तर ...अशोकरावांचे पुनर्वसन होईल जेलमध्येच ...खा.वानखेडे
हिमायतनगर(अनिल मादसवार)सत्ताधारी पक्षाच्या काही जबाबदार लोकप्रतिनिधीकडून अशोकरावांचे राजकीय पुनर्वसन होणार असल्याचा गवगवा केला जात आहे. परंतु आदर्श प्रकरणामुळे ते गोत्यात आले असून, त्यांच्या अडचणी वाढतच आहेत. त्यांचे पुनर्वसन होईल.. परंतु ते सुद्धा जेलमध्ये असे खळबळजनक वक्तव्य हिंगोली लोकसभा मतदार संघाचे खासदार सुभाष वानखेडे यांनी केले. ते हिमायतनगर तालुक्यातील सवना ज. येथील शिवसेनेच्या कार्यकर्ता मेळाव्याप्रसंगी बोलत होते. यावेळी मंचावर हदगाव विधानसभेचे युवा नेते नागेश पाटील आष्टीकर, माजी. जी.प.स.बाबुराव कदम कोहळीकर, हिमायतनगर तालुका प्रमुख डॉक्टर प्रकाश वानखेडे यांच्यासह मान्यवरांची उपस्थिती होती. ..
