शहराला भूकंपाचा अतिशय सौम्य धक्का; नागरिकांनी काळजी घ्यावी,पण घाबरु नये महापालिकेचे आवाहन
नांदेड(अनिल मादसवार)शहराला शुक्रवारी (दि.22) रात्री भूकंपाचा सौम्य धक्का बसला. या धक्क्याची तीव्रता अतिशय कमी आणि काळजी करण्यासारखी नाही. त्याकरिता नागरिकांनी नेहमी सावध राहावे; परंतु घाबरुन जाऊ नये, असे आवाहन महापालिकेच्या वतीने करण्यात आले आहे. पूर्वानुभव लक्षात घेता शहरात मागील काही वर्षापासून हिवाळ्यात भूकंपाचे धक्के जाणवत आहेत. त्यामुळे भूकंपाच्या धक्क्याला घाबरुन न जाता घरातील सुरक्षित टेबल, खुर्ची, कॉट, बीमखाली आश्रय घ्यावा, असे महापालिकेच्या वतीने कळविण्यात आले आहे. ............
