्यकर्त्यांची होती. तसेच गात पंचवार्षिक निवडणुकीत खा.सुभाष वानखेडे यांनी उमेदवारी मिळवून देण्याचे वचन दिले होते. नुकतेच मुंबई येथील मातोश्रीवर मुलाखतीसाठी जाऊन शिवसेना प्रमुख उद्धव ठाकरे यांची भेट घेतली. मागील काळात पक्ष संघटन वाढीसाठी व सामन्यांसाठी केलेल्या कार्याचा आढावा सादर केल्यानंतर ठाकरे यांनी उमेदवारीला हिरवा कंदील दाखवीत कामाला लागण्याचे आदेश दिले आहेत.

मातोश्रीहून आशीर्वाद घेऊन नागेश पाटील आष्टीकर हे बुधवारी मुंबई, नांदेड व्हाया मार्गे हदगाव शहरात दाखल होताच शिवसैनिकासह मतदारांनी जोरदार स्वागत करून भावी आ.नागेश पाटील आष्टीकर यांचा विजय असो अश्या घोषणा देत.. एकच वादा नागेश दादा... अस उदघोषही केल्याने हदगाव शहर दणाणून गेले होते.

हिमायतनगर - हदगाव विधानसभा मतदारसंघात २००९ पासून सातत्याने शिवसैनिक म्हणून कार्य करत शाखा स्थापना, पक्ष मजबुती साठी नागेश पाटील यांनी संपूर्ण विधानसभा मतदारसंघ पिंजून काढला. माजी खा. सुभाष वानखेडे यांच्या मार्गदर्शनाखाली विधानसभा मतदारसंघात अनेक उपक्रमे राबउन युवा कार्यकर्त्यांची मोठी फळी उभी केली आहे. गत पाच वर्षात विकास हाच माझा ध्यास आहे, असे सांगून मतदारसंघातील सामान्य नागरिकांच्या सुख - दुखात सामील होऊन मने जिंकली आहेत. तसेच धार्मिक कार्यातील त्यांचा मोठा सहभाग यामुळे नागेश पाटील आष्टीकर यांचे मताधिक्य वाढले असल्याचे दिसून येत आहे.

त्यांना शिवसेनेने उमेदवारी जवळपास निश्चीत केली असल्याचे संगीतल्यामुळे बुधवारी हदगाव शहरात दाखल होताच युवा शिवसैनिकांसह मतदारांनी जल्लोषात स्वागत करत मतदारसंघाच्या विकासासाठी आपल्या सारख्या निस्वार्थी व्यक्तिमत्वाची गरज असल्याचे अनेकांनी बोलून दाखविले आहे. शिवसैनिक व मतदारांकडून केल्या जाणार्या स्वागताचे मनपूर्वक आभार मानत आगामी निवडणुकीत तुमचे सहकार्य असूद्या नंतरचे पाच वर्ष तुम्हा सर्वांच्या अडचणी, समस्या सोडविण्यासाठी मी इमाने इतबारे काम करीन असे सांगितले.

मराठवाडा मुक्ती संग्रामदिन साजरा

श्रमदानातून युवकांनी स्वच्छ केला स्मशान भूमी परिसर 

हिमायतनगर(वार्ताहर)येथील स्मशान भूमी परिसराचा नागरिकांनी श्रमदानातून स्वच्छता अभियान राबवून सफाई केली आहे. 

हिमायतनगर शहरातील हिंदू स्मशान भूमी राजकीय नेत्यांच्या दुर्क्षाने अजूनही विकासाच्या प्रतीक्षेत आहे. अनेकदा विकास करून सुरक्षेसाठी संरक्षण भिंत उभारण्याची मागणी नागरिकांनी केली होती. मात्र याकडे पुढार्यांनी सोयीस्कर दुर्लक्ष केल्याने स्मशान भूमी परिसराची दुरवस्था झाली आहे. ग्रामपंचायतीच्या नाकर्तेपणामुळे सदरील स्मशान भूमीत तरोटा, गावात, फुटलेल्या काचेच्या बाटल्या व दुर्गंधीयुक्त साहित्य मोठ्या प्रमाणात जमा झाले होते. हिमायतनगर येथील युवकांनी कोणत्याची पुढार्याच्या अथवा ग्रामपंचायतीच्या मदतीची वाट न पाहता युवकांनी हिरीरीने सहभागी होत श्रमदान करून स्मशान भूमीचा सर्व परिसर स्वछतामय करून टाकला. श्रमदानासाठी विलास वानखेडे, गजानन हरडपकर, खंडू चव्हाण, दिलीप शिंदे, नंदू हेंद्रे, बालाजी जाधव, प्रकाश सावंत,  आदींसह अनेक युवकांनी पुढाकार घेऊन सामाजिक जबाबदारी पार पडल्याने त्यांच्या सर्व स्तरातून कौतुक केले जात आहे. 

ग्राम स्वच्छता अभियानातून मराठवाडा मुक्ती संग्रामदिन साजरा


हिमायतनगर(वार्ताहर)तालुक्यातील मौजे वडगाव ज.येथील शालेय व्यवस्थापन समितीने मराठवाडा मुक्तीसंग्राम दिनाचे औचित्य साधून गावात ग्राम स्वच्छता अभियान राबवून स्वच्छतेचा संदेश दिला आहे. 

शालेय व्यवस्थापन समितीच्या माध्यमातून गावातील घाण रस्ते झाडून स्वच्छ करण्यात आले. यात गावातील नागरिकांनी उघड्यावर शौच्चास जाऊन गावाचा परिसर अस्वच्छ केल्यामुळे सर्वत्र दुर्गंधीचे वातावरण निर्माण झाले होते. हि बाब लक्षात घेऊन घावातील मुख्य रस्ते संत गाडगे बाबा यांच्या स्वच्छतेचा संदेश घराघरापर्यंत पोचून स्वच्छतेचे महत्व नागरिकांच्या लक्षात आणून दिले. तसेच गाव हागणदारी मुक्त करण्यासाठी घरो - घरी शौच्चालय बांधणे महत्वाचे असल्याचे सांगितले. यात शालेय व्यवस्थापन समितीचे अध्यक्ष जयप्रसाद तदकुले, सदस्य आनंद तुप्पेकर, संतोष लिंगमपल्ले, महेश ताडकुले, सतीश मोहिती, मुख्याध्यापक परमेश्वर बनसोडे, शिक्षक एम.जे.गायकवाड, सहशिक्षक आर.बी.पांचाळ यांनी स्वच्छता अभियान राबविण्यात सहभाग नोंदविला होता.

मतदार जनजागृतीने मराठवाडा मुक्ती संग्रामदिन साजरा 
हिमायतनगर(वार्ताहर)तालुक्यातील मौजे टेंभी येथे मतदार जागृतीसाठी विद्यार्थ्यांनी हातात फलक घेऊन प्रभात फेरी काढून मुक्तीसंग्राम दिन साजरा केला आहे.

राजकारांच्या तावडीतून मराठवाड्याला मुक्त करण्यासाठी प्राणाची आहुती देणाऱ्या हुतात्म्यांचे स्मरण व अभिवादन करण्यासाठी दि.१७ सप्टेंबर रोजी मराठवाडा मुक्ती संग्राम दिन सर्वत्र उत्साहात साजरा करण्यात आला. ग्राम पंचायत कार्यालय टेंभीसह तालुक्यातील सर्वच शाळा, महाविद्यालये, शासकीय निमशासकीय कार्यालये येथे सकाळी ध्वजारोहण करण्यात आले.

तहसील कार्यालय हिमायतनगर येथे तालुका दंडाधिकारी शरद झाडके यांच्या हस्ते धावजारोहन  करण्यात आले. तर हिमायतनगर पोलिस स्थानकात पोलिस निरीक्षक अनिलसिंह गौतम यांच्या हस्ते द्वाजारावहन करण्यात येउन मराठवाडा मुक्ती संग्रामात शहीद झालेल्या हुतात्म्यांना अभिवादन करण्यात आले.

टेंभी येथे ग्रामसेविका सौ.गावित यांच्या हस्ते ध्वजारोहण करण्यात आले तर जी.प.केंद्रीय प्राथमिक शाळेत मुख्याध्यापक आवारे सर यांच्या हस्ते ध्वजारोहण संपन्न झाले. केंद्र प्रमुख भिसे यांनी यावेळी स्वच्छतेचे महत्व पटवून देत गाव हागणदारी मुक्त करण्याचा संकल्प नागरिकांनी करावा असे आवाहन केले. तर शौच्चालय बांधकामचे हमीपत्र विद्यार्थ्यांना देऊन घरी शौच्चालय बांधण्याचा पालकांकडे आग्रह करावा असे ग्रामसेविका गावित यांनी सांगितले. यावेळी शिक्षक सरपंच, उपसरपंच, तंटा मुक्त अध्यक्ष, ग्रामपंचायत सदस्य, गुरुदेव सेवा मंडळाचे कार्यकर्ते व नागरिक मोठ्या संखेने उपस्थित होते.     

जनतेची फसवणूक



हदगाव - हिमायतनगर मतदार संघात झालेली कामे काही एकट्या आमदारांनी केले नसून, तो पैसा सरकारचा आहे. सरकारच्या तिजोरीत रक्कम जमा होती, शासनाच्या योजनेची कामे काळाप्रमाणे होणारच. मात्र याचे श्रेय स्वतःच घेऊन काँग्रेसच्या आमदारांनी विकासाचा डोंगर नावाची पुस्तिका काढून विकास केल्याचे दाखवीत जनतेची फसवणूक करण्याचा प्रयत्न केला. असा घणाघाती आरोप अल्पसंख्यांक सेलचे नांदेड जिल्हाध्यक्ष जाकेर चाऊस यांनी केला. ते हिमायतनगर येथे आगामी विधानसभा निवडणुकीच्या पार्श्वभूमीवर घेण्यात आलेल्या पत्रकार परिषदेत बोलत होते. यावेळी माजी जी.प.सदस्य समद खान, सुभाष दरवांडे, मुख्तार जहागीरदार, गौतम कदम, प्रकाश कांबळे यांच्यासह अनेक समर्थक कार्यकर्ते, मतदार बांधव उपस्थित होते. 

त्याप्रमाणे निधी जिल्ह्यातील अनेक आमदारांनी आणून आपल्या तालुक्यात विकास केला आहे. परंतु हदगाव - हिमायतनगरच्या आमदारांनी विकासाच्या नावाखाली स्वतः, गुत्तेदार, चेल्या चपाट्यासह चांडाळ चौकडीचा विकास केला आहे. अगोदर तीन माणसे एक गाडी होती, आता तीन माणसासाठी सात गाड्या झाल्या हा स्वतःचा विकास नव्हे काय..? हदगाव- हिमायतनगर विधानसभा क्षेत्रात झालेली कामेसुद्ध बोगस व अत्यंत निकृष्ठ पद्धतीची झाली असून, त्याची चौकशी केल्यास विकासाचा डोंगर.. टेकडी सामानही दिसणार नाही. विद्यमान आमदार कधीही सामान्य जनतेच्या सुख दुखः त सहभागी झाले नाहीत असा घणाघाती आरोपही त्यांनी केला.
२५ वर्षापासून राजकीय क्षेत्रात कार्यरत असताना एक वेळा निवडणूक लढविली त्याकाळी शिवसेनेच्या उमेदवाराला टक्कर देऊन दुसर्या क्रमांकाचे मते मिळविली होती. सन २००४ ला काँग्रेस पक्षाच्या नेतृत्वाला मान्य करून प्रवेश केला. त्यावेळी काँग्रेसच्या दिग्गज नेत्यांनी म्हणजे अशोक चव्हाण यांनी दिलेले वचन पाळले नाही, अनेकदा याबाबतची विचारणा केली मात्र अल्पसंख्यांक जिल्हाध्यक्षपदी निवड करून बोळवण करण्यात आली. अल्पसंख्यांक समाजाचे प्रश्न सोडविण्यासाठी मेळावे, प्रशिक्षण शिबीर घेऊन, गरजूंना कर्जपुरवठा करण्यापर्यंतचे समाजउपयोगी काम केले. परंतु सरकाच्या धीम्यागतीमुळे अनेक कामे अजूनही प्रलंबित राहिली आहेत. त्यामुळे अल्पसंख्यांक समाज हा विकासापासून कोसो दूर फेकल्या गेला असून, हि कामे पूर्णत्वाकडे नेण्यासाठी जनतेची सात हवी आहे.

१५ वर्षातून काँग्रेस पक्षाने अल्पसंख्यांक मुस्लिम समाजाला उमेदवारीच दिली नाही. जर ओमप्रकाश पोकर्ण सारखा अल्पसंख्यांक समाजाचा माणूस आमदार होऊ शकतो, तर मुस्लिम समजाचा का..? होऊ शकत नाही. यासाठी २०१४ च्या विधानसभा निवडणुकीत मुस्लिम समाजाला उमेदवारी द्यावी अशी मागणी केली आहे. एकाच पक्षात १० वर्ष काम करूनही न्याय मिळत नसेल तर त्या पक्षाचे काम करून काय फायदा. असे म्हणत उमेदवारी न दिल्यास ओबीसी, अल्पसंख्यांक, मायनारेटी, बहुजनांना न्याय मिळवून देण्यासाठी काँग्रेसला सोडचिट्ठी देऊ तथा विरोधात जाऊन अन्य पक्षातून म्हणजे " बि.एस.पी." च्या तिकिटावर २०१४ ची विधानसभा निवडणूक लढविणार आहे. यासाठी मी गत तीन महिन्यापासून हदगाव - हिमायतनगर मतदार संघात जनमताचा कौल घेत आहे. लाखोच्या संखेत प्रसिद्धी पत्रक काढले असून, निवडणूक लढवावी कि नाही हे जनताच ठरविणार आहे. आतापर्यंत हजारो मतदार बांधवांनी भ्रमण ध्वनिवरून गरिबांच्या हक्क व न्यायासाठी निवडणूक लढवावी असे सुचित केले. तर अनेकांनी प्रत्यक्ष संपर्क करून निवडणूक लढविण्याचा आग्रह धरला आहे. निवडणुकीत नांदेड, हिमायतनगर, हदगाव येथील काँग्रेस मधील मात्तब्बर पुढारी, पदाधिकारी यासाठी माझ्या पाठीशी उभे असून, वेळ प्रसंगी त्यांची नावे जाहीर करेन असेही ते म्हणाले.

सन २००९ च्या निवडणुकीप्रमाणे या निवडणुकीत प्रचंड मते मिळवील त्यासाठी माझी टक्कर हि शिवसेना- भाजपशी होणार आहे. कारण काँग्रेस पक्षाचा उमेदवार हा चौथ्या क्रमांकावर फेकला जाईल असा दावाही त्यांनी केला. मी काँग्रेस मध्ये दाखल झाल्यांनतर गरीब तळागाळातील लोकांना हक्क मिळवून देण्यासाठी व पक्ष वाढीसाठी प्रयत्न केले. परंतु पक्षाकडून नेहमीच मुस्लिम व अल्पसंख्यांक समाजावर अन्यायच होत आहे. अन्यायाचा प्रतिकार करत काँग्रेस विरोधात जावून निवडणूक लढवून गरिबांना न्याय मिळवून देण्यासाठी विधानसभा निवडणूक कोणत्याही परिस्थितीत लढविल.

आजवर कधीच मैनेजचा कारभार केला नाही, मी पक्षश्रेष्ठी म्हणून चव्हाण साहेबांचा आदर करतो. मात्र समाजावर अन्याय होत असेल तर समजासाठी नेत्यांच्या विरोधात जाईल. या नेत्यांना केवळ मतदानासाठीच मुस्लिम समाज आठवतो, त्यानंतर मुस्लिम समाजच्या समस्या, गरजाकडे अक्षम्य दुर्लक्ष केले जाते. त्यामुळे अल्पसंख्यांक, बहुजन, ओबीसी व तत्सम समजाच्या न्याय हक्कासाठी निवडनुकीच्या रिंगणात उभे राहील. मतदारांनी सुद्धा उमेदवाराची जात - पात न पाहता शिक्षण, रोजगार, शेतकरी, उद्योग संस्था यासह अन्य प्रश्न मार्गी लावणारा सुशिक्षित नेता पाहूनच निवडून द्यावे असे आवाहनही त्यांनी केले.
अनिल मादसवार - हिमायतनगर

ग्रामसेवक गजाआड

800 रूपयांची लाच घेणारा ग्रामसेवक गजाआड


नांदेड(प्रतिनिधी)नाहरकत प्रमाणपत्र देण्यासाठी 800 रूपयांची लाच घेणाऱ्या उंचेगाव ता.हदगाव येथील ग्रामसेवकास लाच लुचपत विभागाने मंगळवारी रंगेहाथ पकडले आहे. 

उंचेगाव बु.ता.हदगाव येथील एका व्यक्तीने लाच लुचपत प्रतिबंधक विभागाकडे तक्रार दिली की,त्यांच्या वडिलांच्या नावे असलेल्या उंचेगाव येथील घराचे बांधकाम करायचे होते आणि त्यासाठी ग्रामविकास अधिकारी तथा ग्रामसेवक व्यंकटराव पांडूरंग कोल्हे हा त्रास देत होता.अखेर लाच घेवून बांधकामाचे नाहरकत प्रमाणपत्र देण्यास तलाठी तयार झाला.16 सप्टेंबर रोजी सायंकाळी 6 वाजेच्या सुमारास ग्राम पंचायत कार्यालय उंचेगाव येथे बांधकामाचे नाहरकत प्रमाणपत्र देण्यासाठी 800 रूपयांची लाच स्विकारताच लाच लुचपत प्रतिबंधक विभागाने ग्रामसेवक व्यंकटराव पांडूरंगराव कोल्हे यास जेरबंद केले.हदगाव पोलिस ठाण्यात कोल्हेविरूद्ध गुन्हा दाखल करण्याची प्रक्रिया वृत्त लिहिपर्यंत सुरू होती. 

या कार्यवाहीत पोलिस अधीक्षक एस.एल.सरदेशपांडे,उपअधीक्षक एम.जी.पठाण यांच्या मार्गदर्शनाखाली पोलिस उपअधीक्षक संजय कुलकर्णी,पोलिस निरीक्षक अशोक गिते,कर्मचारी सय्यद साजीद,दत्तात्रय वडजे,बाबू गाजुलवार,मारोती केसगीर आणि चालक शिवहार किडे यांनी सहभाग घेतला. 

मागील काही वर्ष ते हिमायतनगर तालुक्यातील दरेसरसम, हिमायतनगर शहरात कार्यरत असताना अनेक प्रकरणात त्यांनी भ्रष्टाचार केला, असे आरोप करण्यात आले होते. लाच लुचपत विभागाने जनतेला आवाहन केले आहे की,कोणी शासकीय कर्मचारी त्यांना पैशासाठी सतावत असेल तर लाच लुचपत प्रतिबंधक विभागात तक्रार देवून लाचखोर लोकांना धडा शिकवावा.

बंडाळीचे राजकारण...

उमेदवारांची नावे निश्चित नसल्याने मतदार संघात अंतर्गत बंडाळीचे राजकारण...


हिमायतनगर(अनिल मादसवार)संपूर्ण जिल्ह्याचे लक्ष लागून असलेल्या हदगाव - हिमायतनगर विधानसभा मतदार संघात दोन्ही काँग्रेस - शिवसेनेच्या दावेदार उमेदवारांनी मतदारांच्या गाठी भेटीवर भर दिला आहे. निवडणुकीची लगीनघाई सुरु झाली असताना अद्याप कोणाचाच उमेदवार घोषित झाला नसल्याने उमेदवारीवरून दोन्ही पक्षात अंतर्गत बंडाळीचे राजकारण तापत असल्याचे चित्र सध्या तरी दिसून येत आहे. तर एकीकडे आ.जवळगावकरांना स्वकियांकडून ब्रेक लावण्याचा प्रयत्न तर दुसरीकडे नागेश पटलासाठी युवा कार्यकर्ते घेत असलेले परिश्रम यावर दोन्ही पक्षातील उमेदवारांची नावे घोषित होण्याला कारणीभूत ठरणार आहेत.  

हदगाव - हिमायतनगर विधानसभा निवडणुकीची जागा हि खुल्या प्रवर्गातील उमेदवारासाठी असल्यामुळे या ठिकाणी दोन्ही पक्षातून अनेक इच्छुकांनी गुडघ्याला बाशिंग बांधले आहे. काँग्रेसचे विद्यमान आमदार माधव पाटील जवळगावकर हे दुसर्यांदा आपले नशीब अजमावण्याच्या तयारीने रस्ते, सभाग्रह, पूल आदींसह अन्य विकास कामाचे नारळ फोडत जोरदार तयारीला लागले आहेत. मात्र जवळगावकराकडून केल्या जाणार्या विकास कामे सर्व निष्ठावंताना डावलून मुठभर लोकांना देऊन स्वतःचा विकास साधत आहेत. तसेच जिन्य कार्यकर्त्यांना बाजूला सारत नव्या लोकांना जवळ करीत असल्याने अनेक निष्ठावंत नाराज आहेत. जनतेमध्ये विकास कामाचा डोंगर उभा केल्याचे दाखविण्याचा प्रयत्न कितपत साध्य होईल हे येणार काळात दिसून येणार आहे. एवढेच नव्हे तर काँग्रेस मधील त्यांचेच स्वकीय तथा अशोक चव्हाण यांच्या जवळचे असलेले माजी जी.प. उपाध्यक्ष गंगाधर चाभरेकर यांनी सुद्धा मतदार संघाच्या भेटीवर भर दिला असून, गत निवडणुकीच्या वेळी आगामी पुढील उमेदवारीचे आश्वासन मिळालेले असल्याने जोरदार तयारी चालविली आहे. तसेच मुस्लिम समाज बांधवांच्या मताची फळी असलेले तथा अल्पसंख्यांक सेलचे जिल्हाध्यक्ष जाकेर चाऊस यांनी सुद्धा १५ वर्षानंतर हा मतदार संघ मुस्लिम समाजाच्या उमेदवारास सोडवा अशी मागणी करून मतदारांच्या गाठीभेटीवर भर दिला आहे. तर अनिल पाटील बभालीकर यांनी सुद्धा आपल्याला उमेदवारी मिळावी म्हणून प्रयत्न सुरु केले असल्याचे राजीक्य गोटात बोलले जात आहे. काँग्रेस मधील आप्तस्वकीयांच्या दाव्याने जवळगावकरांची दोखेदुखी वाढली असून, त्यांच्या उमेदवारीला ब्रेक लागणार असल्याची चर्चा होताना दिसत आहे. असे असले तरी त्यांच्या कामाची पद्धत पाहता दुसर्यांदा त्यांनाच उमेदवारी मिळेल असा अंदाज आहे. त्यावेळी मात्र इच्छुकांकडून बंडखोरी होऊन मतदार संघातील विकासाच्या डोंगराचा चिरफाड करीत ती साधी टेकेडीही नाही हे सिद्ध करण्याची तयारी अनेकांनी चालविली आली आहे.

तर २००९ मध्ये शिवसेनेत दाखल झालेल्या नागेश पाटलांनी शिवसेनेची मजबूत फळी तयार करून निवडणुकीच्या आखाड्यात सर्व तयारीनिशी उतरण्यासाठी सज्ज झाले आहेत. गात लोकसभा निवडणुकीत माजी ख.सुभाष वानखेडे यांना निवडून आणण्यासाठी जीवाचे रान केले, मात्र काँग्रेसने केलेल्या डम्मी सुभाष वानखेडे नावाच्या खेळीमुळे अल्पश्या मतांनी पराभव पत्करावा लागला. परंतु  यामुळे नाराज न होता सुभाष वानखेडे यांनी नागेश पाटील यांना दिलेले वचन पाळण्यासाठी स्वतः नांदेडमधील उत्तर विधानसभेतून लढविण्याची तयारी सुरु केली आहे. परिणामी हदगाव- हिमायतनगर विधानसभा निवडणुकीत नागेश पाटील यांची उमेदवारी जवळपास निश्चित असून, त्या दृष्टीने गात पाच वर्षापासून त्यांनी सामन्यांच्या सुख- दुख:त सहभागी होऊन भेटीगाठी घेऊन युवकांचे संघटन वाढविण्यावर भर दिला आहे. दर आठ दिवसात काँग्रेसला कंटाळलेले पदाधिकारी, युवक, कट्टर समर्थक कार्यकर्ते शेकडोच्या संखेने नागेश पाटील यांच्या नेतृत्वाचा स्वीकार करीत शिवसेनेच्या भगव्या झेंड्याखाली येत आहेत. त्यामुळे देशभरात मोदी लाट तर हदगाव - हिमायतनगर विधानसभा मतदार संघात नागेश पाटील आष्टीकर या नावाची लाट असल्याचे चित्र दिसत आहे. मात्र काही आप्त विघ्नसंतुष्ठानी त्यांच्या उमेदवारीला ब्रेक लावण्याचा केविलवाणा प्रयत्न सुरु केल्याचे दिसत असले तरी ते विघ्न गणपती बाप्पांनी दूर केल्याचे बोलले जात आहे. म्हणूनच कि काय शुक्रवारपासून शिवसेनेचे जिल्हा संपर्क प्रमुख बबन थोरात हे मतदार संघाच्या सर्कलनिहाय भेटीगाठी घेणार असल्याचे समजते.    

शिवसेनेचाच नारा

हिमायतनगरच्या गणेश मिरवणुकीत शिवसेनेचाच नारा   

हिमायतनगर(प्रतिनिधी)दहा दिवसाच्या विश्रांतीनंतर बाप्पाला निरोप देण्यासाठी शहरातील गणेश मंडळानी भव्य अशी मिरवणूक काढून मोरयाच्या गजरात निरोप दिला आहे. दरम्यान मिरवणुकीत लावण्यात आलेल्या सर्वचे डी.जे.संचावर कोण आला रे कोण आला..शिवसेनेचा वाघ आला.. या गाण्यांने परिसर दुमदुमू लागल्याने मिरवणुकीत सामील झालेल्या काँग्रेसच्या आ.महोदयांच्या समर्थकांना आमदार आलेत आता तरी गाणे बदला.. अशी केविलवाणी हाक देण्याची वेळ आल्याची एकच चर्चा शहर व तालुक्यात सुरु आहे.

बाप्पा गेले गावाला, लागा निवडणूक कामाला..असे म्हणत निवडणूक आयोगाने मंगळवारी  विधानसभा निवडणुकीच्या पार्श्वभूमीवर पत्रकार परिषदेचे आयोजन केले आहे. याची माहिती व्हाट्स अप, फेसबुक, ट्वीटर वरून समजताच जिकडे तिकडे निवडणुकीच्या धामधुमीची चर्चा सुरु झाली. यालाच हेरून हिमायतनगर येथील गणपती बाप्पाच्या मिरवणुकीत सामील झालेल्या युवकांनी हाती भगवे झंडे घेऊन " जय भवानी जय शिवाजी...शिवसेना जिंदाबाद..बाळासाहेब ठाकरे जिंदाबाद.. उद्धव ठाकरे तुम आगे बढो.. हम तुम्हारे साथ है... अरे कोण आला रे कोण आला.. शिवसेनेचा वाघ आला...या धडाकेबाज गाण्यावर ठेका धरला होता. 

प्रती वर्षी गणेशाच्या व चित्रपटाच्या गाण्यावर मिरवणुकीत नाचणाऱ्या युवकांनी यावर्षी मात्र शिवसेनच्याच गाण्यावर ठेका धरून संपूर्ण मिरवणूक दणाणून काढल्याने देशात मोदी लाट तर.. तालुक्यात शिवसेनेची एकच लाट असल्याचे दाखवून दिले आहे. आगामी विधानसभा निवडणुकीत कॉंग्रेस व शिवसेनेच्या उमेदवारात टक्कर होणार असून, कॉंग्रेसकडून विद्यमान आ.माधवराव पाटील, माजी जी.प. उपाध्यक्ष गंगाधर पाटील चाभरेकर, मुस्लिम समाजाची वोट बैंक असलेले तथा अल्पसंख्यांक विभागाचे जिल्हाध्यक्ष जाकेर चाऊस यांनी विधानसभा निवडणुकीची जोरदार तयारी सुरु करून मतदार संघात भेटी गाठीवर भर दिला आहे. तर शिवसेनेकडून नागेश पाटील, पांडुरंग कोल्हे, लताताई कदम हे इच्छुक आहेत. मात्र अद्यापही दोन्ही पक्षाकडून अधिकृत उमेदवार जाहीर करण्यात आला नसल्याने मतदार व युवकांना उत्सुकता आहे ती शिवसनेच्या उमेदवाराच्या नावाची.           

समस्येच्या गर्तेत

हिमायतनगर(अनिल मादसवार)एकेकाळी नावारूपाला आलेली व भरमसाठ विद्यार्थी संख्या असणारी जिल्हा परिषद हायस्कूल गत काही वर्षापासून समस्येच्या गर्तेत आले असून, शिक्षणाचा खेळखंडोबा झाल्याचे चित्र सध्या तरी दिसून येत आहे.

दिवसेंदिवस हिमायतनगर शहरासह तालुक्यातील ग्रामीण भागातील जिल्हा परिषदेच्या अनेक शाळांमध्ये शिक्षणाची दुरवस्था होत असून, यासाठी अनेक गोष्टी कारणीभूत ठरत आहेत. याचेच एक उदाहरण म्हणजे हिमायतनगर शहरातील एके काळी अत्यंत नावारूपाला आलेली जिल्हा परिषद हायस्कूल म्हणजे विलक्षण शाळा असा नावलौकिक होता. शिक्षणाचा दर्जा, विद्यार्थी संख्या, शिक्षकांचे विद्यार्थ्यांवरील संस्कार अगदी वाखण्यासारखे, शाळेची टुमदार इमारत, भव्य खेळाचे मैदान व शाळेतील शिस्त अगदी सगळ्या बाबी कौतुकास्पद होत्या. परंतु मधल्या काळात सदरील शाळेची अत्यंत दुरवस्था झाली असून, जिल्हा परिषद हायस्कूल मध्ये प्रवेश मिळावा म्हणून धडपडणारे पाला व विद्यार्थी आता शाळेच्या दुरवस्थेमुळे प्रवेश घेणे तर सोडाच इकडे ढुंकूनही पाहिनासे झाले आहे. सतत पालक व शिक्षकांच्या वादात असणारी हि शाळा शेवटच्या घटका मोजत असून, शहरातील खाजगी शिक्षण संस्थांकडे विद्यार्थी व पालकांचा काळ वाढू लागला आहे.

शिक्षक व शाळा व्यवस्थापन समितीत समन्वय नसल्याने येथे अनेक वाद निर्माण होत असून, त्याचा परिणाम खाजगी शैक्षणिक संस्थांमध्ये प्रवेश न मिळाल्यामुळे नाईलाजास्तव हायस्कूल मध्ये प्रवेश घेतलेल्या विद्यार्थ्यांच्या शिक्षणावर होऊन मोठ्या प्रमाणात नुकास्न होत आहे. मुख्याध्यापकाच्या हेकेखोर एकाधिकार शाहीला कंटाळून व शिक्षकांच्या उप - डाऊन मुळे अनेक विद्यार्थ्यांच्या शिक्षणाचा आयचा घो... होत असल्याचा आरोप शाळा व्यवस्थापन समितीच्या अध्यक्षासह अनेक पालकांनी मुख्य कार्यकारी अधिकार्याकडे दिलेल्या निवेदनात केला आहे.

यात शालेय व्यवस्थापन समितीच्या बैठका न घेणे, शाळा नियमित वेळेवर न भरविणे, अर्ध्या शाळेतून शिक्षकांची दांडी मारणे, एस.एस.ए.चे अनुदान ११-१२ पासून मंजूर झाले नाही, गणवेशाचे काम व्यवस्थापन समितीला न सांगता परस्पर देऊन निकृष्ठ आणने, आर.एम.एस.ए.अनुदानाची रक्कम व बालभवनाचा निधी धूळखात ठेवणे, मराठी व उर्दूच्या पहिली ते दहावी पर्यंत असून, माध्यमिक मराठी आठवी ते दहावी वर्गास एकाच शिक्षक, सहा महिन्यापासून पिण्याच्या पाण्याची, शौच्चालाय व्यवस्था नाही, पटसंख्या केवळ ८० टक्क्यावर ठेवणे, खोल्या अपुर्या दुरुस्त केल्या तर एकच सत्रात सर्व शाळा भरविता येईल, शिक्षक मुख्यालाई न राहता नांदेडहून रेल्वेने ये -जा करणे, या शाळेवरील शिक्षक प्रतिनियुक्तीवर तीन वर्षापासून अन्यत्र ठेवणे, अल्पसंख्यांक प्रोत्साहन भत्ता अनियमितता ठेऊन जमा - खर्चाचा हिशोब देण्यास टाळाटाळ करणे आदींसह अनेक समस्या या निवेदनात मांडण्यात आल्या आहेत. यावर शाळा व्यवस्थापन समितीचे अध्यक्ष महेमूद खान दाउदखान, उपाध्यक्ष शरद चायल, सदस्य नसरीन बेगम अ.सलाम, शबाना बेगम शे.रऊफ, सय्यद अब्दुल जलील, जफर महमद खान, खालेदा खानम फेरोज खान, शे.जामीन शे.अल्लाबकश, अ.अजीज शे.गफूर, फेरोज खान महेमूद खान, सुमित्रा केरबा गायकवाड आदींसह अनेकांच्या स्वाक्षर्या आहेत.

नवतंत्रज्ञानाचा वापर

अध्यापनात नवतंत्रज्ञानाचा वापर करावा - अनिलसिंह गौतम


हिमायतनगर(बी.आर.पवार)बदलत्या काळात शिक्षकांनी शैक्षणिक अध्यापनात नवतंत्रज्ञानाचा वापर करावा असे आवाहन पोलिस निरीक्षक अनिलसिंह गौतम यांनी केले. ते शहरातील गुरुकुल इंग्लिश स्कूल मधील आयोजित शिक्षक दिनानिमित्त चिमुकल्यांशी संवाद साधताना बोलत होते. दि.०५ सप्टेंबर रोजी शिक्षकाची भूमिका साकारून चिमुकल्यांनी उपस्थित माण्यावरांना मंत्रमुग्ध केले. तसेच यावेळी शाळेच्या आवारात वृक्षरोपण करण्यात येउन चिमुकल्यांनी संगोपनाचा संकल्प केला. 

कार्यक्रमाच्या सुरुवातीला डॉक्टर सर्वपल्ली राधाकृष्णन यांच्या प्रतिमेला पोलिस निरीक्षक अनिलसिंह गौतम यांच्या हस्ते पुष्पहार अर्पण करून अभिवादन करण्यात आले. यावेळी उपस्थित चिमुकल्यांनी शिक्षक दिनानिमित्त साकारलेल्या आपल्या भूमिकेबाद्दलचा अनुभव कथन करून उपस्थित मान्यवरांना मंत्रमुग्ध केले. याप्रसंगी अध्यक्षीय भाषणातून श्री गौतम यांनी उपस्थित विद्यार्थ्यांना शाळेतील शिस्त, अभ्यासाचे महत्व, वडिलधाऱ्यांचा आदर करून आगामी जीवनातील उद्देश डोळ्यासमोर ठेऊन शिक्षण घेऊन उच्च पद गाठावे असे आवाहन केले. तसेच शालेय विद्यार्थ्यांना ने - आन केल्या जाणारी वाहने, वाहतुकी व रस्त्याचे नियम आदीबाबत माहिती दिली. यावेळी मंचावर नांदेड न्युज लाइव्हचे संपादक अनिल मादसवार, मोहन भैय्या, फेरोज खान युसुफ खान, शे.सलीम, संजय कवाडे, जाधव सर, गजाजन जाधव, श्री भाटे, बोरेवाड मैडम, पूजा मैडम, प्रीती मैडम, मुंढे मैडम, राठोड मैडम, सीमा मैडम, ज्योती मैडम, पगनवाड सर, माधव यमजलवाड, व शालेय कर्मचारी व विद्यार्थी, विद्यार्थिनी मोठ्या संखेने उपस्थित होते. प्रास्ताविकात शाळेच्या किंभर सरांनी शाळेची प्रगती व विकास यावर प्रकाश टाकला. तसेच गुरुकुल इंग्लिश स्कूलचे सचिव डॉ. मनोहर राठोड यांनी उपस्थितांना मार्गदर्शन केले. यावेळी चिमुकल्या विद्यार्थ्यांनी सर्वपल्ली राधाकृष्णन यांच्या जीवन चरित्रावर प्रकाश टाकणारी भाषणे केली.

घाणपाणी न्यायालयात

ग्रामपंचायतीचा गलथान कारभाराने घाणपाणी न्यायालयाच्या आवारात 


हिमायतनगर(वार्ताहर)स्थानिक ग्रामपंचायतीकडून नाल्याचे व्यवस्थापन केल्यागेले नसल्याने नाल्याचे घाणपाणी थेट कोर्टाच्या आवारात घुसल्याने उपस्थित कर्मचार्यांना व वादी- प्रतीवाद्याना दुर्गंधीयुक्त वातावरणात काम करावे लागत आहे.

हिमायतनगर शहराला नगरपंचायतीचा दर्जा मिळाला असून, लवकरच या ठिकाणची ग्रामपंचायत संपुष्ठात येउन नगर पंचायतीच्या निवडणुका लागणार आहेत. त्यामुळे शहरातील सफाई, स्वच्छतेकडे संबंधित प्रशासनाने दुर्लक्ष करून, स्वार्थ असलेल्या रस्ते विकास कामाकडे लक्ष केंद्रित केले आहे. शहरातील नाल्याचे व्यवस्थापन व्यवस्थित केल्या गेले नसल्याने घाण पाण्याचा संचय होऊन नागरिकांचे आरोग्य धोक्यात आले आहे. शहरातील अनेक चौका- चौकात व मुख्य रस्त्याच्याकडेला घाण, कचर्याचे ढिगारे जश्यास तसे ठेवले जात असल्याने तीचघाण उन्हामुळे वाळून हलक्याश्या हवेने नागरिकांच्या नाका - तोंडात व पुन्हा नालीत जात आहे. याचा प्रत्यय पादचार्यांना व वाहनधारकांना येत असताना नुकत्याच झालेल्या हलक्याश्या पावसाने नाल्या तुंबलेल्या असल्या कारणाने वार्ड क्रमांक ३ मधील अनेक घरात पाणी शिरल्याचे दिसून आले आहे.

तसेच परमेश्वर मंदिर ते आंबेडकर रस्त्यावरील कोर्ट न्यायालय परिसरातील नाल्या जाम झाल्यामुळे नाल्याचे घाणपाणी थेट आवारात जमा झाल्यामुळे तलावाचे स्वरूप आल्याचे चित्र दिसून आले आहे. बरेच तास न्यायालयाच्या आवारात दुर्गंधीयुक्त घाणपाणी साचून राहिल्यामुळे कामानिमित्त आलेल्या नागरिकांना दुर्गंधीचा सामना करावा लागला. त्यामुळे उपस्थित नागरिकांनी प्रस्तुत प्रतिनिधीसमोर ग्रामपंचायतीच्या गलथान कारभाराबाबत तीव्र नाराजी व्यक्त केली आहे. 

या बाबत ग्रामसेवक शंकर गर्दसवार यांच्याशी संपर्क साधला असता ते म्हणाले कि, या बाबतची माहिती मला न्यायालयातून मिळाली आहे, या ठिकाणी संचय होणार्या पाण्याची विल्हेवाट लाऊन तात्काळ परिसर स्वच्छ करण्यासाठी कर्मचार्यांना पाठविणार असल्याचे सांगितले.

अभियंत्याचा मुजोरपणा



हिमायतनगर(वार्ताहर)येथून जवळच असलेल्या मौजे सरसम येथील महाराष्ट्र राज्य वीज वितरण कंपनीच्या कनिष्ठ अभियंत्याचा मुजोरपणा वाढला असून, नागरिकांच्या सदरील अभियंत्याच्या वागणुकीविषयी तीव्र संताप व्यक्त करण्यात येत आहे.

याबाबत सविस्तर असे कि, सरसम शाखेच्या वीज वितरण कंपनीच्या कार्यक्षेत्रात येणाऱ्या मौजे टेंभी येथे गावातील विद्दुत खांबावरील जिवंत विद्दुत तार दि.०४ सप्टेंबर च्या रात्री तुटून पडली. तर रस्त्यावर पडली असताना अपघात होऊन जीवित हानी होण्याची दाट शक्यता असल्याने या संबंधीची माहिती गावातील नागरिकांनी सरसम ३३ क.व्ही.कार्यालयाचे कनिष्ठ अभियंता श्री पाटील यांना भ्रमणध्वनीवर कळवून तार जोडून देण्याची विनंती केली. मात्र अभियंत्याने नागरिकांची समस्या सोडविण्याचे सोडून तुम्ही तुमच्या लाईनमनला सांगा..याचे मला काही देणे घेणे नाही..मला काय येथे फार दिवस नौकरी करायची नाही तुम्ही तुमच बघून घ्या असे उर्मट पानाची भाषा वापरली असल्याने नागरिकांनी अश्या बेजबाबदार अभियंत्याचा कारभाराबाबत तीव्र संताप व्यक्त केला आहे. जबाबदार अभियंत्याला कर्तव्याचे भान नसल्याचे यावरून दिसून आले आहे.

सध्या गौरी - गणेशोत्सवाची धामधूम सर्वत्र चालू असताना वीज वितरण कंपनीने सतर्क राहून नागरिकांना सुविधा पुरवाव्यात अश्या सूचना पोलिस निरीक्षकांनी शांतता कमेटीच्या बैठकीत दिल्या होत्या. परंतु सुचनेचे पालन तर सोडाच महावितरण अभियंत्याच्या उर्मटपणा दिसून आल्याने अश्या अभियंत्यास सभ्यपणा शिकविण्याचे काम खुद्द जनतेलाच करावा लागेल कि काय..? अश्या प्रतिक्रिया साम्सेच्या गर्तेत सापडलेल्या टेंभी वासियातून उमटल्या आहेत. या प्रकाराकडे वरिष्ठांनी या बेजबाबदार व उर्मट भाषा वापरणाऱ्या अभियंत्यास शिस्त लाऊन नागरिकांच्या समस्या सोडविण्याची मागणी नागरिकांनी केली आहे.

रक्तदानाचे कार्य अमुल्य

हिमायतनगर(अनिल मादसवार)रक्तदान हे सर्वात श्रेष्ठ दान आहे, युवकांनी राबविलेल्या रक्तदानाच्या उपक्रमातून गरजू रुग्णांना व अपघात ग्रस्तांना जीवदान मिळू शकते. युवकांकडून केले जाणारे हे आदर्श कार्य अमुल्य आहे असे मत शिवसेनेचे युवा नेते तथा विधानसभा निवडणुकीचे संभाव्य उमेदवार नागेश पाटील यांनी व्यक्त केले. ते हिमायतनगर येथील बजरंग गणेश मंडळाच्या वतीने आयोजित महारक्तदान शिबिरास दिलेल्या भेटी प्रसंगी बोलत होते. तसेच यावेळी त्यांनी युवकांच्या उपक्रमाचे तोंडभरून कौतुक करून सतत असे समाजउपयोगी कार्यक्रम राबिण्याचे आवाहन करून राक्तादांच्या उपक्रमाबद्दल शुभेच्छा दिल्या.

येथील श्री बजरंग गणेश मंडळाला या वर्षी सहा वर्ष पूर्ण झाले असून, सतत येथील युवकांच्या माध्यमातून गणेशोत्सव पर्वकाळात महाप्रसाद सामजिक व सांस्कृतिक कार्यक्रम असे विविध उपक्रम राबविले जातात. आज दि.०५ शुक्रवारी आयोजित रक्तदान शिबिरात शहर व ग्रामीण भागातील हिंदू - मुस्लिम - बौद्ध तरुणांनी रक्तदान करण्यासाठी गर्दी करून उत्स्फूर्त प्रतिसाद दिला आहे. सदर शिबिराचे उद्घाटन तालुक्याचे दंडाधिकारी श्री शरद झाडगे यांच्या हस्ते करण्यात आले असून, या प्रसंगी परमेश्वर मंदिर ट्रस्टचे उपाध्यक्ष महाविरचंद श्रीश्रीमाळ, पोलिस निरीक्षक अनिलसिंह गौतम यांच्या उपस्थितीत करण्यात आले. शिबिराच्या सुरुवातीला तालुक्यातील कारंजी, धानोरा येथील कार्यकर्त्यांनी रक्तदान केले. त्यानंतर शिबिराची सुरुवात झाली, शिबारातील युवकांनी दान केलेल्या रक्ताचा साठा करण्यासाठी जनकल्याण साखळी आणि वैद्यकीय सेवा संलग्नित श्री गुरु गोविन्दसिंघजी सेवा प्रतिष्ठान संलग्नित गोळवलकर गुरुजी रक्त पेढी व अर्बनब्लड बैन्केचे डॉक्टर व त्यांच्या सहकार्यांनी मेहनत घेतली.

कार्यक्रमाच्या उद्घाटन प्रसंगी तहसीलदार झाडके, पो.नि.अनिलसिंह गौतम, गजानन तुप्तेवार, महाविरचंद श्रीश्रीमाळ यांनी उपस्थितांना मार्गदर्शन करून युवकांनी सुरु केलेल्या या सामाजिक उपक्रमाचे कौतुक केले. यावेळी गजानन तुप्तेवार, ज्ञानेश्वर शिंदे, रामभाऊ ठाकरे, कृषी उत्पन्न बाजार समितीचे संचालक बाळू चवरे, राजीव बंडेवार, मुन्न जन्नावार, विजय वळसे, मिलिंद जन्नावार, कमलाकर दिक्कतवार, विजय नरवाडे, अन्वर खान पठाण, फेरोजखान युसुफखान, उदय देशपांडे, हानुसिंग ठाकुर, सरदार खान, संतोष गाजेवार, गुंडाळे सर, विठ्ठलराव वानखेडे, रमेश पळशीकर, डॉ. माने, डॉ. दिलीप माने, खंडू चव्हाण, रामदास रामदिनवार, विलास वानखेडे, अनिल मादसवार, पांडुरंग गाडगे, कानबा पोपलवार, दत्ता शिराने, अशोक अनगुलवार, वसंत राठोड, आदींसह शेकडो रक्तदाते, पोलिस कर्मचारी, गणेश मंडळाचे युवक उपस्थित होते. सदर शिबीर यशस्वी करण्यासाठी बजरंग गणेश मंडळाचे गजानन चायल, विशाल राठोड, गजानन मांगुळकर, कुणाल राठोड, आशिष जैन, राहुल नरवाडे, गोपी डोईफोडे, मारोती सूर्यवंशी, शंकर ताटीकुंडलवाड, बालाजी मंडलवाड, योगेश चीलकावर, गजानन मुत्तलवाड, सुरज दासेवार, ज्ञानेश्वर बास्टेवाड, रवि शिंदे, आदींसह शहरातील गणेश मंडळ व बजरंग दलाच्या युवकांनी परीश्रम घेतले.

रक्तदान शिबिरात महिलांचाही सहभाग
------------------------------------
येथील बजरंग गणेश मंडळाच्या वतीने आयोजित महारक्तदान शिबिरात शालेय मुली व जैन समाजाच्या महिलांनी रक्तदान करून शिबिराला प्रतिसाद दिल्याने सर्व स्तरातून कौतुक केले जात आहे.

शिबिरात ५०० हून अधिक पिशव्या रक्तदान
-----------------------------------------------
शहरातील पोलिस स्थानकासमोरील श्री बजरंग गणेश मंडळाच्या वतीने आयोजित महारक्तदान शिबिरास युवकांनी उत्स्फूर्त प्रतिसाद दिला असून, सायंकाळी वृत्त लिहीपर्यंत ५०० हून अधिक युवकांनी व महिला - मुलीनी रक्तदान केल्याची माहिती गणेश मंडळाचे आयोजकांनी नांदेड न्युज लाइव्हशि बोलताना दिली.